عرض للطباعة
لك حق تزعل
لك حق تزعل ثم لك حق نرضيك
ما اقوى زعل حبيب قلبي وعيني
ما دام قلبي يا اريش العين مغليك
اطلب ولك روحي وما في يديــني
لا تـنـشـغل مالك وزينٍ يــضـاهــيك
ابـيــك أنا لـو كان غـــــيرك يبيني
يوم الله احسن صورتك خصني فيك
فـيك الجـمال وصــادق الــود فيني
شعري يزين بوصف زينك وطاريك
والأرض مــن مـمشـاك فيها تزيني
اول غــناتي صوت الأشـواق يدعيك
واخــر غــناتي شـق صدري حنيني
لا تزيد الجرح ماقصـر زمانـي
شايلٍ بالقلب أحـزان السنيـن
لاتزيد الجرح مافينـي كفانـي
لا تصير اليوم مع وقتي معيـن
ياحياة الروح ربي بـك بلانـي
بالحشاء لك جرح يالغالي مكين
في زمانٍ فات يالغالـي ترانـي
أخفي الأحزان والعبـرة تبيـن
مندفع لك جيت شوقي لك حداني
جيت أبي نظرات عطفك والحنين
عمري اللي ظاع باحلام وأماني
شوفتي لك يوم والفرقا سنيـن
مع زماني لا تحاربنـي بصـدك
خلني بالعمر اضحك لـو ثوانـي
كان لك قلبٍ على غيـري يحـدك
وش ترى في قلبي اللي لك حداني
بالجفاء ياصاحبي عديـت حـدك
ما وصلني منك يالغالـي كفانـي
اشتكـي لـك لا تعذبنـي بـردك
لا تصد ارجوك يـوم الله بلانـي
ليت حب ضاع للذكـرى يشـدك
تذكر اللي راح منا فـي ثوانـي
ليتني مرتاح من قلبـي وحبـك
ليت لي يازين مثلك قلـب ثانـي
عزي للي بقلبه من حبيبه جروحي
علته من جفاهم والشقى في هواه
صاحبي عدته بالحب جفن سروحي
يذبح اللي يصيبه ان برمشه رماه
صابني بالحشى غرو غرير مزوحي
دالهٍ في زمانه ما بلانا عناه
ارجي الله علاج من هواه استريحي
او يشوف اللي شفته واتركه في جفاه
اليا قفى زمانك كل شي يروحي
تشرب المرّ من خل صعيب جفاه
عزني ياحبيبي جعل دربك سموحي
لا تذل اللي يعطيك الهوى من شقاه
ظلني في حنانك يكفي منكم جنوحي
من يذل المولع عند ربي جزاه
الا واهني اللي من الحب ما يهتم
يطيب الزمان او يختلف شين ماهمه
معافى زمانه لا يهوجس ولا يندم
يقضي ليال شباط والقيظ عند امه
وانا اللي عيوني تزعج الدمع دمعه دم
واخفي جروح الروح والروح منسمه
سبب جاهل لاهوب يصخف ولايرحم
لو اني من اقصى الناس والا ولد عمه
حربني وانا ما نيب طاغي ولا مجرم
انا بالبخت ياهافي الوسط والذمه
الى صار دينك جايزٍ ذبحة المسلم
فالى حل ذبحي خل ذبحي على يمه
الا يا مربي قذلة تقل ذيل ادهم
من العنبر الغالي على بعد له شمه
ابي شربة تبرد غليلي من المبسم
اذا كان تسمح لي على مطلبي تمه
صويب المحبه لو نجح دور ما يسلم
يسومل على همه وهو ناشف دمه
ياليت الثريا ماعترض دونها المرزم
لما الكبد يطفي حرها بارد الجمه
حرام الهوى غيرك من الناس ما يلزم
الى صار غيري ما تلد النظر يمه
اطلب ولك روحي وما في يديــني
لا تـنـشـغل مالك وزينٍ يــضـاهــيك
ما أروعها من ابيات
تسلم إيدك اخوي
الزعيمه واميره شاكر لكن تواجدكن
واضافتكن الرايعه