صار الوفاء في هالزمن كرت محروق ،،،،، وصار الرفيق اليوم يغدر رفيقه
وصارت تشابه لحظة غروب وشروق ،،،،، هم الصبح لا جا المساء صار ضيقة
الوقت مايرحم و لا يعطي حقوق ،،،،، والحظ ميت والحقيقة غريقه
عندي خبر حصري حقيقي و موثوق ،،،،، وعندي عليه أوراق وعندي وثيقه
تبي تصير إنسان في قمة الذوق ،،،،، إكذب وأنافق لا تقول الحقيقة
وتبي تكون إنسان تافه ومطفوق ،،،،، أصدق وتصغر في عيون الخليقه
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،، ،،،،،،
وينك ؟
بكيت بصمت
بكى جوفي
بكت عيني بكى مجرى شراييني
بكى الإحساس والنبره
بكى الخافقين مع النضره
بكى التاريخ من عمري وبكى الباقي من أيامي
لآني فاقدك وينك ؟
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،، ،،،،،،
ياما على نفسي بالأحلام كذبت
وياما صبرت وصبرنا ما نفعنا
وياما وياما من وداعه تعذبت
وياما نحاول نفترق ما إستطعنا
كم مرة ودع وكم مرة غبت
وكم مرة عقب الوداع إجتمعنا
ياما توادعنا وشرق وغربت
ويوم إلتفتنا في بعضنا رجعنا
لا قادرة أنساه مهما تهربت
ولا معترف في حبنا مجتمعنا
وسلاااامتكم ،،،
