❤️ المساجـــله الشعـــريـــــه .،.،.

يالله يالمعبود ياعز مطلوب
لاتمنع الرحمه وتفتح لنا الباب

يارب مابه عبد ماعنده ذنوب
وانت الغفور وطالب العفو ماخاب

ياعاقلا يوسف على ابوه يعقوب
بعد العمى والياس من رحمتك طاب

يافارج الشدات عن كل مكروب
تفرج لنا الكربه وناخذ بالااسباب

ويالله في نوا مع الفجر مجنوب
سيله يشيل تراب ويخلي تراب

في خطة الارصاد ماهو بمحسوب
لاهو على واقع ولاهو على سناب

نوه يعم ديار ويغسل قلوب
من الحسد سوداء كما ريشة غراب

غيثا يجي من كل رحمه ومن صوب
وتنبت فجوج الارض من كل الاعشاب

والارض من زهر اليهق تكتسي ثوب
ابيض الي شفته تقل رؤوس شياب

والا الشماغ اللي على راس منصوب
هي حمرة الحماض ويثير الاعجاب

وكلا يوسع خاطره لا قضى النوب
شوف الربيع اكبر مهدي للاعصاب

وخوة نشاما اهل معزه وماجوب
مختارهم مخيور من بين الاصحاب

هذا حلاة العمر والرزق مكتوب
وبالاخره كلا مسجل له كتاب

واختامها صلو على خير محبوب
رسولنا المختار من خير الانساب

بين صمتي وصمتك واللقى والغياب
سالفه محتواها :229:وين انا و انت وين
،،
في عيونك سؤال:1035: وفي عيوني جواب
لاتزيد المواجع خلّنا ساكتين

باقي لك الذكرى من العام للعام
........ لا ما نسيتك لو نسيتي هواناااا

ياما بعد فرقاك اتعبت الاقلام
......صغت الرثا لك في حياتي زماناا

اقتباس:

---

المشاركة الأصلية كتبت بواسطة كلي طموح

باقي لك الذكرى من العام للعام
........ لا ما نسيتك لو نسيتي هواناااا

ياما بعد فرقاك اتعبت الاقلام
......صغت الرثا لك في حياتي زماناا

---

اخوي كلي طموح يامبدع
نحتاج ابيات تبدأ باخر حرف ينتهي فيه الابيات الي قبل
عاد انت شاعر مايحتاج
ماراح تتعب علشان تلاقي ههههه
الله يسعدك

المساء والقهوه مع شوق وافكار
احتار من بوح الحلا دون همسي

عندي فضول ابعرف الشمس بتغار
لا قلت لك انت الغلا وانت شمسي

ياصاحبي طالت علي المسافه

كل مانشدتك قلـت لي الدرب قدام

وعـدك مثـل باكر أحبــه وأخافة

ولا ينقضي باكر على طـول الأيام

معذور ياقلبي وذي عادت الوقت
محدٍ لحد باقي على طول الايام

طبعي وانا اعرفه ولو منه انا ضقت
ويشوم عن درب الردى كل مقدام

مالوم نفسي كل ماضقت واشتقت
فاقد رفيق وفاقد احباب واحلام ..

مال الزمن في حزنك وفرحتك راي
عِش يومك وقلبك بالأقدار راضي

واللي يقول الماضي أحلى من الجاي
قله : مصير الجاي بيصير ماضي

يا زين ودي اسالك مـن غـلاتـك
عسى جوابك دبلوماسي و حسـاس

اقـدر اكون اهـم شخـص بحيـاتـك
ولا أنا حالي مثـل حال هــ الناس

سهرت الليل يا ليلي .. وه و ماجاني المحبوب
وانا وان قلت يا ويلي .. تعذّب قلبي المتعوب

بين الرجا والياس والحلم والموت
وبين الفرح والحزن والشمس والفي

اشتاق لك شوق عظيـــم ومكبوت
شوق الضرير اللي تعانق مع الضي

يا زيـن ما في العيون نعاس
والقلب مشغول بهمومه
أما معي نطرد الهوجــاس
و إلا لك الليل و حلومه

هذا هو إحساسي ليا حل طاريك
‏اظما لوصلك وارتوي لا شربتك
‏
‏غصبٍ عليّ أشتاق واطرب واغنّيك
‏ويزيد شوقي يالغلا لا وصفتك

كلما دعاني الشوق للقلب الأول/
ألقى مكان القلب في الصدر تنهيد ..

و طيوف ذكرى في الحنايا تجَوَل /
تجمع صور و أوراق من باقي العيد ..

دع الحرف فيه جمـال الزهور
وفي اللفظ معنى كعزف الوتر