لا والله..الا بين الكبر فيني
وانا احسبن عمري له الحين عشرين
راحت بغمضت عين كل السنيني
ولا انطحن حبن براسي له ...الحين
بغيت ازينها ....وعيت تزيني
تعبت اقول بخاطري باكر تزين
اركض ورى دنياي واهملت ديني
وان مر طاري الاخرة قلت ممدين
طول الامل يلعب على الغافليني
اللي يحسبون انهم دوم حيين
الموت لو يستاذن .....الميتيني
اهل المعاصي مايموتون عاصين
ان كان ماجاء الحين جاء بعد حيني
ياحظ منهو حاسب حسابها زين
على المساجد يسبق المذنيني
وان غاب له فرض فقدوه المصلين
اللي يبي الثناين دنيا وديني
يفوز ب الثناين ..لاقدم الدين
اخير من دنيا الوهم ركعتيني
قد قالها ابن حميد قبلي من سنين
من جربوها... لذة المؤمنيني
في ذمتي مايغبطون السلاطين
خالد المريخي
