ضيقت صدري يا حمام الدار=من سمع صوتك جرله ونه
القلب كن دقبه مسمار=والفكر ضيّع وختلف ضنه
يليت قلبي له جناح وطار =ويزور سيد الحور ويكنه
بعده على القلب المشق نار= قربه على قلب العنا جنه
العام يوم انه صديق اوجار=مبسوط وعيوني يشوفنه
مابيننا يثنين غير اجدار=اسمع خلاخيله لها رنه
واليوم غاب وقطعة الاخبار =والخد عبراته يساقنه
اثر التفرق فيه قصف اعمار=يويل من صار السهر فنه
و اصبر على الفرقا و انا صبار=لين القدر باكر يجيبنه
ماعاد اعرفه مصلي و القمبار=محب (ن) في ضلوعي يشيلنه
و الهم يخنق عبره المحتار=و السنون في كبده يكونه
امرك على راسي يابو مختار=و انتا الي لك المنه
هذا خطا هذا خطا ماصار=لا هوب شرع (ن) و لا سنه
ان غبت عني قلت ياغدار=خليتني أزرع سما الشنه
و ان شفت زولك زادت الأنوار= أنوار و أفراح يبارن
حب العذارا عاصي (ن) جبار=كم واحد (ن) مثلي يصيبنه
يرمن رمي البندق ام عيار=واعزتي للي يصيبنه
يامنفي يابوخالص الأثمار=البيض في زينه يحسدنه
ماحط له عقب العصر مسيار=في البيت جاراته يزورنه
عليه من ربي حلاه و استار=محمي وسام الله يحمنه
ياليتني وياه ليل و نهار=حتا العيون ماعاد يبكنه
ضيقت صدري ياحمام الدار= من سمع صوتك جر له ونه
كلمات: خلف بن هذال
https://www.youtube.com/watch?v=_fsjkA_eVZM
