رابط الحزام يابو كرم وقلقان شوي من المستوى المدون
عرض للطباعة
رابط الحزام يابو كرم وقلقان شوي من المستوى المدون
مرحبا ابو راكان يا الله تحييه
خلنا ندردش شوي عن الراجحي
اللي اشوفه من مسار السهم فنيا الى الان انه لن يشارك في صعود للمؤشر ان حصل صعود
مافيه جديد من اخر تحليل لمساره فهو يسير في نفس الاتجاه الهابط على المدى القصير
قبل 20 يوم نزلت الشارت التالي:
واليوم يواصل في نفس المسار
https://www.raed.net/img?id=684893
قطع اكثر من نصف المسافه للإتجاه المحدد.
ولو اخذنا صوره اشمل بالشارت التالي:
https://www.raed.net/img?id=684901
نلاحظ انه انهى خمس موجات وكسر القناة الموجية الصاعده وما قدر يتماسك فيها ( القناة الموجية تختلف عن القناة الكلاسيكيه )
والى الان هو في تصحيح( طبيعي مافيه قلق )للصعود الكبيراللي كان فيه
هل سيكون هذا التصحيح كافي ؟ او انه جزء من تصحيح اكبر ( قلق) ؟ هذا يعتمد على سلوك السهم الموجي بعد نهاية موجته التصحيحية القصيره اللي هو فيها الحين.
بإذن الله راح يكون فيه موضوع مستقل عن الراجحي لأن فيه على الفريمات الكبيره مثل الاسبوعي بعض الامور اللي ممكن توضح المسار اكثر على المدى الطويل.
السلام عليكم ورحمة الله وبركاته
يعطيك العافيه استاذ عبدالكربم
نتابع والله يكتب اللي فيه الخبر
اشوف كسر 83.30 باغلاق يدخل السهم في حسابات اخرى كلاسكيا ان صح النموذج . علما بان لديه احقية توزيعات وجمعيه غير عاديه يوم 24 من الشهر الحالي
هل من الممكن او يجوز ان تكون b بدلا من 5 وترحل 5 للقمه الاسبق و3 و4 للقمه والقاع الاسبق
اعذرني على التطفل على موضوعك لكن منك نستفيد
تحياتي
بعد إذن اخوي عبدالكريم بالنسبه للسهم رقميا وصل المستهدف ولديه تصحيح الى 78 في حال الاغلاق دون 85.94 والله أعلم
https://invst.ly/13wrop
عليك السلام ورحمة الله وبركاته
يا هلا ومسهلا اخوي hds نورت الموضوع بمشاركتك وبإضافتك واستفساراتك الهامه ، واعتبر الموضوع موضوعك وماعندك الا حلالك يالغالي وما انت متطفل الا راعي محل وتمون على الموضوع وراعيه.
بالنسبه للنقطه 83.30 كلاسيكياً اللي اشرت لها بإن كسرها يدخل السهم بحسابات اخرى فهذا وارد لكن في رايي يتحدد بعد الكسر ونهاية هذه الموجه.
من ناحية استفسارك المهم جداً وهو نقل b مكان 5 وترحيل 5 للقمة الاسبق وبالتالي تتغير مواقع 3 و4
من اكبر المشاكل اللي تدخل المحلل بالتيه هو عدم الدقة بالترقيم لأن كل موجة مرتبطه باللي قبلها بالشارت لو الشارت عمره 150 سنه
في المنتدى قرأت على الاقل موضوعين او اكثر سبب مخالفة السهم لرأي المحلل هو عدم وضع كل شي بمكانه الصحيح مثلاً وضع b في غير مكانها ومن هنا بدأت مشاكل الترقيم،، لأنه بدأ يرقم موجات C من حيث انتهت b والـ b مكانها خطأ مع ان عمرها بالشارت سنتين تقريبا لكن كل ما بعدها مرتبط فيها ،، وزادت موجات C واكثر من مره قرر ان خامسة C انتهت ويتفاجأ بمواصلة المسار. الحل بسيط اتوقف واراجع الشارت وابحث عن نقطة الخطأ وين هي واعدلها وارسم الشارت مره اخرى.
اذاً اخوي hds لو نقلنا b مكان 5 اختلف عندنا كل شي بعده. وستكون نماذج التصحيح متاهات خاطئة بين فلات ممتده غير صحيحه او بين مركب غير صحيح وهكذا.
