بعض من ذكريات الماضي

نبي نهنيك يادكتور
يوم انت شفت الجميليني
ولمست حتى حدود الزور
وشفت اللي ماشافته عيني
لجل اختصاصك ماهو محظور
تكشف على خافي الزيني
لواني عنك استلمت الدور
قررت يرقد سبوعيني

من اجل صحته

ثلاث ابيات
يازين لوحاولو عنكم يصدوننا
نرفض رضاهم مثل مانرفض ازعالكم
ولو حاولو بالكلام الزين يغروننا
الى زادوا الهرج زدنا شوق لوصالكم
مدامكم من جميع الناس تبغوننا
انتم لنا ياحسين الوصف وحنا لكم

يامكثر الميزات في عهد سلمان
ميزات زادت في مهابة وطنا
تقافت الميزات ونور السعد بان
ردالخبر ياجاهل العلم عنا
منها قمعنا شلة (ن) جابهاايران
يبي بهم للفرس يكسب يمنا
وحنا لنا عادات في كل ميدان
نكيد العدى ونزبن اللي زبنا
ان شا الله تكمل - طبعا كملت ممكن ننزلها فيمابعد

هلا باللي زهم قصده يبارك لي على الديوان
-------------- وانا لي عدة اعوام انقطع صوته عن اسماعي
هلابك عد مالاحت بروق وهلت الامزان
-------------- وعدد مابالعصور الماضيات يشايع الراعي
وعدد ماهب ذعذاع الشمال وداعب الاغصان
--------------- وعدد ماسار بين الصفا والمروه الساعي
ارحب بك لاجل وقت ً مضا يوم الجفا مابان
---------------- - زمان ًفات يوم انك لنا مخلص ومطواعي
يوم انا غير زولك مانطالع في جميع انسان
---------------- -- ولو جن كل زينات البني فراع دلاعي
وانا لولاك ماصدرت الكتاب ولابدعت الحان
------------ تعرف انك سبب زايد شقاي ومصدر ابداعي
لكن دامك تصفحت الكتاب وتذكر اللي كان
-------------- كسبنا والامل بك طاب والمجهود ماضاعي

الى شفت شخصا يكثر يمك اللده
لاهو مسلم ولافي وضع نشادي
واذا نظرته يبادل نظرتك صده
ويعيد سرق النظر يمك وهو هادي
واذا تمعنت وضعك بينكم مده
هو باول الخط وانت قريب المادي
تبي تمنا يالو عمرك على قده
وتقول ياليت بعض العمر ينعادي

غن ياصهيون جاك النصر منا
وهدم عز العرب جانا من بعضنا

من عمل له خنبة ًبالبيت غنا
والدمار بدارنااصبح هو غرضنا

ضاع جهد اللي يبي صالح وطنا
وان دعى للصلح لبنوده رفضنا

عن ندا الثالث غفلنا مافطنا
ضاعة العزه على ربي عوضنا

وضعنا مخجل وهذا اللي تمنا
سو ماتبغا قبل يشفا مرضنا

حر ٍ اشقر تنهّض رفّع الجنحان
بان باول هدادهجزل صيداته
بعد مادربه على القنص سلمان
لين ظن السعد باطراف هداته

اغياب بعض الناس كل ٍ يذمه
وغياب بعض الناس ماعنه يدرون
ولو غبت معنا نعتلي راس قمه
في موقعا ماهو من الناس مسكون

