عرض للطباعة
صح لسانك يالشيباني هذا اظنها بنهيار 2006 والتاريخ يعيد نفسه شكرا لك على النقل يالحربي
صح بدنك ... أي نعم ذكريات من الماضياقتباس:
المشاركة الأصلية كتبت بواسطة ابن الصحراء
الاخوه الاعزا وجدت بعض الكتابات التي بعضها موجه لي وقد يحتاج بعضها لنقاش او ردود
ولكني جديد بالمنتدى ولاعرفت بعض اجراءته وطرق المراسله فارجو عدم المواخذه على عدم التجاوب ولكن يكون التجاوب مؤجل الى ان نلم بالاجراءت وشكرا للجميع
[size=5]اغلب الابناء والزوجات لايعرفون قيمة الاب الا بعد فقده ويزيدني الما اذا خطب الخطباء والدعاه
تكلمو عن الام ونسو الاب الاب اوسط ابواب الجنه الوالده اذا كانت قد حملتك في بطنها 9 شهور
فوالدك حمل جميع العائله في عقله وقلبه العمر كله
اسالو من فقدوا اباءهم ليخبروكم عن سعة الفقد
منقول
كان يقول قصيده غزليه وشاف زوجته وتوهق
يا طارق الباب رفقاً حين تطرقه
فإنه لم يعد في الدار أصحابُ
تفرقوا في دروب الأرض وانتثروا
كأنه لم يكن أنسٌ وأحبابُ
ارحم يديك فما في الدار من أحد
لا ترج رداً فأهـل الود قد راحـوا
ولترحم الدار لا توقظ مواجعها
للدور روحٌ كما للناس أرواحُ
منقول
اقتباس:
المشاركة الأصلية كتبت بواسطة هنادي
اختيار جميل جدا ( فانه لم يعد في الدار اصحاب ) دوام الحال من المحال
شكرا هنادي
قال مدغم ابو شيبه
ا
حتاج وجهٍ بسمته في محياه -- حاجة فقير راس ماله حزامه
يقول يا ويلي على المال ويلاه --واقول يا ويلي على الابتسامه
وقال بندر بن سرور:
أنصحك ياللي رشّك الشيب عميان - - -- وادي جهنم حادر(ن) مع شعيبه
يطغيك زود المال والزود نقصان -- - غادي بسوق السوء ليه تغدي به
لا تدّعي بالمال رابح وخسران -- ---- يفلجك من زين العمل يدّعي به
وافطن لكلمة ويل يوم للانسان -- --- في موقف ما ينفع المرء جيبه
للشر ميزان وللخير ميزان -- ------ تكتب ملائكة السماء وتعدي به
خذ لك نصيحة واحد داج الاكوان -- -- جرب غرابيل الدهر من نصيبه
من جاهد الدنيا بلا رووس جنحان -- -- يصبر لصكّات الزمان الرهيبه
وقال فيصل الرياحي:
خير ما فالرجل صدق النوايا والضمير **** والغناه بطاعة الله يا طلاب الغناه
موقف الرجال يعرف غني ولا فقير ****الغنى والله غنى العقل كان الله عطاه
والغنى بالمال يفنى ولا فالمال خير** **لو كنوزه تازن طويق وجبال السراه
يالله أعصمنا عن الجهل وإجعلنا نسير**** في مواكب طاعة الله ونكره من عصاه
يركض الإنسان والموعد الشوط الاخير ****ما درى كم يوم قدمه وكم يومٍ وراه
جبر الخواطر ذاك دأب أولي النهى
