دار الاركان (متابعة الموجه الثالثه الرئيسيه حتى تنتهي )

خبر اصدار الصكوك لو تم يعتبر ايجابي للسهم
لان اصول الشركة اساسا ما ارتفعت على مدى السنوات الماضيه الا بسبب الصكوك

بيع ما فيه ، تمرجح على كيف وال 14 ريال اللي وصلتها ليست طموح و لا تلبي رغباتنا

يعني ما تغير علينا شي ، ما زلنا صابرين و صامدين

الله يجزاكم خير على المتابعة ويكتب أجركم ويكتب لنا ولكم مافيه الخير.

(( لا تحملوا اخوانكم المحللين فوق طاقتهم ، اجتهدوا ولا قصروا ولهم الأجر بإذن الله))

اقتباس:

---

المشاركة الأصلية كتبت بواسطة عبدالله بن علي

ابو عبدالله انت وعدتنا ب24 والحين السهم رجع ل11استماته منك انه بيروح ل24لو ماراح ذنبنا عليك لانك انت اللي اغريتنا لين حطينا فلوسنا كلها معك حسبي الله ونعم الوكيل على كل من كان سبب في خسارتنا

---

تراك اتكلم جبل .. كان هزتك النسبة

ابيض وجهك ابوعبدالله بأمانه انك تعلمنا كثير في التحليل الفني واعطيتنا الادوات التي تكون لنا عون بعد الله وهذا عبارة عن ثروه صنعتنا لي بعد الله .. والله اتابعك لانك
استاذي وباقي نتعلم اكثر واكثر .. وابشرك ابوعبدالله انا طلعت فوق 13 وبكرةداخل بإذن الله كنت انتظره المناطق والذي طلعني التحليل الفني والذي يدخلني مره اخرى التحليل الفني وهذا كله بعد فضل الله هو العلم الذي افدتنا فيه واعطيتنا من وقتك ..

مهما قلت فإني اعجز عن اوافيك حقك ولكن منا الدعاء في ظهر الغير وجزاك الله خير ..

اقتباس:

---

المشاركة الأصلية كتبت بواسطة Assalimi

صانع السهم قال بنفسه

عطيتهم نسبه فوق وما باعو

وصلتهم السعر اللي هم متعلقين به بالموجه الاولى ما باعو

خلوني اخوفهم بالنزول واهطيهم نسبه تحت

حتى اذا رجعت الى 14 يفرحون بها ويبيعون

واناعن نفسي اقول وضعت هدف للبيع لن احيد عنه ووصوله الى 14 لم يبلغ نصف هدف بيعي وكل حر بمحفظته

واقول تذبذب مثل ما بدالك كل ما تفعله من تذبذب عالي او قليل المحفظه مستمره خضراء لاني صايده معك او اقل من متوسطك ولن تكون محفظتي باللون الاحمر الا ومحفظتك اشد احمرارا وهذا انت لن تطيقه

معك معك ومفيمين وعلى ماء

---

ما انكر فضل السليمي ولكن هو تصدر وقال عندي والسهم بيوصل 24

وحن معه والله يجيب الرقم ذا على خير


اذا ماجابها يعتبر فشل السليمي وخسرنا معه
وهذا شي ما يقبله عاقل

اللي يتصدر للناس يا يكون قدها او يبتعد

اقتباس:

---

المشاركة الأصلية كتبت بواسطة عبدالله بن علي

حسبي الله ونعم الوكيل


حسبي الله ونعم الوكيل


اللهم عليك بمن غشنا متعمد وومن تسبب بخسارتنا اللهم اهلكه ودمر ماله واهله ونفسه

---

عين خير يامسلم هذا سوق مال وهذي طبيعته صعود ونزول ثم يعقبه صعود اخر. مابعت وطمعت هذي مشكلتك ونحن مثلك ولاكن ثق ان السهم صاعد وسوف يبهرك بأرقام طيبه لاكن اصبر وامسك عن بعض القول. نصيحة اخ

الارتداد بيكون بالمثل ان شاء الله وان غدا لناظره قريب

اقتباس:

---

المشاركة الأصلية كتبت بواسطة العقيلي

عين خير يامسلم هذا سوق مال وهذي طبيعته صعود ونزول ثم يعقبه صعود اخر. مابعت وطمعت هذي مشكلتك ونحن مثلك ولاكن ثق ان السهم صاعد وسوف يبهرك بأرقام طيبه لاكن اصبر وامسك عن بعض القول. نصيحة اخ