خلي الى مني تخيلت لونه
بالقلب يضربني مثل مخلب الطير
خص ٍ الى ذكرت محجر عيونه
ومبسم وخد وقد في وصفه احير
احير اللي حاولوا ياصفونه
بتكميل وصفه يعجزون الشواعير
لو حاول محمد يوصف فنونه
يشيب قاف الخس ماوفى المقادير
لو كان هجرس في غرايب لحونه
واحضر هجوس ٍ يصخر القاف تصخير
يافي بشي وشي يحتار دونه
تقصر عن اوصافه جميع التعابير
بعض البشر مدام مايعرفونه
يمكن يقولو بعض ماقلت تزوير
لكن لو اللي شفت انا ينظرونه
قالو يجوز يحط ضمن المشاهير
حتى الحريم اللي بداره يجونه
لاجل جماله يكثرون المسايير
ولو يطلع الشارع تنور اركونه
ويصير في وسطه زهور ونواوير
لوجا بزوره لعبهم يتركونه
ويبدلونه في طبول ومزامير
اهله عن الطلعات مايمنعونه
لكن بطبعه مايحب المشاوير
متعودا من كثر ماينذرونه
وعلى سماعه يكثرون المحاذير
من خوف قشران البشر يحسدونه
حيث ان وصفه عن وصوف النساء غير
وانا عن هروج الملاقيف اصونه
من شانهم مع شارعه ماقدر اسير
اخاف انا من سبتي يجرحونه
وهو يعتبر هرج العرب فيه تدمير
واصبر على شانه وقاسي طعونه
واحاول اقبل منه بعض المعاذير
وان جيت اكابر قلت ابجوز دونه
دامه بخيل اظن تركه لي اخير
جاني نداه بنغمة ٍ له فتونه
وانساء خطاه الى نطق في مساء الخير
ومن شان فيني ماتغيرضنونه
اقول انا المخطي ولا منك تقصير
كل ٍ هواء قلبه لمن يعجبونه
وانا بحبه ماتسمعت لمشير
لو كل زينات النساء جن دونه
مارضى بداله من جميع الغنادير

اقتباس المشاركة الأصلية كتبت بواسطة ابن الصحرا مشاهدة المشاركة
خلي الى مني تخيلت لونه
بالقلب يضربني مثل مخلب الطير
خص ٍ الى ذكرت محجر عيونه
ومبسم وخد وقد في وصفه احير
يحير اللي حاولوا ياصفونه
بتكميل وصفه يعجزون الشواعير
لو حاول محمد يوصف فنونه
يشيب قاف الخس ماوفى المقادير
لو كان هجرس في غرايب لحونه
واحضر هجوس ٍ يصخر القاف تصخير
يافي بشي وشي يحتار دونه
تقصر عن اوصافه جميع التعابير
بعض البشر مدام مايعرفونه
يمكن يقولو بعض ماقلت تزوير
لكن لو اللي شفت انا ينظرونه
قالو يجوز يحط ضمن المشاهير
حتى الحريم اللي بداره يجونه
لاجل جماله يكثرون المسايير
ولو يطلع الشارع تنور اركونه
ويصير في وسطه زهور ونواوير
لوجا بزوره لعبهم يتركونه
ويبدلونه في طبول ومزامير
اهله عن الطلعات مايمنعونه
لكن بطبعه مايحب المشاوير
متعودا من كثر ماينذرونه
وعلى سماعه يكثرون المحاذير
من خوف قشران البشر يحسدونه
حيث ان وصفه عن وصوف النساء غير
وانا عن هروج الملاقيف اصونه
من شانهم مع شارعه ماقدر اسير
اخاف انا من سبتي يجرحونه
وهو يعتبر هرج العرب فيه تدمير
واصبر على شانه وقاسي طعونه
واحاول اقبل منه بعض المعاذير
وان جيت اكابر قلت اباجوز دونه
دامه بخيل اظن تركه لي اخير
جاني نداه بنغمة ٍ له فتونه
وانساء خطاه الى نطق في مساء الخير
ومن شان فيني ماتغيرضنونه
اقول انا المخطي ولا منك تقصير
كل ٍ هواء قلبه لمن يعجبونه
وانا بحبه ماتسمعت لمشير
لو كل زينات النساء جن دونه
مارضى بداله من جميع الغنادير
تعديلات اخطا

