الشجاعه تغلب الكثره وهـذا اكبـر دليـل & الذيـب يـدرع بالغنـم ولا يحسـب حسابهـا

الشعر في شرعي فكر والفكر بــالشعر الاصيل
نـــــهج العـــــقول الناضجــه والعاقلين ادرى بها

مو شرط من يكتب شعر يدري عن بحور الخليل
اللي يـــــــــــداوي علـــتك لا تبــلـشه باسـبابهااا

احدن على الحنده حدا واحدن على الشله يشيل
كلن على مايكرب بيوته يمس اطنابها

على سبيل اهل المثل ماني مثل اهـل السبيـل
اللي معاني حضورها تشبـه معانـي غيابهـا

لا غبت جبت وعادتي لاغبت ماارجع بالهزيل
ان جبت اجيب اللي محد بالشعر قبلي جابهـا

تعشقني الفكره ..بكر.. واسبق لها الوزن الثقيل
اللي بنات افكارهـم مبطـي رميـت حجابهـا

اهيم في وادي الدهى واروي حديث السلسبيل
يوم ان غيري جامعن كتب الشعر يقرى بها

ما بالقرايه راية بيضا ولامنها ذبيل
لاروحت خيل الطرد تبكي على هذّابها

بعض المعاني وقعها اشطر من السيف الصقيل
يوم السيوف من الهلع تثقل على قضّابها

ناس على الشعر ادخلت والشعر بي منهم دخيل
يقول انا بوجهك عن الهزلى وعن كتّابها

ومدام صارت تشكي العله من اسباب العليل
قل للجماعه ترمي ثياب مهي بثيابها

ماهي بلحية طشطشه سيل من العارض يسيل
اسقى جبال المملكه وسهولها وهضابها

مساكم الله بالادب والذوق والشعر الجزيل
من شاعر صدره يسع مكه ومن يسعى بهاا

لا المستحيل يردني ولا ابـن عـم المستحيـل
ياماكسرت القاعده واخلفـت وجـه اعرابهـا

صدري ليا عليت علا واليا استطالت يستطيل
اما استوت لي كلها والا بلاش اشقى بها

عندي قناعه ظلها وافر ولي فيها مقيل
ما امشي ورا قالو قبل و اعيش في جلبابها

ما من ورى زرع المثل في وقتنا الحاضر حصيل
من طبق امثال العرب في هالزمن يبلى بها

من ذل قالو سلم يبقى بنظرتهم ذليل
ماتستوي القمه تحت رجلين منهو هابها

ايه الشجاعه تغلب الكثره وانا اعطيك الدليـل
الذيـب يـدرع بالغنـم ولا يحسـب حسابهـا

لو كل من اسمه جميل من العرب يطلع جميل
كان أكثر اسماء العرب تحمل صفات اصحابها

ولا ينعم بظل النخيل اللي تحت جـذع النحيـل
الشمس تصقع هامتـه حتـى يحيـن غيابهـا

ولا طولت عمر أدمي قولة عسى عمرك طويل
طول الاعمار وقصرهـا رب العبـاد ادرابهـا

رح ردها عني وانـا بأكبـر عواقبهـا كفيـل
كان طلعت كذبـه فأنـا بيـن العـرب كذابهـا

ان الشجاعه تغلب الكثره وهـذا اكبـر دليـل
الذيـب يـدرع بالغنـم ولا يحسـب حسابهـا


قصيدة للشاعر خلف مشعان

مساكم الله بالادب والذوق والشعر الجزيل
من شاعر صدره يسع مكه ومن يسعى بهاا
جميل جدا
ان الشجاعه تغلب الكثره وهـذا اكبـر دليـل
الذيـب يـدرع بالغنـم ولا يحسـب حسابهـا
لا وجه للمقارنه هنا ولا مساواه

لا غبت جبت وعادتي لاغبت ماارجع بالهزيل
ان جبت اجيب اللي محد بالشعر قبلي جابهـا

صح لسان قايلها
وتسلم يدينك يالمال عديل الروح
ابيات في قمة الروعة

صحت أبدانكم الجميع

شاعر جزل وأبياته رائعة
راقت لي فنقلتها لكم

رائعه
اختيار موفق اخوي
مشكور

قصيده جزله
احسنت الأختيار
يعطيك العافيه

صدري ليا عليت علا واليا استطالت يستطيل
اما استوت لي كلها والا بلاش اشقى بها



صح السان الوايلي وصح السانك