انا وانت والعيد

اناوانت والعيد
ياصاحبي مدري هو يجيبك العيـد
ولايجيـب غيابـك العيـد فينـي

ياليتها تصـدق معانـا المواعيـد
وتصبح نهار العيد حاضن يدينـي

وتفرش دروب الحب وردوزغاريد
وتعيّد بصـدري وتَقطـف حنينـي

غيري يقول العيد فرحـه وتجديـد
وآنا اقول العيـد مـا مـر عينـي

عيدي بدونك غابه مـن التناهيـد
كن الشقا مكتوب لي فـي جبينـي

اسمع بطاري العيد من زيدوعبيد
لكني اعيشه حشى يـا ظنينـي

الخلق في فرحه وانا حزني يزيـد
من دون شوفك غربتي تحتوينـي

وش حيلتي والشوق ظالم وعربيد
والوقت فرق غصب بينك وبينـي

بعد المسافه قيـد وظروفنـا قيـد
والدرب موحش وانت وينك وويني

تكفى تعال وهات بحضورك العيـد
لالا يجيـب غيابـك العيـد فينـي..

اختيار جميل مع لمسه حزن
يعطيك العافيه ..

عندما تاتي الاعياد والاحباب بعاد تظهر لمسات الحزن غصب
تشكرات لوجين

الله يرجع غالينك لك بالسلامة وتكمل فرحتك بالعيد

قصيدة جميلة ابومحمود

وكل عام وانت بخير

اللهم امين شكرا الك زعيمه وعيدك سعيد