حراً اشقر تنهض رفع الجنحان
بان باول هداده جزل صيداته

بعد مادربه على القنص سلمان
لين شاف السعد باطراف هداته

فيه من جده اللي وحد الاوطان
غير شبه الملامح بعد هوماته

همته تختصر في مدت الازمان
والصعايب تهون امام هقواته

اليا جهلت انشد ترى مابها عيب
لا تنخدع للجهل وأنت السبايب
عيب الفتى مافية شك ولاريب
ترك الفروض وقطع وصل القرايب
والعيب ترك ملازمات المواجيب
وتبع الردى ومجالسة كل خايب
فالتجربة برهان ما فيه تكذيب
واليا جهلت انشد من القوم شايب
ولا قول يوجد شايبٍ يعلم الغيب
الغيب يعلم به مدير الهبايب
لاشك يوجد شايبٍ له تجاريب
ومن الدهر شاف الفكر والعجايب
بيض النواصي جبهته كلها شيب
من كثر ما مرت عليه المصايب
قد صارع الدنيا على الخبث والطيب
فالغوص وإلا فوق روس النجايب
-----------------------------
الشاعر رشيد الزلامي رحمة الله عليه
(( ولكن رشيد مايقول - فوق روس النجايب ولكن الناقل غلطان -- رشيد يقول فوق كور النجايب ))
الرد السريع على هذه المشاركة

خاطره
راح عام الدمار اللي يسما ربيع
ماجلب للعروبه غير خيبه وعار

فرت اشعوبهم مع كل فج ٍ وسيع
بعد جور الحكومات التجوا للجوار

ابتلوا في ولاية كل طاغي صديع
من يجرب على شعبه سلاح الدمار

وفيه رعب العذاراء من سلوبا شنيع
ونتهاك المحارم اصبح اسهل قرار

وفيه يقتل كبير وفيه يقتل رضيع
وزاد عد الارامل واليتاما الصغار

يالله اليوم يارب ٍعليما سميع
انصر اللي عليهم قاسي الوقت جار

كنت اختصر بعض الابيات عند مانشرها بالمنتدى فواجهت مشكله من هذا الاختصار
حيث كانت تضيع علي الابيات التي لم انشرها فاتعب بالبحث عنها بالاوراق او بالجهاز لذلك
اضفت ماكان مختصر من هذه الابيات وسوف اقلل من الاختصارات

ياللي نقلت العلم بالهون بالهون *
- بعض العلوم المخطيه لاتجيبه
لودافعك غيره ماني منك ممنون *
- الفارغه مفروض ماتعتني به
ومن شان يبقى سر الاحقاد مدفون *
- اباعتبرها هرجة ٍ ماحكيبه
لو صرت انا فيها طرف وش يقولون *
- اهل العقول النيره واللبيبه
الى صار ماضينا عن الشين مصيون*
- من فضل ربي ماحصل ما يعيبه
حنا لنا سيره لها الناس يثنوو*
- وان عارض الجهال ماهي غريبه
من لاستطاعو مع مسيرك يسيرون
يظفون في سمعتك شكه وريبه
واهل العقول الصاحيه مايطيعون*
- لو قال نقال العلوم وصحيبه
وان شفت لك جاهل من الغيظ مشحون *
- مثل مريض ٍ حايرن به طبيبه
تلعب به افكاره على غير قانون *
- خله يواصل سيرته وش تبي به
خله يلالي والخلايق يعرفون *
- كل ٍيعرف المخطيه والمصيبه
وانا ماجاري واحدا شبه مفتون*
- تحسب علي غلطه وغلطه رهيبه
والناس للميزات والعيب يدرون*
- وكل ٍعلى فعله يحصل نصيبه
ولابد ناس ٍبالمجالس يهرجون*
- كل ٍ يعدونه بعيبه وطيبه
رجلا يجيك اسمه مع النعم مقرون*
- ورجلا الى جا اسمه تقفاه خيبه
والوقت ماشي والبشر مايقيمون*
- جيل ٍ له الطوله وجيل يحكيبه
ونهاية الموضوع والعلم مضمون*
- راع الخطا لازم يحس بغليبه

خاطره

الاياصاحبي بيني وبينك مايجوز عناد ***** يروح الوقت وحنا بين شد وجذب وعتابي

لحالة طارئة جبنا الدواءلكن الدواء مافاد ***** بعض حالات صعبه مايفيدن فيها الاطبابي