---

شكرا لك والله يجيب العواقب سليمه تحويشه العمر كله واخاف عليها خلوني افضفض شوي لعلي ارتاح

ابو عبدالله توقع السهم خلص الاولى من الثالثه


وهذا التصحيح القاسي الثانيه

اقتباس:

---

المشاركة الأصلية كتبت بواسطة عبدالله بن علي

ما انكر فضل السليمي ولكن هو تصدر وقال عندي والسهم بيوصل 24

وحن معه والله يجيب الرقم ذا على خير


اذا ماجابها يعتبر فشل السليمي وخسرنا معه
وهذا شي ما يقبله عاقل

اللي يتصدر للناس يا يكون قدها او يبتعد

---

رجعنا للحنحنة السليمي مسك فلوسك واشترى لك انت اللى اشتريت ابو عبد الله قال السهم بعد توفيق الله بيروح لهذا السعر ما قال هات فلوسك بشترى لك لاترمي بما لا تفقه

اللي متضايق انه ماباع تخيل معي..

لو كان السهم شغال نسب فوق فهل
راح تبيع أكيد لا
ونسب تحت ماراح تبيع
فبالحالتين كلها سيولتك في المحفظه
ماسحبتها
مجرد اقنع نفسك بالشي هذا
وحاول تكون البيعات في الارتفاعات اللي تكون قبل إعلان النتائج عادة


- وجهة نظر 🤔

اقتباس:

---

المشاركة الأصلية كتبت بواسطة عبدالله بن علي

ما انكر فضل السليمي ولكن هو تصدر وقال عندي والسهم بيوصل 24

وحن معه والله يجيب الرقم ذا على خير


اذا ماجابها يعتبر فشل السليمي وخسرنا معه
وهذا شي ما يقبله عاقل

اللي يتصدر للناس يا يكون قدها او يبتعد

---

طيب واذا كسبت بتعطي ابو عبدالله شي من ارباحك
ابو عبدالله يضع التحليل واهداف .. ولا عمره قال اشترو هنا بيعو هنا
انت من يضغط زر محفظتك ..
وما اقوله لك اقوله لنفسي

والله يا اخوان اني اشوف نزوله واثق منه لاكن ارادة الله فوق كل شي. رغم اني بعت حول نص الكميه في الأسبوع الماضي واحتفضت بالنصف. المقصد كثر ألوم لايقدم ولايوخر ويمكن يخلي الواحد يقع في الإثم والسهم ماعليه غبار وما زال في قاعه

اللى مستغرب له رغم البيوع بالسهم ونسبة الشراء 51.36 غريبة

اقتباس:

---

المشاركة الأصلية كتبت بواسطة عبدالله بن علي

انا اثق في السليمي ولكن هو تصدر وقال عندي والسهم بيوصل 24

وحن معه والله يجيب الرقم ذا على خير


اذا ماجابها يعتبر فشل السليمي وخسرنا معه
وهذا شي ما يقبله عاقل

اللي يتصدر للناس يا يكون قدها او يبتعد

---

يا رجال قم ارقد بس هذا الموضوع درس تحليل فني لسهم دار الاركان

وليس اداره اموال

تكفون لا تزعلون أبو عبدالله علينا ترى راس ماله يسكر الشاشه ويترك التحليل بسبب هالردود

والله الي مهو عاجبه تحليل ابو عبدالله يشوف غيره تراهم واجد أو يبيع السهم ويدور له سهم ثاني لا يقعد يتحلطم علينا ويشغلنا

السلام عليكم،،،
فيه مساهم يملك5% في شركة ما أذكر إسمها وعزل مجلس الإدارة

تدرس طرح صكوك
هاذا وهو دراسه نسبه تحت
وش ذا الكذب وإيهام المتداولين بسلبيه الخبر
الشركة طول عمرها تطرح صكوك وتسدد صكوك
هههههههههه
الله المستعان بس

اقتباس:

---

المشاركة الأصلية كتبت بواسطة أبي أعرس

يا رجال قم ارقد بس هذا الموضوع درس تحليل فني لسهم دار الاركان

وليس اداره اموال

تكفون لا تزعلون أبو عبدالله علينا ترى راس ماله يسكر الشاشه ويترك التحليل بسبب هالردود

---

أبو عبدالله قلبه وعقله كبير،، ولا يؤثر فيه امتعاض البعض ليقفل الموضوع، وقد تعود ابو عبدالله على امتعاضنا مثل تعوده على فرحنا،، ومستمرين باذن الله معاه والله يعوضنا كلنا وليس لنا الا الصبر

