عند اخوك ملكة لواحد من عياله
لكن ماعزمك ولاحط عندك خبر
تروح له ولا لا
عرض للطباعة
عند اخوك ملكة لواحد من عياله
لكن ماعزمك ولاحط عندك خبر
تروح له ولا لا
لا ما اروح و اذا انتهت الملكه اروح له و ابارك له ( و تعتبر الرساله وصلت له ) ...
اللي اشوفه انك ما تروح بدون ما تاخذ بخاطرك
قد يكون العذر انها محفوفه وعشان الاحترازات
بعدين اشره عليه شرهة اخ بالنهايه هذا اخوك عضيدك مهما صار
واسال الله ان لا يفرقكم
لا لا تزعل عليه ولاشي
الملكه لاتحتاج الا العريس وابوة وابو العروس وعياله ومنهم 2 شهود
وهذا يحصل دائماً
وبعض الناس يكبرها شوي على ذبيحه وينادي اخوانه ووووالخ
وفيه ناس تسوي الملكه بعد صلاة المغرب وفنجال قهوة وانت ماشي
لذلك اخوي الغالي لاتشرهه عليه
وقد يكون هناك ظروف اخرى لاتعلمها اجبرته على ذلك
والله يوفقهم وويوفقك وويوفقنا جميعاً الى مايحب ويرضى
والسلام
كلامك واضح ومعلوم يابو براهيم ولايبي له مطوع
لكن في حالة انه عزم بعض اخوانك وترك بعضهم وانت من ضمن اللي تركهم
معى احتلرامى لك ولاخوك اخوك يسمع للحرمه والا وجودك يشرفه الى مانادنى اخى لمثل هذى الفرحه وش ابي به كثير بيتعجب ويقول كرونا او ضيق بيته او يجيب عذر انا لو تعذرتم بما ذكرته لكم اناديه لوحده يحضر ماهو شرط بعائلته الاخ عضدك
طبعا لاتزعلون على من رائى لاكن الى نعيشه اليوم من تفرقة النساء للاسر مرير قسم بالله مزوج 3 اولاد و2 بناتى اخوانى واخواتى حاضرين سوى ملكه او زواج حبايبي هم سندى وفرحتى يوم تضيق بك الدنيا هم الى معه
اروح له ولا يحتاج يعزمني
الموقف موقفي والضيوف ضيوفي وانا اعزم ما انعزم
اقتباس:
المشاركة الأصلية كتبت بواسطة ضيف الاسهم
التمس له عذرا .. كرونا كرونا كرونا
يمكن احد المعازيم مشكوك في اصابته بكرونا وما حب اخوك انه تكون محل عدوا يكفيه هو لو انصاب تقوم مقامه
لاتنشبونها وربي الدنيا ماتستاهل الزعل
هناك مشكلة بينكم وهي التواصل الضعيف .. عليكم ان تجعلو التواصل بينكم اكبر واكثر
انتبه من خطوات الشيطان ان يقع بينكم كما فعل الشيطان بين يوسف واخوته
اروح له واقف معه واساعده انت تعزم ما تنعزم عند اخوك
السلام عليكم
صباح الخير للجميع
يختلف الموقف بحسب السكن إذا كان بيوتكم متجاورة
ما أعتقد انك تحتاج عزيمة وتعتبر راعي بيت وواجب حضورك
اما إذا كنتم متباعدين كل واحد في مكان اشوف انك ما تحضر
والتمس لأخيك العذر ربما اراد ان لايكلف عليك بالحضور خاصة
إذا كان الزواج قريب .
الله يجزاه خير اللي ما يعزم ولا يحط خبر ويحرج الناس
الوقت تغير والناس تخاف من العدوى والزواجات صارت محصورة بالعريس واخوانه ووالديه