تعثر سير مركبنا قبل ناصل حدود الماد ***** لتخطيط الليال المقبلة تلخبط حسابي

انا باحرف طريق القافلة عن خطها المعتاد ***** واهدي سيرها واجنبه عن درب الاحبابي

ولو طيفه يجي في نومتي وبيقضتي وش عاد ***** كفايه مامضى ماعاد نبغا حرق الاعصابي

بسم الله الرحمن الرحيم
بمناسبة حفل تكريم سعود الاوطان

بغيت اقول ولا مشت لي على الكيف= عيا جميل القول يمشي بطوعي
الى قلت قول ٍ قال لي هاجسي كيف= وشبك بسهلات المعاني قنوعي
اللي يناجي عاليات المشاريف = يجيب مايطرب جميع السموعي
قلت الحدث اكبر من الكم والكيف = زلزل كيان امه وطفا شموعي
نجم ٍ هواء ماحل مثله ولاشيف = نجمٍٍ يحالي له بقو اللموعي
كل ٍ لفقد سعود زاد التحاسيف = كم عين من شانه تهل الدموعي
اسعود اذا واجه صعيب المواقيف = تـلافتــت يـمه جميع الجموعي
والى صقع تهتز نيويورك وجنيف = صوته لشينين الطبايع يروعي
الى قال ماردوا عليه الملاقيف = قوله لهم رمحن يخج الضلوعي
عليه من فيصل لموح وتواصيف = الشكل شكله والطبوع الطبوعي
ياللي تعزي بالحدث دايم السيف = الشعب لفقد اسعود كله جزوعي
عساه مع من شرفوا مسجد الخيف = يــبعث مع الي عند ربه شفوعي

صوره تجمعني مع الشيخ الفاضل المرحوم (فيصل بن ذعاربن سعداء ) احدمشايخ قبيلة حرب رحمه الله رحمة واسعه واسكنه فسيح جناته..pic.twitter.com/M03s9j9Jn8

صوره تجمعني مع الشيخ الفاضل المرحوم (فيصل بن ذعاربن سعداء ) احدمشايخ قبيلة حرب رحمه الله رحمة واسعه واسكنه فسيح جناته..

نصيحه للسواقين
بمناسبة اليوم العالمي للاعاقه ومن المعروف ان معظم الاعاقات سببها الحوادث

انا عندي كلمتين – نصيحة للسواقين – عسى يفهموها زين
مع تحية وحترام
السرعه ترها خطيره – كم واحد رجله كسيره – او مشلول امه حسيره
من السرعه كم صار ايتام
لاتنشغل بالجوال -- تجريلك بعض الاحوال – انتبه ومش بعدال
وصحا لخطك بهتمام
لا تجاوز باللفات – كذلك مع الطلعات – تقابل مع سيارات
تروح انت او هم عدام

امسك سيرك بالمسار – لا تلفلف يمين ايسار – حتى من عند الدوار
امسك خطك بنتظام

باللفه خذ اليمين – الايسر للمقبلين – حتى تمشوا سالمين
ما يجي فيه اصطدام

وانتبه وربط حزامك – ولا تقرب للي قدامك – حتى لو جاء شي امامك
تقدر تصرف تمام

والى منه جاك النوم – مانت على الممشا ملزوم – نم وباكر مثل اليوم
والراضه ترها سلام

ترى السياره حديد – دامك تدعس هي تزيد – ما تفرق بين عمر وزيد
حتى لو راحت احطام

السياره للاسفار – ما صنعت للانتحار – وحتى تلافا الاخطار
سقها باصول ونظام

لاتحط العـباه سـتارة ٍدون شــوفــي
عنك اصد النظر دامك بخيل ٍ بشوفك
وامنع نظرة عيوني عنك لو في كفوفي
لو شقا القلب في وافي محاسن وصوفك
لكن قـدام عـيـني لاتـعـيد الـوقـوفـي
ولاتهصر تقل تاطالقزاز بـخـفـوفـك
لو سبب صدك القاسي صعيب الظروفي
كان اباصبر واحاول لين تسمح ظروفك
ولو انك معي تسلك سلوب مخفوفي
كان عنك ابتعد واقول جعله ذلوفـك