اقتباس:

---

المشاركة الأصلية كتبت بواسطة العقيلي

ليس للخبر علاقه هو نازل بخبر أو بدون خبر ولاكن لاتقلقو الخير جاي

---

اقصد قوة المضارب اللي خلا السهم نسبه على خبر مثل الصكوك وليس الخبر نفسه

سيخرج لكم شارت يسر الخاطر باذن الله

مقيمين
وعلى
ماااء

اقتباس:

---

المشاركة الأصلية كتبت بواسطة العوفي

اللى مستغرب له رغم البيوع بالسهم ونسبة الشراء 51.36 غريبة

---

كيف ذي يالعوفي

ايه صحيح تو اشوفملف مرفق 7153

ابد يا ابو عبدالله معك والبيع ان شاء الله فوق 20 ✋

شعاري في الدار من زمن
انما النصر صبر ساعة

اقتباس:

---

المشاركة الأصلية كتبت بواسطة ضاري

كيف ذي يالعوفي

ايه صحيح تو اشوفملف مرفق 7153

---

مخطط السيولة بالاركان

اقتباس:

---

المشاركة الأصلية كتبت بواسطة ابوهمام

ابيض وجهك ابوعبدالله بأمانه انك تعلمنا كثير في التحليل الفني واعطيتنا الادوات التي تكون لنا عون بعد الله وهذا عبارة عن ثروه صنعتنا لي بعد الله .. والله اتابعك لانك
استاذي وباقي نتعلم اكثر واكثر .. وابشرك ابوعبدالله انا طلعت فوق 13 وبكرةداخل بإذن الله كنت انتظره المناطق والذي طلعني التحليل الفني والذي يدخلني مره اخرى التحليل الفني وهذا كله بعد فضل الله هو العلم الذي افدتنا فيه واعطيتنا من وقتك ..

مهما قلت فإني اعجز عن اوافيك حقك ولكن منا الدعاء في ظهر الغير وجزاك الله خير ..

---

ارجاف بطريقه اسلاميه تدعو للمضاربه المبطنه ابداع اتمنى لك التوفيق

اقتباس:

---

المشاركة الأصلية كتبت بواسطة عبدالله بن علي

ابو عبدالله انت وعدتنا ب24 والحين السهم رجع ل11استماته منك انه بيروح ل24لو ماراح ذنبنا عليك لانك انت اللي اغريتنا لين حطينا فلوسنا كلها معك حسبي الله ونعم الوكيل على كل من كان سبب في خسارتنا

---

هذا رد السليمي اليوم لمتابعينة المقهور والمغبون مثلك س/ ليه ماتعلمنا عن سلبية السهم قبل الهبوط رده 👈🏻اتكلم عن السلبيه لكن في مكانها ✍🏻 يعني بعد ماوقع الفاس بالرأس وطارت الارباح لاحول ولاقوة الا بالله العلي العظيم يبي يتكلم للمعلومية يبي يحذف هذا الكلام وهوووو كلامة 👆ويبي يشغل على جيشه لمحاربتي لانه لا يسمع كلام الحق ولايعترف به من الكبررررر ولكني فوضت أمري الى الله بقول الحق لا أخاف بالله لومة لائم

نزول السهم اكثر من عادي وسوهاء بناء المره الي راحت من 9ونص الي 7 و30 هلله وهاذا سوق مال ورجل مجتهد لاقال اشتر ولابيع جزاه الله خير نصايح مجانيه فان اردت خذ بهاء او تركها كثر الولولة والله عيب

https://www.alhamdlilah.com/islam/up...db9b6d7112.png

اقتباس:

---

المشاركة الأصلية كتبت بواسطة *** المغيره

خبر اصدار الصكوك لو تم يعتبر ايجابي للسهم
لان اصول الشركة اساسا ما ارتفعت على مدى السنوات الماضيه الا بسبب الصكوك

بيع ما فيه ، تمرجح على كيف وال 14 ريال اللي وصلتها ليست طموح و لا تلبي رغباتنا

يعني ما تغير علينا شي ، ما زلنا صابرين و صامدين

---

من جدكم صكوك تنزله نسبه ياعمي ذا المضارب مجنون رسمي متى ماصار مزاجه حلو رفعه فوق واذا صار مو رايق جلدنا