وترى الجهول بكسرها يتمتع
فاجعل كلامك بلسما فيه الشفاء
لا مشرطا يدمي القلوب ويوجع
منقول
اقتباس:
المشاركة الأصلية كتبت بواسطة هنادي
اختيار جميل يعطيك العافيه هنادي
وناسة وفلة
الله من قلب هجوسه تمله
مل الغضا لمبهرات المباهير
وشوف البراري والفضا ولعة له
لا شفت بالمنشا مزون مزابير
يا موتري ريحتك القيض كله
أبيك لاقامت تطول المشاوير
لا بد لك لابرّد الوقت تله
يحن ماطورك على ساقة الطير
في ماقعِِ بعض العرب ما يدله
مدهل لفتخان الرجال المناعير
نبي لنا معهم وناسة وفلة
مع درب مسهاج الوسوم المباكير
ليا اصبحت روس النوازي مطلة
عقب الجليد نكّسر الثلج تكسير
ثم أصبح القرناس من عقب طله
يوجس بجلده مثل دق المسامير
واستطلعوا خطو أشقر عادة له
حرش الكفوف يمزّر الخرب تمزير
والبارحة حل المسا قد حصل له
عشا خفيف من ابرق الريش تنسير
لافرعوه وشافهن وادرجن له
وأدلج وراع الجمس كفه علي القير
وتضايقن عقب الفضا وأحضرن له
وسلط علي وحده وذلّكّ مخامير
وليا المشبب عندهم مزهب له
باللي ندبها طيّر الريش تطيير
والخرب طقه ما تعدى محله
والثالثة فرّت ولاعينت خير
بطيارها شفنا غيارة وخلة
زمّت وحوّلها ولي المقادير
أعلق بها اللي عوقهن سهمة له
شيهان عوق ملوعات المعاشير
ملموم مثل الصول طوله بجله
أجرد يصخّر شرد البرق تصخير
وكل ركض للي بوجهه يشله
تزارقوهن بالحدود البواتير
أكبودهم عقب القرايا مغلة
تسع الشهور نقزر الوقت تقزير
وركبوا وقالوا تبّع الجمس ظله
لاما نقول أوقف كفيت العواثير
نبى لنا خد مهامل امزله
ما دوجت فيها الغنم والمظاهير
تلقى بها زرق المعارف محله
بيض الدواغر متعبات المداوير
هذا هوى اللي قزّر القيض كله
ما شاف غير القوبعة والعصافير
بدر الحويفي
بارك الله فيك
,ويبارك فيك وشكرا لك على المروراقتباس:
المشاركة الأصلية كتبت بواسطة غفران
والله يغفر لنا ولك
جزاكم الله خير
ومن يقول يجزا بالخير شكرااقتباس:
المشاركة الأصلية كتبت بواسطة بني حرب
لولا الخطاء ما احد(ن) عرف واجب الصح
ولولا الجهل ماصار للعقل مفعــــول
ونطق اللسان لـ جوهر القلب يشـــرح
والصمت به حكمه وراعيه مجـهـــول
وا**** في رؤيا هوى النفس تفـرح
لو تخفي الفرحه لها سر مرســـــول
واللي مصد مصد ماينفع اللــــــــــح
نفسك تطيب وصاحب الصد مشغــول
وكم صاب وقت الرخاء بك تربـــــح
وعند الشدايد عنك ماهو بمسئــــول
وقت السعه بــ لسانه الزين ماشــــح
ولايحسب الحاجات تكشف عن القول
قلته وانا نفسي تغضب وتسمــــــح
مثل العرب ماني عن الناس معـــزول
