❤️ المساجـــله الشعـــريـــــه .،.،.

يلا يا قلبي تعبنا من الوقوف
ما بقى بالليل نجمة ولا طيوف
ذبلت أنوار الشوارع .. وانطفى ضيّ الحروف
يلا يا قلبي سرينا.. ضاقت الدنيا علينا ..

الله عطاك من الحلى شي كبير
شي(ن) غريب ولا يسمى غريب

بـ سكات جيتك / لكن أقفيت بـ سكات
مبطي وأنا طبعي مع النـاس هـادي

يـسـوقـنـي لـك شــوق مـا هـو عـلـى بـالـك
و يـردنـي عـنـك شــيء مـا اقــدر اقـولــه

هو ادرى بالخفى وهو أعلم بالشعور،
هو يدري بكل شي بس كنه ما درى..

أمـوت مـن فرقاك و أموت بلقاك
وأموت من جورك و أموت بحنانك

كلما دعاني الشوق للقلب الأول/
ألقى مكان القلب في الصدر تنهيد ..

و طيوف ذكرى في الحنايا تجَوَل /
تجمع صور و أوراق من باقي العيد ..

دونك خفوقي ممتلي من سهامكـ
ولآ شكيتك جرحه و قلــة النــــوم

ماكنت شي وشلون ازعل لفرقاك
عادي وجودك كان وان رحت عادي
جايز اكون اول تعاطفت وياك
لكن فبالي كان تركك وكادي
لاتنفعل لاتثور لاتبرر خطاك
ماينفع الغرقان مد الايااادي'

يـمـديـه يـرجـع قـبـل مـا عــاد يـمـديـه
قـبـل الصبـر يـبـري الضلـوع ورجـاهـا

خـابـره مثـل الـورد والـوصـل يـسـقـيـه
والـحـيــن مــدري تـربـتـه مــن سـقـاهـا

آه من ليل التجافي ما أطوله
ليلة العاشق ثوانيها ليال ..
من يقول الشمس باكر مقبلة ؟
كل شمسٍ مالها وجهك .. ظلال .

[لبيــه ] منِّك غير .. لمَّا أناديك
كن الكلام العَذب ... مرساه فمِّك

مهما اغلوك قلوب ناسٍ حواليك
أغليك أكثر منِّهُم بس .. لعلمك

أبوك , خالك , إختك , أخوك , ماضيك
ربعك ، جميع النـاس , وعيـــال عمِّك

كم سؤال مات في صدري جوابه
وكم اجابه حية قبل السؤال

السؤال يتيه في ليل سرا به
والاجابه ثابته في كل حال

والسؤال اللي له بنفسي مهابه
ليه احبك حب جاوز للخيال

لازلـت بالخـاطر و لا زلـت بالـراس
و لازلت أشوفك وين ما حط ّ عيني

أنت الغـلا يا سيّـد الخلـق و الناس
و أنت السوالف بين نفسي و بيني

شفت المياه إشلون تنصب بالكاس
الكاس عمـري و أنت مويـة سنيني

يا صاحبي .... حتى لو انك .. تغلا
قدرك ، مثل ما كنت خابره ..... عالي

ماهو صحيح الي : تغلى ... تخلا
ان جيتني "غالي" واذا رحت "غالي"