وفيه قوانين وارشادات نتبعها لصحة الترقيم وهي متعدده منها التداخل ومنها الدرجات الموجيه ومنها بالارشادات العزم والدايفر السلبي بين 3 و 5 وهذا ابسطها في القمم
نلاحظ الانفراج السلبي بين 3 و 5 بالعزم والسعر وهو ما يجعلنا نتأكد من الترقيم ولا نستطيع التبديل والا نحوس بالتصحيح وستكون قراءة الشارت مضلله.
https://www.raed.net/img?id=686030
تحياتي لك
بارك اللـــــه فيكم جميعًا ورزق ملاك السهم من واسع فضله
اشكرك استاذ عبدالكريم على الشرح العلمي الوافي والاسهاب فيه
واشكر لك رقي ونبل اخلاقك وسعة صدرك
بقي لدي اشكال وحيد وهو ان الصعود في b خماسي واضح على الديلي 5 موجات صاعده هل تظن ان b لم تكتمل وباقي له موجة صعود أخرى لتحقيق السي من b
عذرا منك مره أخرى
وتقبل تحياتي
قيموا ياخوان يا اعضاء المنتدى اللي تطلعون على الموضوع
الاستاذ عبدالكريم يستحق
قامه علميه اخلاق عاليه وطرح علمي رزين
ويعلم الله اني لا اعرفه شخصيا وهو بغنى عن شهادتي لكن تقييمكم هو اقل شئ تسونه بجانب الدعاء لبعض وفقكم الله جميعا
بارك الله فيكم ورحم الله والديكم جميعاً
اخي الحبيب hds اخجلتني بإطرائك الذي اعتبره وسام على الصدر وما عليك زود واسأل الله في اول ايام هذا الشهر الفضيل ان يبارك لك فيه وان يتم نعمته عليك ويوفقك ويعطيك ما تتمنى في الدنيا والاخره.
استاذي العزيز ما اقدمه من معرفه متواضعه او علم حصلت عليه واكتسبته بفضل الله ،، واجب اقوم بتقديمه حسب امكانياتي لأخواني واخواتي ابناء وطني الغالي واتمنى لهم ان يصلو الى اعلى درجات المعرفه في اليـــوت بالذات وهذا هو السبب في توسعي بالشرح احياناً او التعمق في تفاصيل النماذج وهو تشجيعهم للقراءة او الحصول على دورات في هذه النظرية العظيمه عندما يرون اضواء الاهداف تتحقق ،، وقيمة الانسان الحقيقية هي بما يقدمه للناس ، والقصور موجود ولا يسلم منه احد وكل يؤخذ منه ويُرد عليه الا نبينا صلى الله عليه وسلم. ولكن ما لا يدرك كله لا يترك جله. فنحن مطالبون بالتعلم وطلب العلم والاجتهاد حسب المقدره والطاقه.
شكرا اخي hds وتحياتي لشخصك الكريم .
الله يرفع قدرك اخي الحبيب انتم اهل الرقي والاخلاق النبيله ،،وهذا واجب لا هنت
سيزول الاشكال ان شاء الله
نشوفها اولا على الديلي:
https://www.raed.net/img?id=688487
باين انها ثلاثيه وليست خماسية.
كيف اتأكد من ان النمط ثلاثي abc وليس خماسي اذا صار عندي اشكال ؟
انزل على الفريم اللي اقل من الديلي وهو فريم الساعة (60 دقيقه ) لكي اشوف التفاصيل
https://www.raed.net/img?id=688477
هذه الموجة كامله بتفاصيلها على الساعة
ايش اللي خلاني مباشرة اقول انا طالع في نموذج ثلاثي وليس خماسي؟ هو التداخل بين 4 و 1 في الموجة الاولى على طول اعتمد اني طالع في تصحيح ثلاثي abc،، اي تداخل بين 4 و1 في اياً من الموجات الخمس الاولى هو A وهذه المشكله بالترقيم اللي معظم متداولي اليوت يقعون فيها وبعضهم يخلط بينها وبين الموجة الاماميه اللي تسمح بالتداخل بين 4-1 ويتجاهلون ان الموجة الاماية تطبق قوانين الدافعه بمعنى لا يسمح بالتداخل بالموجات المكونه للأولى والثالثه والخامسة ومسموح بالتداخل بين الرابعه والثالثه في الموجات الرئيسيه منها.
مثال الموجة الامامية التالية:
https://www.raed.net/img?id=688534
نعود الى موضوعنا وهو ان موجة الراجحي الحالية ثلاثية.
طيب هل ممكن يحصل كلام اخونا hds ويرتد السهم وبالتالي ان B لم تكتمل ؟؟ نعم بشرط يرتد قبل كسر 83.30 وهو احتمال ضعيف جداً لكن ليس لأن الموجة اللي هو نزل منها خماسيه بل ثلاثية وستكون بالشكل التالي:
https://www.raed.net/img?id=688545
اتمنى اني وضحت السبب لماذا ليست خماسية . واذا فيه شي مو واضح انا بالخدمه
تحياتي لك.
بارك الله فيك
وشهركم مبارك
حياك الله استاذ عبدالكريم ابدا ماجاملتك وهذا اقل مانقدمه لك على عطائك بالاضافه للدعاء لك
وجود قامه مثلك مكسب كبير للمنتدى واعضاءه وقلت سابقا سجلني من المتابعين لما تدونه في التحليل الموجي
وبارك الله فيك على جهودك وبالفعل التحليل الموجي على انه ممتع الا انه يضعك في الصوره الكامله بدرجه كبيره توقعا وتحقيقا للاهداف الايجابيه والسلبيه
اما ما تقدمه لاخوانك اعضاء وزوار المنتدى لانقول الا جزاك الله خير
تقبل وافر تحياتي