كنا مع الوقت شيل وحط وجهادي = تاريخ قاسي لكن ذكراه تطربنا
حيثه يهون الشقا في خدمة بلادي = ارواحنا دون حده هي جلايبنا
مع خدمة الدين نحفظ ورث الاجدادي = من شان جيل ٍ ورانا لايعاتبنا
ومنها
نبي شباب ٍ على الشدات يعتادي = ناثق بهم والعدا تهاب جانبنا
يجون للطامعين خزام وقيادي = ناس ٍ هدفها تعكر في مشاربنا
كم للوطن ياشباب اعداء وحسادي = كل ٍ يبي فرصته من شان ينهبنا
احموا ديار الكرامه دار الامجادي = ماغيرها دار بالاقطار تعجبنا
هي مهبط الوحي منبع سيرة الهادي = فيها ربينا ومنها ساس منسبنا
كونو لها سور عن طماع ومعادي = سلم المسالم وحرب لمن يحاربنا
تحت ذرى من لهم بالنصر ميعادي = في ظلهم بالعدى تسطي مضاربنا
عاداتهم يكسرون خشوم الاضدادي = لين المعاند بعد طيشه يصاحبنا
اللي لهم صعبت القالات تنقادي = معهم وفا اجدادنا للدار يجذبنا
اللي لصقر الجزيره حبهم زادي = ماتختلف عن مذاهبهم مذاهبنا
في عهدهم مر قرن ووضعها هادي = ومن هيبة ابطالها شفنا مكاسبنا
مرت مئة عام وهي بافراح واعيادي = وعلى نموذج فعايلهم تخاطبنا
الى اخره

خاطره

مابين شيعه وبين اكراد - صرتوا عشا كلاب يالسنه
الفرس تبغا حكم بغداد - وللموصل الكرد له حنه
أمن البلد ضيعه عباد - كلاب الملالي تدالنه
متى عراق العرب ينعاد - يرجع له العز مع فنه
يوم ان عنه الرفض شراد - ياعل صدام بالجنه


لم اكن يوما ماء راضي عن تصرفات صدام ولم ادعي له الابعد ان تكشفت نوايا الشيعه والاكراد وظهر حقدهم ضد المسلمين السنه حسبي الله عليهم

القدس ينخا داعش

ياداعش القدس ينخاكم *** يصرخ بصوته يناديكم
يقــول كـنـت اتحــراكـم *** طال الزمن ليه وش فيكم
انـتـم غـديـتم بمـسراكـم *** زل السنع عن مساريكم
كان ان دليلـتكم اغداكم *** نرسـل دلـيـله يـقـديـكم
من الموصل الغرب ممشاكم *** من عند الاردن يعديكم
لين ان صهيون يـلقاكـم *** يبي عن القدس يثنيكم
غلـطـان كانه تـحداكم *** يلقى دماره على يديكم
ياداعـش العلـم يـنصاكم *** الحور للقدس تدعيكم
هبـو مـدام الله اعـطـاكـم *** للجنة يسر مساعيكم
ان عـاد الاقـصى شـكـرناكـم *** ونعادي اللي يعاديكم
وان كـان عــندي مـعـشـاكـم *** وبين العروبة بلاويكم
قـلـنا عـسى الـرب يـفـناكـم *** خبتم وخاب الرجاء فيكم

