عالبر وارتاح

لا صار في قلبك هموم وتناكيد
والضيق في صدرك به الهم نضاح
في البر لجروحك علاج وتضميد
تلقى الوناسة فيه والبال يرتاح
يا زينها الجلسة بوسط الصياهيد
والا على رملة شعيبٍ به طلاح
وتشوف ذاك الغيم يقبل من بعيد
اللي بأمر الله وصل لك ولا راح
تحس وبله كل ما يقرب يزيد
فوق الثرى يطربك صوته ليا طاح
غيثٍ تناثر وارتوى به ثرى البيد
والسيل في رقبته تباشير وافراح
عقبه تشوف الجو كنه صبح عيد
اليا انقشع غيمه وقوس المطر لاح
تسمع طيور الشوق سجعه وتغريد
والروض من عقب المطر صار فواح
وعلى فياض الشوق نضرب مواعيد
دلة وشبة نار وابريق قد فاح
وسط الربيع وفيه ترعى المفاريد
وروض ٍ أزاهيره تداوي لك جراح
تلقى الوناسه بين ربعٍ اجاويد
سوالف تبعد عن الصدر الاتراح
هذي حلاة البر من دون تعقيد
اما على المكشات او صرت سواح
مع رفقةٍ وافين من دون تحديد
معهم يزول الضيق والهم ينزاح
رفقة غلا ماهيب رفقة تناكيد
تفديك بالغالي وتفديك بارواح
اللي تضرك رفقته .. خله بعيد
واللي تسرك رفقته .. كله ارباح
http://www.alriyadh.com/media/cache/...8bf204ec41.jpg

صح لسانك عمو حمزه
منظهر يهيج المشاعر
تشكرات افندم

فوق الثرى يطربك صوته ليا طاح
غيثٍ تناثر وارتوى به ثرى البيد
والسيل في رقبته تباشير وافراح

كلام جميل

ياهلا بكو شرفتمونا ونورتو احنا

الله يعافيك

صح لسانك ويعطيك العافية

صح بدنك والله يعافيك خيووو