سجل حضورك هنا &&&

عطني وعد نبقى على الحب ماشين
مهما حصل درب الغلا مارجعته
.
عشان لا منّك تغيّرت ،، بعدين
اذكّــرك في وعـدك اللـي قطعـته

‏لج الخفوق و جر صوته من اقصاه
ولجت معه حدب الحنايا تنوحـي
عليك ياللي كـل ماقلـت بنسـاه
عيـّـا خياله عن خيالـي يروحـي

النفوس اللي على بغضك تجرّت
عز نفسك قبل يـظهر لك غثاهـا
والوجيه اللي من الحشمه تبرّت
صد عنها . . قـبل تـبلاك برداها

اللي يحبك تحـس بحبّه وحرصه
يخـاف يجرح شعـورك لأنه يحبك
.
لمواصلك يستميت ويصنع الفرصه
ما يعترف بالسعاده غير في قربك

يقولون ماترقد وانا اقول وين النوم
ولا يهتني بالنوم من غاب مضنونه

انا اجاوب الونات والقلب فيه اهموم
وانا اخفي ونيني خوفي الناس يوحونه

لاتروح المكان اللي معك كنت اجيه
راح تندم وانا مابي تحس بندم
.
انت مخطي علي ورحت تخطي عليه
هذي زلّة مشاعر ماهي زلّة قدم

تخطي وحنا نعتذر لك .. من غلاك
‏وغيرك .. نرد له الخطا .. ونحـاسبه
‏
‏حنا .. بكل مناسـبه .. نطلب رضاك
‏وانت .. الزعل عندك بدون مناسبه
‏
‏

في عيونك كـــــلام يهز وجداني
يافديتـــك تـــــــرفق لا تبعــثرني
يابعد من هواني حيل وأغلاني
من على غيبـــتك يقدر يصبرني

وما من يد إلا ويد الله فوقها
وما من ظالم إلا وسيبلى بأظلم

مبحوح صوت الحنين ومنحني راسه
قيّد يدين الظلام ومنتظر جيّه
إذا لمحته كسير امسح على راسه
يمكن صغار الامَاني داخله حيّه !

اختارك انسان دون انسان
واحتاج الموقف وقوفك
غطيه بالستر والكتمان
يكمل جميلك ومعروفك

تذكرني ليا ضاق المكان وشانت ظروفك
تراني مثل طيّات الذهب ما يختلف لوني

آكذب عليك لو قلت بعدك شي عآدي...
آضحك وأنآ من جور آلأيآم مجروح...
جرح توسط في حنآيآ فؤآدي ...
وليت الجروح ضيوف يومين وتروح..

ما مشيت الا و انا عندي قناعه
من تردّى بالوصل..صعب يتسنّع،

نمشي على النيات وقلوبنا بيض
وربي على حسن النوايا رزقنا
ما نخلف النية ولا نحمل الغيض
ولا نخضع إلا لله اللي خلقنا‏‏
لنا مع أهل الطيب حق ومواجيب
وإن زادوا أهل الطيب بالطيب زدنا