اتعب علي الطيب تري رفقته عز
وإلا الردي مافاد نفسه يفيدك
الصاحب اللي لا لمح جيتك فز
هذا الذي لازم تعده عضيدك
عرض للطباعة
اتعب علي الطيب تري رفقته عز
وإلا الردي مافاد نفسه يفيدك
الصاحب اللي لا لمح جيتك فز
هذا الذي لازم تعده عضيدك
لا تفرح إن الوقـت أسعدك واعطاك ### لابــد مـا ســود اللـــــــيالي تبكيـــك
دنــــــيا تقلـــب علــها مـــا تــولاك### تمسي عزيز وتصبح من الصعاليك
إلى اقبلت تخفي عيوبك عن أعداك### وإلى ادبرت تظهـر عيوبك لاهاليـك
غنم من صروف الدهر كانه امداك### قبل اللحد عن ظاهر الارض يخفيك
وترى التشكي للمخاليق يشــــــنـاك### يحط من قدرك ويفـرح امــعــاديـك
وكـثر التـشره يجعـل الناس تجـفاك### ولا عــاد تلـقى بيـنهـم من يخـاويك
ولا تمادى في زعل من ترضــــاك### مادام جاء عاني على شأن يرضيك
ولا تخــاوي من على أبوه بـــــداك### هذاك وان طال الزمان غادر فـيـــك
والـجـاهل احـذر لاتجـادلـه يـبلاك### في كـلـمة بين الـمخاليـق تعـمـيــك
والهرجه العوجى لو أنه تنصــــاك ###حـاول تجـاهـلهـا وخــله تـعـديـــك
ولاتخـيـب هـقـوت اللي تـهـقـــواك### مادام جاء بين المخاليق ناصيـــــك
واحـذر تـهـزا يـافـتـى بخلق مولاك### تـشـوفـها باقـرب قـريـبٍ يوالـيـــك
ولا تفرح بزودٍ على الحق وان جاك### زودك ترى نقصٍ على حق ذوليـك
وخل القناعه ميزةٍ من مزايـــــــاك### مـع الـقـناعـه كــل شـيٍ يـكـفـيـــك
وان جت لك الدنيا على غير مشهاك### اصبر ترى بالصبر تدرك أمانيك
لا تامـن الدنيــا تـرى الوقـت فتــاك### لجا القـدر كثـر الحـذر ما ينجيـــك
اختبار جميل من شخص أجمل
الله يعطيكم العافيه جميع
اصد عن زلت رفيقي واداريه
ماني من اللي يفْرقون الجماعه
أتلمس الاعذار وادمح واراعيه
ترى الخطأ وارد وفي كل ساعه
وان كان رددها وضاع الرجاء فيه
ماني بمن يقطع بسيفه ذراعه
أتجنبه وان جت مواقيف باجيه
للموقف الغصاب أمر وطاعه
طوعت لعيونه جزيل القوافي
طوعتها مثنى مع اثلاث وارباع
لعيونه اللي بيحت كل حافي
جزل القوافي طاعت لزين الاطباع
طاع الشعر وانساب لرضاه صافي
ولغيره القيفان تشرى وتنباااااااع
مشاركات جميلة
بارك الله في صاحب الموضوع
وجميع من شارك
من تركني ساعة الحاجة وقفّى
لايجي لاصارت الدنيا عــوافي
وبيض الله وجه من كفّى ووفّى
الرفيق اللي مع الصدقان وافي
يعطيك, العافية.. كلّ الشكرُ ,والتقديرلك
من يحط لـ سيء ظنونه رسن
عاش عمره في سلام وفي هدو
الكلام الذرب ، والظن الحسن
ما تخلي لك على الدنيا عدو
مشكورين والله يعطيكم جميعا العافيه
شكرا لكم جميعا مشاركاتكم اسعدتني
ياصاحبي لاصرت ضايق ومهموم
ابحث عن أسباب الحيـــاة السعيده
حرر قيود الأمــــس وابدا من اليوم
افتح علـــــى دنياك صفـــحة جديده
دايـــــم تفائل بالأمـــــل واترك اللوم
عش لحظتك واللــــي مضى لاتعيده
اعرف ترى منته من الذنب معصوم
اللـــــه هـــــو الغفـــــار وحنا عبيده
إن شانت الدنيا ترى العمر مقسوم
محدن حياته جت علـــــى ما يريده
الحـــــزن مهما طــــال لايمكن يدوم
بعض التجارب فـــــي حياتك مفيده
وان كنت مـــن عذبات الايام محروم
منت الوحيـــد اللـــــي ظروفه عنيده
مادمــت لاظـــــالم ولانتـــــه بمظلوم
وقلبـــــك بعد لازال ينـبــــض وريده
انفض غبار الهم واصحى من النوم
اصبر علــــى الشدات لوهي شديده
عانق تباشيـــــر الزمن وابعد الحوم
قدامـــــك دروب الأمـــــانـــي عديده
لا تشتكي للناس لو كنت مطعون
والذم من بعض الخلايق مديحه
ولا تنحني للهم وتعيش مغبون
المستريح أهل العقول الصحيحه
لا صرت صادق قالوا الناس مجنون
ما يمدحون إلا النفوس القبيحه
وخلك صمود بوجه الأيام موزون
وما حرم الله إثم فلا تستبيحه
والكبر لو به فايدة فاد فرعون
ومن ذاع سره بشّره بالفضيحه
والله لو يعطونك مال قارون
ما شفت نفسك بالغنى مستريحه
انفض هموم القلب وإبليس ملعون
وإن ضاق صدرك أرض ربي فسيحه
اضحك وفل حجاج لاتصير محزون
دنياك ما تسوى وخذها نصيحه
لو كانوا أصحابك يضاهون مليون
نق الوفي منهم و خل النطيحه
جزاكم الله خير
طرح جميل من الجميع بارك الله فيكم
شكرا من القلب لكم يامبدعين