ابيات من قصيده


وابنا الوطن كلٍ مطالب بدوره=وفي واجبه لازم يدقق حسابه

هذا بمجهوده والاخربشوره=وترىالتكاتف فيه عز ومهابه

ولافيه داربلا شبا ب معموره = وبن الوطن دون الوطن هو حجا به

داخل وطنا فيه ناس مغروره = وباطرافها قامت تعاوى الذيا به

اللي يقولون الحقوق مهدوره = ومن شانها قاموا بشن الحرابه

الحق بالقرأن يسطع بنوره = وسنة نبيه وتباع الصحابه

ماهو بشرع اللي يفاخر بجوره = مسترحلن لبليس ضيع صوابه

وراع الملاهي مانطيعه بزوره = مكةوصالات الخنا ماتشابه

ولو حرض الجهال تنشر شروره = ما حصلو غير الفشل والخيابه

اهل الحسد تبي تموت محروره = والدار طاهر مايدنس ترابه

الدار محمي كل ماضي اعصوره = ماصار به شلة فساد وعصابه

ويبي يدوم بعز في ضل سوره = اللي عن الاطماع عذأ جنابه

حكامه اللي مامشوا درب بوره = ساروا على دربن سلفهم مشابه

من طاب طابو له ويرفا عثوره = ومن زل دربه هم عماه وعطابه

ومن يجهل التاريخ يقرأ سطوره = يلقى بصفحات الكتاب الاجابه

احدهم تكلم عن الجمال في بعض الدول وقلت له

نبغى سعوديه تنور لنا الدار
وادابها يفرض علي احترامه
والصوت هادئ ماتسمع له الجار
وتعرف سلوم اهل الكرم والشهامه
والا الجمال القاه في كل الاقطار
من المغرب الاقصى لحد المنامه

اعتقد عراقي احرق صورة الملك في احد الفضائيات وقلت

يامحرق الصوره حرقت اعتبارك
وسدة عيونك ياسود الوجه يمناك
وطيت من صف الرفيعين كارك
نزلت قدرك عند من كان يرعاك
الان مالك غير ترجع لجارك
خله بجيش الفرس يفزع ويحماك

جزء من مقطوعه
الناس بانت خوافيها
سراب مايسقي الضامي
والنفس ضاعت امانيها
والشوق طفي وهو حامي

هذه القصيده نسبة للشاعر سعد بن جدلان رحمه الله بينما هي للشاعر
: راجح المغيري
.
اليتم يتم الأدب والموت موت الضمير
وال١ حب حب المعالي باختلافاتها
٢ والجرح جرح المشاعر من لسان ال****
والصوم صوم الجوارح عن شهواتها
٣ والبخل بخل الغني والجود جود الفقير
والبعد بعد النظر ماهي مسافاتها
٤ والعز عز التقى والصبر صبر الضرير
والذل ذل المعاصي واقترافاتها
٥ والقتل قتل الأمل في نفس من هو جدير
آمال روحه خذوها عن طموحاتها
٦ والنور نور القلوب اللي تعرف المصير
القايمة بالفروض الخمس فاوقاتها
٧ والحكم حكم الإمام العادل المستنير
والظلم ظلم الفتى روحه بزلاتها
٨ والمجد مجد الشجاع اللي يقود المسير
والجهل جهل الحياة ونبل غاياتها
٩ والفخر فخر التقرب للعلي القدير
ماهوب فخر القبايل وانقساماتها
١٠ والعلم علم ابن باز الالمعي الخبير
الى ابرم المسأله قفل نزاعاتها
١١ والحمدلله فاهل العلم جمع غفير
تجاوزوا حد الافلاك ومداراتها
١٢ والشعر شعر الحكيم اللى مداده مثير
تعجبك فكرة بيوته وابتكاراتها
١٣ والغدر غدر الوطن لو ماعطاك الكثير
وشلون لا أكرمك في شتى مجالاتها
١٤ والعطف عطف الكبير ليا لقى له صغير
والضبط ضبط المشاعر وانفعالاتها
١٥ والحر حر المفارق خل حر الهجير
.والضيق ضيق الصدور لقل طاعاتها
١٦ والفوز والله نجاتك من عذاب السعير
لا تحسب الفوز في الدنيا ولذاتها
.
--------
قصيدة حسن عامر
.
٠١ راجح بنى له بيوتن مثل بحر وفير
يجيد غالي القصيد وينظم ابياتها
٠٢ احاول امشى معه والقاف نظمه يسير
واجيب جزل المعاني في اضافاتها
٠٣ رغم أن ما مثله الا البحتري او جرير
لاقال عصم البيوت اختار جزلاتها
٠٤ شاعر وصيته مع الشعار مثل المدير
قصايد الشعر تضرب له تحياتها
٠٥ سلاسة النابغه عنده وحكمة زهير
وبيات شعره تعم الأرض برواتها
٠٦ والكفر كفر النعم والسفه سفه الكبير
والصدق صدقك مع نفسك وكبواتها
٠٧ والظلم ظلم الأهل ماشي لمثله نظير
والكبت كبت النفوس وكبح رغباتها
٠٨ والقطع قطع الرحم والشور شور المشير
والوصل وصل القرايب رغم قطعاتها
٠٩ واليأس يأس النفوس بيوم كشف المصير
ا**** من حزنها تنهلّ عبراتها
٠١٠ والهتك هتك الستر عن كل سر خطير
وتتبع الناس ولاّ كشف عوراتها
٠١١ والكسر كسر الخواطر مال كسره جبير
والطعن طعن اللسان وقبح هفواتها
٠١٢وترى الوفاء هو وفاءك بالأجر للأجير
وايفاءك الوعد قبل تطوف ساعاتها
٠١٣وعلم السياسه وفن الرد عند الجبير
يفحم كبار السياسه في سياساتها
٠١٤ أي والله أن الملك سلمان عنده وزير
عادل يضد الخصوم ويعرف اسكاتها
٠١٥ والله يرحم سعود الفيصلي الأمير
حتى عداه اشهدت له باعترافاتها
٠١٦ وصلاة ربي على الهادي البشير النذير
محمد اللى رقى السبع وسماواتها