وليا حصل عز له النفس تطمـــــــــح
العبد رزقه عند مولاه مكفـــــــــــول
منقول
لاصرت ماترغب التصريح
بالهرج عن سرك الخافي
ون كان عبرت بالتلميح
بعض العرب جاه خفخافي
لكن اباعطي لك التوضيح
ماني على الهرج مزهافي
لو صرت لبعض الدروب مشيح
اعرف مسيري وميقافي
الماده الرابعه عشر من نظام مكافحة الرشوة المعدل بالمرسوم الملكي رقم 2/35
في 13/10/1388هـ ينص على ان يعفى الراشي او الوسيط اذا اخبر السلطات
بلجريمة قبل اكتشافها --
تكفون ساعدوا على كشف اهل الرشاوى
لولا الثلاث
لولا الهرم والفقر والثالث الموت ** يالادمي بالكون ياعظم شانك
سخرت ذرات الهوا تفهم الصوت** وخليتها اطوع من تحرك بنانك
جمادٍ تكلمها وهي وسط تابوت ** تاخذ وتعطي ماصدر من بيانك
وعزمت من فوق القمر تبني بيوت ** من يقهرك لوهو طويل ٍ زمانك
لولا الثلاث وشان من قدر الفوت ** نفذت كل اللي يقوله لسانك
محمد بن احمد السديري
من عاش بالدنيا يشوف العجايب = له تنكشف مع طول الايام الاسرار
الى عطاه الله جزيل الوهايب = ومدد بعمره مع طويلين الاعمار
يشوف بالاوضاع مايل وصايب = ويلقا مع الاصحاب مخلص وبوار
ويسمع علوم ٍ مع مودي وجايب = تحط شئ صار لو كان ماصار
احيان تاتي من قريب القرايب = يحسد رفيقه ميزة ٍ فيه ويغار
فوقه اللي للخوي عز وفلاحي
دارسين الطيب من عقب الجدودي
والمراجل دربها عسرا سماحي
دربها ولد الردي عنه محدودي
لا تقرب الأجرب بالامراض يعطبك =يصير جسمك مثل جسمه عليلي
ممشا الخطا من صافي العقل يسلبك = ويصير لك يم الرذيله سبيلي
وعن ما رد الانذال نزه مشاربك = واشرب نظيف لو ورادك طويلي
ولياك تنسى يا ابن الاجواد واجبك= واللي يروم المجد حمله ثقيلي
يالادمي وان كان كبرت مصايبك = اركن على محي البلاد المحيلي
أركن على رب بعرشه يراقبك =وناجه وبعد العسر يسره جليلي
محمد السديري
بيش افكر والتفاكير راحت كالسراب
و ن رسمت الخط جاه العجاج ودمدمه
والعرب ماتقبل النصح ويزعلها العتاب
ومع كثير الناس تلقا النفوس محطمه
ابو فارس
أجر الدؤوب على التلاوة عالِ
فاحفظ و إن حوصرتَ بالأثقالِ
في صحبة القرآن لست بخائبٍ
بل أنت مأجورٌ بأيّة حالِ
ما ضرّ سعيك إن بقيتَ متعتعًا
ما دمت مجتهدًا بلا إهمالِ
و ملازمًا للحفظ في يسرٍ و في
عسرٍ و عند تقلّب الأحوالِ
فلعل في تكرار وردك خيرةً
يا صابرًا يُجزى بلا مكيالِ
منقول
اقتباس:
المشاركة الأصلية كتبت بواسطة ابن الصحراء
أبيات جميلة جدآ .. تستحق عليها التقييم والشكر
أبوفارس دااائمآ تتحفنا بكل ماهو جميل وراقي .. لاعدمنا وجودك وعطاؤك .
