حتى ماتكون ضحية للورش وخاصه تصليح الرديترات
السلام عليكم
كثرة بالاونه الاخيره سرقة السيارات داخل الورش او من محلات الرديترات والشكمان الزبده لاتثقون بالعماله السالفه فيها ذهب نعم ذهب يتم تفريغ دبة الرصاص طبعاً بغيابك لأنك واثق فيهم وانا لا اعمم ولاكن فيه ضعفاء نفووس . يتم تفريغ الشكمان بعد ماياخذون الماده وهي تشبه خلية النحل داخل الشكمان وبعدها يتم التلحيم وكأن شي لم يحدث تدرون ان سعرها غاالى وتباع بالوزن حتى ولو بودره ..
الشي الثاني يقنعونك السياره مكتومه ويجب تفريغ دبة الرصاص اودبة البيئه حتى لو مامعك فلوس يتم تفريغها مجاناً!!! لانه راح يبيعها ب٥٠٠ ريال.. اذا قالك افرغها ببلاش قله بكم تاخذها؟؟؟؟
اغلب السيارات يجي فيها اكثر من دبه وخاصه الامريكي يوكن وتاهو وتويوتا.
مشاكل ازالة دبة الرصاص
١- رائحة العادم داخل وخارج السياره
٢- حرارة المكينه
٣- لمبة التراكشن تولع وهنا تروح بداومه وبرمجه وبالاخير يتم الرمجه حتى تختفي لمبة التراكشن تدرون كيف اختفت تم زالتها من النظام ههه ويقولك خلاص ميه ميه..
٤- اسهلاك الوقود بشكل ملفت وهذا هو الاهم بالوقت الحالى ماحنا ناقصين ...
٥- ممكن ماتنجح بالفحص الدوري من الكربون الزائد..
بإختصار دبة الرصاص تتنظف يتم انزال الشكمان بالكامل وتنظيفه بواسطة بخاخ اسي ديلكو وبعده ماء حار بواسطة هوز ولاكن بعد ١٥٠ الف كيلو ان لزم الامر ولا مايحتاح..
النهايه تبي تفرغ دبة الرصاص روح سعرها بالوكاله والتشليح قبل تسويها وراح تنصدم من السعر وتعرف قيمتها الحقيقيه..
ابلغو من حولكم واولادكم من هذه الجريمه.
تحتوي دبة الرصاص على معادن نفيسه جداً مثل البلاديوم وغيرها.
اسف جداً للإطاله 💕
رد: حتى ماتكون ضحية للورش وخاصه تصليح الرديترات
وعليكم السلام ورحمة الله وبركاته
مشكور والله يجزاك خير
رد: حتى ماتكون ضحية للورش وخاصه تصليح الرديترات
رد: حتى ماتكون ضحية للورش وخاصه تصليح الرديترات
وش دراك انهم قبل كم يوم قالوه لي ورفضت :101:
يقول لي الشكمان فيه تنسيم خفيف ويبغى له تصليح
طلع الدعوى فيها لعب
مشكور ابو خالد
دوووووووك الوردة :136:
رد: حتى ماتكون ضحية للورش وخاصه تصليح الرديترات