ه الله ((( بينماهي للشاعر راجح المغيري )))

الله من بيت عزيز هجرناه
من عقب ماكنا دواما نروده
مع الزمن حتى مكانه نسيناه
ماعاد نذكر باي الاحيا وجوده
من يوم راع البيت قفت مطاياه
النفس عن قربه تقول محدوده
الرد السريع على هذه المشاركة

العيد قرب وبعض الربع غيابي
وشلون بالعيد مانقدر نعايدهم
العيد يحلو في حضرات الاصحابي
ونصف انسجامه يضيع ان صرت فاقدهم
عسى السعاده تعايد كل الاحبابي
واشوف في مقبل ايامي تواجدهم

عاش رجل فقير جداً مع زوجته ،
وذات مساء طلبت منه زوجته شراء مشط لشعرها الطويل حتى يبقى أنيقاً نظر إليها الرجل
وفي عينيه نظرة حزن
وقال لها : لا أستطيع ذلك ..
حتى أن ساعتي تحتاج إلى جلد ، و لا أستطيع شراءه ..
لم تجادله زوجته وأبتسمت في وجهه !
في اليوم التالي وبعد أن أنتهى من عمله ذهب إلى السوق
وباع ساعته بثمن قليل ، وأشترى المشط الذي طلبته زوجته .. وعندما عاد في المساء إلى بيته وبيده المشط وجد زوجته
بشعر قصير جداً !
وبيدها جلد للساعة !
فنظرا إلى بعضهما وعيناهما تدمعان، ليس لأن ما فعلاه ذهب سدى !!
بل لأنهما أحبا بعضهما بنفس القدر ..
وكلاهما أراد تحقيق رغبة الآخر!!
تذكر دائماً :
عندمآ تحب شخص أو تكون محبوباً من شخص ما ،
عليك أن تسعى
لإسعاده بشتى الطرق، حتى لو كان يريد
- فلوس أو حتى حلاوه او كلمة طيبة
فالمحبة الصادقة ليست أقوال بل أفعال ♡
منقول

مما قالو عن الحب

الحب: فرصة ليصبح الإنسان أفضل وأجمل وأرقى.
الحب: ليس عاطفة ووجداناً فقط إنما هو طاقة وإنتاج.
الحب: هو أعظم مدرسة يتعلم كل عاشق فيها لغة لا تشبهها لغة أخرى.
الحب: مثل أي لعبة يمارسها اثنان... في نهايتهما : أحدهما يربح... والآخر يخسر.
الحب: تجربة وجودية عميقة تنتزع الإنسان من وحدته القاسية الباردة لكي تقدم له حرارة الحياة المشتركة الدافئة.
الحب: فضيلة الفضائل... به نعلو بأنفسنا عن العبث والتهريج والابتذال العاطفي... ونحمي عقولنا من الضياع والتبعثر الفكري.