ياجماعة كيف مافيكم حميا $ من بغا درب الشكاله تشمتونه
لو بغيت البخل درب الجود عيا $حالف ٍ مارضى لنفسي بالمهونه
المراجل ماتهيا هالسويا $ كود من عض النواجد في سنونه
عبدالله القريفه المطيري
يزيد جمالها مرورك يعطيك العافيهاقتباس:
المشاركة الأصلية كتبت بواسطة هنادي
مــدحـــــــي لربعـــــــي قـــــــــــارنه بأحتــــــــــــــرامي * مـــــاني غشـــــــيم ولانـــــــــويت أتغيِشـــــــــــــــم
مــــــــالي بـــــــــذم اعيـــــــال حـــــــــام ٍ وســــــــــامي * للنـــــــاس دون احقــــوقهـــــا عــــــزم وهـــــــــمم
مــــن ذم خـلـــــق اللـه تـــرعــــــرع وهــــــــــــــامي * وصـــــــبح طـــــريح اوهـــــــــامه اللـــي تــــــــوهم
قادر على مدح قبيلته دون ان يمس القبائل الاخرى
سبيل بن سند رجمه الله
قصيدة خكم ونصائح
[color="#000000"]الأجواد واجـد والمراجـل لهـا كسـاب...... لكن واعد العشـرة ليـا صـرت جمالـي
يطير الشـرار وكـل نـارٍ لهـا شبـاب...... ومن ولع النيران يصبـر علـى الصالـي
تجارب حياتي معجزة وادروب أصعـاب...... ولقيت الرجال انـواع والـوان وشكالـي
[/color]صديق الشدايد ما خذا منك علـم وجـاب...... وسيع الصدر يضحك ولا هـو بزعالـي
صديـق الشدايـد لا ينافـق ولا يغتـاب...... يدلـه غريـب الـدار ويزيـن الجـالـي
وصديق الرخى عقاب ومصادقـه عقـاب...... شجاع الحكـي والمـدح بالقيـل والقالـي
وصديق الرخى ما غير صورة ولبس ثياب...... يا ليتـه يبرقـع مالـه شمـاغ وعقالـي
وعنـدي نصيحـه جـد ماقلتهـا لعـاب...... أقول الصحيـح ونايـم القلـب يصحالـي
ترا خوة أهل الطيـب يالطيبيـن أطبـاب...... يطيـب السقيـم وخـوة الاش سـلالـي
تغانم شبابك يا بيض الوجه دامـك شـاب...... ترى البدر لو يطلع قمـر عـود أهلالـي
فلا تهجر المسجد وخلـك ورى المحـراب...... ترى روضة المسجد لهـا منـزلٍ عالـي
ولا تترك اللي يزهمـك خايـفٍ مرتـاب...... ترى الذل ما نجـى الثعـل بـا لتحيالـي
ولا لندى غير الفدى لـو تـروح أرقـاب...... ومن ضاع شوره يا خذ الشـور ويمالـي
ومن با شـرك بالعـذر لاتلحقـه بعتـاب ......ولا تشوف نفسك شيـخ والنـاس عمالـي
ولا تهين نفسك لو تجي بين ضرس وناب...... وهيبتك لا تنقـص ولـو ربـع مثقالـي
وبنت الردي لا يعجبـك زينهـا الجـذاب...... تراهـا كمـا المخيـال خيـل وتخيالـي
ولو شفت حمر خدودهـا وثمـان أعـذاب...... لا بدك تمنى ليـت مـا جالـك أعيالـي
ولدها لا ياشاف النقـى والملاقـى هـاب...... ذليـلٍ بخيـلٍ فيـه خفخـاف وجفـالـي
أخذ بنت قرمٍ طيـبٍ ساسهـا مـا عـاب...... تنومسك بنـت الشبـل ويجيلـك أشبالـي
