الاستثمار في الشركات الاماراتيه بين النصب والاحتيال والحقيقة

السلام عليكم ورحمة الله وبركاته
اتمنى ان الجميع بخير وصحة.

صار لي فتره حاب استثمر في شركات عقارية وكنت ابحث في الانترنت بشكل كثير جداً. حصلت اكثر من شركة وبعضها يكون اعلان لشركه عن طريق قوقل او اليوتيوب وغيرها من الاعلانات.

الصراحه لفت انتباهي ان كثير من الشركات يكون مقرها الامارات وهذا للأمانه خلاني ارتاح ان وضع الشركه بيكون بخير.
حددت لي كذا شركة وكنت ناوي اشتري اسهم فيها. تواصلت مع واحد منهم وقال ان عندهم عقارات في البوسنه وسعر السهم تقريباً فوق عشرة الاف ريال سعودي.

تقريباً كنت جازم اني اشتري عندهم اسهم خصوصاً ان هذي الشركات تعطي ارباح ويكون مردودها جيد. توكلت على الله وقبل لا اشتري في اسهمها قدر الله اني اطلع انا وواحد من الشباب نتمشى وكذا.

قلت له الي في خاطري واني حاب استثمر ومن هالكلام، الرجال ما ينصحني ابداً ويقول انتبه من ذي الشركات لأنها بالعادة تكون كلها نصب وكذب وشغلهم اغلبه مزور.
يقول انهم يجهزون الوثائق والعقود ولكن كلها وهمية او يحطون فيها ثغرات قانونيه عشان تاكل مقلب معهم.

واذا طاح الفاس بالراس، ما لك ممسك عليهم حتى الاوراق اما انها تكون وهمية او تكون فيها ثغرات وانت موافق عليها وعلى الشروط الي فيها بمعنى انه اذا وصل الموضوع للمحكمة ما تقدر تحصل شي.

وعطاني مثال عن عارف نقفي الي سرق اكثر من 200 مليون وراح فلوس المستثمرين عليهم ومحد قادر يمسك عليه شي. واغلب المستثمرين عرب وخليجيين وسعوديين.

الحمد لله اني فتحت الموضوع مع الرجال وانه افادني ونبهني على ذا الكلام. صراحه ما قد سمعته في الاخبار او انا نفسي ما اتابع الاخبار كثير.

دايم اتابع المشاهير الي يروحون للأمارات وكثير منهم يتكلم على الفرص الاستثمارية هناك بس محد قد قال ان فيه حراميه وفيه سرقات وللاسف الكثير منهم يحث الناس انها تستثمر في الشركات العقارية الي في البوسنه او في تركيا واذربيجان وكذا.

الي عنده معلومات عن الكلام ذا ياليت يفيدنى، ممكن انا جاهل في المعلومات بس نقلت لكم كلام الرجال وهو له فترة طويله في هذا المجال.

بارك الله فيك

انا ماعندي معلومه ولاقد سمعت

بس النصابين كثير خصوصا برا السعوديه و دخلها

يستغلون الخليجين

وغير كذا حتي لو فيه استثممار فعلاً ماتدرى عن الحلال والحرام و ايش استثمارتهم
كذابين اللي يقول كل شغلهم عقار او حديد ...الخ

خلك هنا بالسوق السعودي فيه اسهم نقية و تابع معنا في المتابعه


وسلامتك

جزاك الله خير