كان واحد يرسل ابيات بدون ان يذكر اسمه فرديت عليه
بالهاتف الجوال من دون تحقيق
نرسل لشخصاً من فصيله عريبه
من بعد ماكرر ببدع الطواريق
انطمنه من بعد طول المغيبه
ولو الرسائل بين الاصحاب توثيق
ترى الزياره له مزايا عجيبه

خاطره
الاياصاحبي بيني وبينك مايجوز عناد ***** يروح الوقت وحنا بين شد وجذب وعتابي

لحالة طارئة جبنا الدواءلكن الدواء مافاد ***** بعض حالات صعبه مايفيدن فيها الاطبابي

تعثر سير مركبنا قبل ناصل حدود الماد ***** لتخطيط الليال المقبلة تلخبط حسابي

انا باحرف طريق القافلة عن خطها المعتاد ***** واهدي سيرها واجنبه عن درب الاحبابي

ولو طيفه يجي في نومتي وبيقضتي وش عاد ***** كفايه مامضى ماعاد نبغا حرق الاعصابي

نصف خاطره معاده
يامنتدى ليه الجماعه تخلو
نمر مانلقى لهم فيك جره
مدري جفا والا بغيرك تسلو
والا مع ***** ونجم المجره
حتى هل الاشراف تعبو وملو
مرورهم في عدة ايام مره
واظن يلزم نتبع الي استقلو
لو ذكرياتك كان فيها مسره

عيد(ن) يفرق شملنا مانريده
نبغى الليالي كلها مابها اعياد
قلب الشقا عيد الملا مايفيده
الى صار هو ببلاد والزين ببلاد
لو اننا نلبس ثياب ً جديده
ولو قالو العالم لنا عيدكم عاد
القلب شوف صويحبه يوم عيده
لو ماتعيد باقي الناس وش عاد

العيد عدى وخلي ماعرف اخباره
بدل علي فرحة الاعياد باحزاني
لاصوت جاني ولالي قام بزياره
مع نشوته في فرح عيده تناساني
مع الجميلات راح ينظم ادواره
سرح يماري بزينه كل فناني
يبي يوزع خبر زينه على الحاره
حتى يقرن له خدرات الاعياني
اخذ عليهن تاج الزين وشعاره
ونصب على البيض يوم العيد سلطاني

خاطره
ثمان وثمانين عيدك يعود
ياوطن دام عزك بطول السنين
انته اشرف وطن ياوطن بالوجود
مهبط الوحي ياقبلة المسلمين
وشرف الله لخدمتك حكم السعود
بحاضر الوقت مع سكة الاولين

شفت برق السحـــابــه ونـتـظرنا مطرها
قلـت لعــل تسـقـي لي ضـوامـي حـــلالي
وهب عاصوف من صوب الشمال وحدرها
مــن يـحـاسب هـبـوبن حــد عــنا لخيالي
عـكــر الـجــووالخــطـه عــليـنا دمــرها
ليه كـسر الخــواطـر ياهـبـوب الشمالي

سكة المشوار
ستين من سكة المشوار طفناها
ولاباقي الا قليل وناصل المادي
ونسكن بداراً جديده مابـنـيـنـاها
بنيت لمجهول وفيها صار مرقادي
يالله عـفـوك يـاربـي لا نـزلـناها
وصحابنا مددونا وسط اللحادي
رجوى لرحمتك ياربي وحسناها
تغـفر ذنـوبا كثـيره ماله عــدادي
والهمني اسما لثلاثه لو نسيناها
اسمك ودينك وسم مبعوثك الهادي