أعيال الذياب تصير مثل الذيـاب أذيـاب...... وعيال الثعالـب مثلهـا زهـر الاذيالـي
وفرخ الصقر مثله وفرخ الغراب غـراب...... وبـوم الخـراب ايقابـل العـش ويلالـي
الي صار راسك فوق يا طيب الا نسـاب...... فـلا ينحنـي لقـدام رجليـن ونعـالـي
لكن الله اللي يكتـب الـرزق يـا خطـاب...... هو اللي يفـك البـاب ويقـص الا قفالـي
ولا يهمـل الا واحـدٍِ عايـفٍ الاشبـاب...... ولا ضيع أحقوق البشر غيـر الا همالـي
وترى للقصايد كيف والكيف لـه شـراب ......وانا ما مشرب الا كيف راسـي بفنجالـي
ولا طاوع الجاهـل ولا جامـل النصـاب...... أقـدم يميـن الحـق واحــط معـذالـي
ولا نيب و الله طيبن له مـع مـن طـاب...... ومن طاب لي برخص له الحال والمالـي
أكذب وانا خابـر واجامـل وانـا كـذاب...... سنين مضت هـي صـدق والا يورالـي
تلخبط جهاز المخ وانهـارت الاعصـاب ......وفورت دمـي وارتفـع ضغطـه العالـي
لكن في رجى اللي من رجى رحمته ماخاب...... هـو الواحـد العالـي وهـو ربناالوالـي
وهو الخالق الرازق وهو المعطي الوهـاب...... لـه الملـك كلـه والكمايـل والاكمالـي
رئوفٍ رئيفٍ رحمتـه تنقـذ المنصـاب...... يغيث الديـار الممحلـه عقـب المحالـي
شديد العقاب ويعتق المذنـب اللـي تـاب...... عسـى مـا يوخذنـا بسيـات الاعمالـي
كما قالـه الله فصبـروا يأولـي الالبـاب...... ترى الصبر زين وكلمـة الحـق تنقالـي
واصلي واسلم عد مـا تنبـت الاعشـاب...... وما لاح بـراقٍ سـرى يشعـل أشعالـي
على المصطفى اللي وحد الدين والاحـزاب...... شفيـع أمتـه يـوم الهوايـل والاهوالـي
للاسف لم نعرف اسم الشاعر
كما يقال إن جهزاً مجاب الدعوة فقد قتلت فرسه فطلب من والده فازع أن يعطيه الفرس ليغزو بها مع الغزو على قبيلة حرب لأن فرسه قتلت لكن والده رفض أن يعطيه الفرس لأنه قد وعد شخصاً اسمه كديميس بالفرس فكره أن يخلف الوعد وفعلاً أخذ كديميس فرس فازع بن شرار وفي الصباح تأهب الغزاة ثم توجهوا في طريقهم الى البيضان والدهاليس من حرب أما جهز بن شرار فقد جلس على رجم مرتفع من الأرض وأخذ ينظر إلى الغزاة ولا يستطيع الذهاب معهم أن فرسه قد قتلت فقال:
يوم اسهجني نابيات النسانيس
الموت عندي والحياة متساوي
عسى فقيدة قوم فازع كديميس
يضرب برمح بين الأضلاع هاوي
الله يجيبه له على درة الديس
بمشلشل عوده طويل رهاوي
تكفون يالبيضان هم والدهاليس
تلقفوا له عندكم بالمطاوي
اما أنت يا مثال ولا أنت يا نعيس
حيث انكم قدامهم بالحراوي
حيث إنكم فرّيس وعيال فرّيس
أهل امهار الخيل ما أنتم شواوي