اذا قلت التحليل انه ليس قران منزل شوفوا نموذج الالماسه كيف كسر النموذج ولا كمله وكان المفترض انه يتابع حسب الخط المتقطع وبعدها يتخذ قراره هبوط او صعود
https://mrkzgulfup.com/uploads/165633539354071.png

اقتباس:

---

المشاركة الأصلية كتبت بواسطة أبي أعرس

يا رجال قم ارقد بس هذا الموضوع درس تحليل فني لسهم دار الاركان

وليس اداره اموال

تكفون لا تزعلون أبو عبدالله علينا ترى راس ماله يسكر الشاشه ويترك التحليل بسبب هالردود

---

اتفق معك تماما
والاخ ابو عبدالله ما قال اشتر ولا قال بع

هو جالس يحلل السهم فنيا ويكفى انه ماخذ وقته ووقت اهله وماخذ من صحته ووقته الخاص وجالس يحلل السهم لكم

ما نقول الا الله يجزاك خير ي ابو عبدالله انت وباقى الاخوان الافاضل الذين تتعبون وتبذلون الكثير من الجهد فى هذا الموضوع

اقتباس:

---

المشاركة الأصلية كتبت بواسطة عبدالله بن علي

ابو عبدالله انت وعدتنا ب24 والحين السهم رجع ل11استماته منك انه بيروح ل24لو ماراح ذنبنا عليك لانك انت اللي اغريتنا لين حطينا فلوسنا كلها معك حسبي الله ونعم الوكيل على كل من كان سبب في خسارتنا

---

اقول لك بلا عجز تولول وتلطم خد وتحثي بوجهها التراب

ما انت قد السهم وتذبذبه اتركه للرجال اللي قده

الحمدلله على كل حال
افرض انك كسبان وفلوسك عندك ووضعك تمام لكن محلل وطالع فيك مرض والا احد اسرتك فيه مرض ماله حل المصيبة في المال أخف
وبعدين ماصار شيء ارتفع السهم اربع ريال وتزل ماكتب الله لنا هالربح لو الله كاتبه اخذناه
اعتبروه الى الان تسعه ماطلع ننتظر ونشوف مافيه شيء يبتل ارتفاع ولافيه شيء يبتل نزول
ولوهي بالودات كلنا ودنا يصل مية ريال السهم
والمحلل يحتهد ولايعلم الغيب واجتهاده وصدقه هذا يكفينا منه الله يكتب اجره
طبعا اقوله وانا رايح علي ميلغ وقدره

اقتباس:

---

المشاركة الأصلية كتبت بواسطة ابوليانو

اذا قلت التحليل انه ليس قران منزل شوفوا نموذج الالماسه كيف كسر النموذج ولا كمله وكان المفترض انه يتابع حسب الخط المتقطع وبعدها يتخذ قراره هبوط او صعود
https://mrkzgulfup.com/uploads/165633539354071.png

---

اصلا الماسه ذي ماهضمتها من اول قبل الهبوط لا تزعل منا ابوليانو :)

السهم وقف على نسبة 78 فيبو
هل بنسمع خبر الليله يعكس الاتجاه او لا زال للتصحيح بقيه
https://mrkzgulfup.com/uploads/165633584704661.png

اقتباس:

---

المشاركة الأصلية كتبت بواسطة Assalimi

اقول لك بلا عجز تولول وتلطم خد وتحثي بوجهها التراب

ما انت قد السهم وتذبذبه اتركه للرجال اللي قده

---

👏👏👏👏👏👏👏
الله يوفقك يابوعبدالله
من حدد قمه المؤشر والراجحي والأنماء
ماهو عجزان عن الأركان

اقتباس:

---

المشاركة الأصلية كتبت بواسطة أبوخليل

اصلا الماسه ذي ماهضمتها من اول قبل الهبوط لا تزعل منا ابوليانو :)

---

ابدا مافي زعل اذا تشوف النموذج خطا علمني الصح مافيها شي كلنا نتعلم هنا من بعض
https://forexaraby.com/9-01-2020-daimond-pattern/

اقتباس:

---

المشاركة الأصلية كتبت بواسطة Assalimi

اقول لك بلا عجز تولول وتلطم خد وتحثي بوجهها التراب

ما انت قد السهم وتذبذبه اتركه للرجال اللي قده

---

ا****ات هاذي يابو عبدالله يبي السم يمشي على طول بدون توقف لين يصل الى السعر الي يبيه

صدقت الي ماهو قد الاسهم لا يقربها