أجاب الله دعوة جهز بن شرار فقد ضرب مثال ونعيس كديميسا برمح طويل رهاوي كما قال فقتل كديميس وأخذت الفرس ولكن حرباً عندما سمعت بقصيدة جهز بن شرار ومدحه لهم ارجعوا الفرس إلى صاحبها والبيضان والدهاليس هما بطنان من حرب ونعيس هو نعيس بن دهيليس من الفردة من حرب ومثَّال هو مثَّال بن غنمين وجميعهم فريس وعيال فريس رحمهم الله وغفر لهم. ---- الراوي ناصر المسيميرس
خاطره بعد جوله شماليه
quote=ابن الصحراء;1141956]
دجت الشمال وجيت حزم الجلاميد = حيث ان لي به ذكرياتا قديمه
وشفت البيوت الي نجيها تراديد = نطرق مجالسها بليا عزيمه
ونلـقا رجـال يـحـرقـون البـغاديـد = ويكثرون الهيل لو زاد قيمه
من بيت ابن مذود لمزعل وابوعيد = بابوابها بس السوافي مقيمه
مهـجـورتا مـاكـن قــلـط بها عـيد = ولاحط فيها للنشاما وليمه
وحرفت وجهت موتري دون تحديد = حرفة حصان اللي قنع بالهزيمه
وقفيت اناجي ماضي الوقت واعيد = ذكرى السنين الي بالاوتار نيمه
وجـهـت للضـيان مداهـل رشـيد = شيخً علومه بالمواقف عظيمه
اخـبـر بـيـته مـد هـلً للاجـاويـــد = ومن جاه يلقى به كرامه وشيمه
لكن لقيت الوضع ماهو كماريــد = الدار خالي والمباني هديمه
الوقـت قـفا بالـرجـال الصـناديـــد = اهل المكارم والنوايا السليمه
اخبارهم راحت كما شرد الصيد = او جـرةً نقصــها عقب ديمه[/quote]
[خاطره قلتها بمناسبة زيارة عيد بن خميس واخيه محمد رحمه الله لنا في منطقة حائل قادمين من حفر الباطن
ماكل الايام دايم جوها صافي
ولاكل ساعه بها جمع العزيزيني
يوم ً يلم الجماعه للمرض شافي
وتقر في شوفهم عقب البطاء عيني
معهم يمر الزمن ساعاته خفافي
لو طول الوقت معهم مايكفيني
ليت الدقايق تصير ايام يالافي
حتى نمضيه مع ناسن حشيميني
الكل منهم لنا في رفقته وافي
من شاننا جو من اقصى الشرق عانيني
تاكدو من الكفرات ياصحاب السيارات
نوع الإطارات و مدة صلاحية مكتوبة عليها و تجدها على جدار الاطار ...فمثلاً لو وجدت الرقم (1415 )فهذا يعني ان العجلة أو الإطار مصنوعة الاسبوع الرابع عشر من العام2015.. صلاحية القومة سنتين او ثلاث سنين من تاريخ صنعها.
و كل عجلة أو اطار له سرعة معينة ...حرف l يعني السرعة القصوى للقومة 120 كم.
و الحرف m يعني 130 كم.
و الحرفn يعني 140 كم
و الحرف p يعني 160 كم..
و الحرف qيعني 170 كم..
و الحرف r يعني 180 كم.
و الحرفh يعني مافوق الـ200 كم.
للاسف الشديد هناك من يشتري في اطارات..و لا يعرف هذه المعلومات والأدهى من ذلك ان صاحب المحل لا يعرفها أيضا.
و في الصورة التي هي عجلة لسيارة :
3717 : يعني العجلة صنعت في الاسبوع 37 من سنة 2017 ، اما حرف h يعني ان العجلة تتحمل سرعة ما فوق 200كم/ساعة
تابعوا صفحتنا على الانستاغرام..
لتشجيعنا على الاستمرار
اقتباس المشاركة الأصلية كتبت بواسطة إستبرق مشاهدة المشاركة
مو شرط والله اني اميل للشعر الحداثي لإني قرات تسعين بالميه من المعلقات
ك عنتره وزهير وامرؤ القيس والنابغه ووووو الخ
وقرأت شعر حداثي
لكن رغم تفاوت الفتره الزمانيه والتاريخيه الا انها تشترك في عنصر واحد وهو ملامسة الوجدان او شي ما بداخلنا
اما الكلام اللي فوق ماحسيت تجاهه بأي شي يمكن شعر مختلف مدري والله
عموما الف شكر لك اخوي ع الشرح
------------------------------------------
حياك الله ام وجدان المعلقات شعر عربي فصيح وما نتحدث عنه شعر عامي او شعبي
وانتي اعتقد ماكثرتي القراة بالشعر العامي
وهذه ابيات حماسيه وشبه حربيه ( ماهي حربيه تنتمي لقبيلة حرب )
بل هي تحدث عن اشيا حصلت باليمن مشابهه لما يحصل الان
يقول : ذيب ياللي عوى بطويق جيعاني = جتك الارزاق جرك للعوا خله
الذيب يعوي لانه مالقى عشاء ------------- الشطر الثاني يقول الشاعر للذيب - جبنا لك العشى لاعاد تعوي وماهو العشا هو جنايز الرجال بعد المعركه
والابيات كلها حول هذا الموضوع
ارجو ان تكوني فهمتي شي ام جوان
اقتباس المشاركة الأصلية كتبت بواسطة مستر كليسر مشاهدة المشاركة
أحلى كشكول من الماضي يبو فارس
هههههههه
فيه قصه حكاها علينا واحد من الجماعه قديمه
يقول جيت انا ومجموعه معي بمهمه لاحد عدود الباديه فعند وصولنا لاحد البيوت اخترنا بيت كبير ووقفنا بسيارتنا
جانا ولد صغير قال حولو سألناه عن راعي البيت قال هذا بيت فلان يقول فرحت لانه من الجماعه ورجل طيب بيجملني عند خوياي
قلت وينه فلان قال طراش ( البدو مايقولوا مسافر يقولو طراش ) يقول يوم عرفت ان الرجال ماهو موجود سكت
ماعلمت خوياي انه من الجماعه يقوال الولد جاب الحطب والماء وشبينا النار نصلح القهوه يقول راح الولد لبيت ثاني قدامنا وجاب رجال
وسلم على الرجال ثم تقدم لتصليح القهوه يقول هذا الرجل اللي جا من البيت الثاني اظنه من الجماعه بس انا ماعرفه
المهم يقول الرجال جلس يصلح القهوه وعينه للدلال ولايرفع طرفه انا احاول انه يطالع ابغا اشر له يصلحون عشا لوهو رزوسمن
لانني ماشفت عندهم غنم والموجود بالبيت حريم المهم الرجال مدنق على دلاله وانا انحرجت بكرا بيعرفوا ان راعي البيت من جماعتي
يقول فكرت انني انتضر لين يصب القهوه واشرله يقول يوم خلصت القهوه وقام يبي يصب القهوه وانا احط قشعه على النار ابغاها تولع
حتى يشوفني يوم اشرله وعند ماولعت النار ولديت الى الذبيحه معلقه بعمود البيت والمراءة تصلخها يقول وانا ارتاح وتسوي عشانا
بنت الحلال وتجملني مع خوياي وتقوم بالواجب ورجلها غايب -- ذكرتني القصه هالي تصلخ ذبيتها
11-03-2015, 01:23 am#223
لا تجازي المخطين بالمِثل لا أوذوك
أبعد بخير وسِتر الأجواد ضافي
دربٍ تجيه اليوم لا تزرعه شوك
يمكن تجي له بعد يومين حافي
الشاعر .. فهد المفرج
شفت برق السحـــابــه ونـتـظرنا مطرها
قلـت لعــل تسـقـي لي ضـوامـي حـــلالي
وهب عاصوف من صوب الشمال وحدرها
مــن يـحـاسب هـبـوبن حــد عــنا لخيالي
عـكــر الـجــووالخــطـه عــليـنا دمــرها
ليه كـسر الخــواطـر ياهـبـوب الشمالي
يوم كان فيه استراحه
يالاستراحه وين بعض الجماعه
ماهو بعضهم كلهم خلو الدار
أول بهم نورك يشعشع شعاعه
ومعهم تجينا اخبار ونودي اخبار
وان كان دم اخضر ركزبك شراعه
زاد الحماس وثار بركان الافكار
واليوم مابك للوناسه طماعه
جوك يوحش مظلم ً مابه انوار
الله على وقتا مضى وجتماعه
يوم الجماعه دوم بالدار حضار
يوم انها مابين ساعه وساعه
نقراء مواضيعا مثل قطف الازهار
واليوم امني خاطري با لقناعه
ان الزمن لو طول الوقت دوار