استفسار بخصوص التسهيلات جزاكم الله الجنان ورضا الرحمن

صديق عزيز لدي وغالي طلب مني استفسر منكم الله يجزاكم خير عن التسهيلات

نزلت له اليوم يقول اشتريت الجوف الزراعية وخسرت فيها وودي ابدلها بسهم ثاني ولا طاع يبيع لي الراجحي

هل فيه نظام عندهم خاص للبيع والشراء في التسهيلات

الله يحرم وجه ووالدين من يجاوبني

لاحول والا قوة الا بالله ..... توجد مواضيع كثيره تثقف المتداول و تنصح وتوجه متي تشتري
وكيف تشتري ...كان كلّف نفسه صاحبك الله يهديه ان يبحث عنها .....المحترفين يخافون من تسهيلات
البنوك لانها خطيرة وتحتاج احتراف ومغامره خطيره


ان شاء الله تجد من يرد عليك ويعطيك الاجابه الشافيه وتنقذ صاحبك

اي والله انه محتار وشال هم

الله يجزاكم خير ويبيض وجيهكم اجمعين

التسهيلات تنزل بضمان اسهم المحفظة

والبنك مايهمه تبيع او تشتري اللي يهمه انه يسترد تسهيلاته حسب الاتفاقية معه سواء كانت اسبوع او شهر او سنه

او انك تغطي الفرق في حال الخسارة حسب الحد المسموح والمتفق عليه سواء كان 25% او 30% او حسب الاتفاقية

لذلك يلزم اخي الرجوع للاتفاقية والتأكد من المدة وحد التغطية

بالنسبة لخويك الله يعوض عليه ونصيحتي له يرجع التسهيلات في أسرع وقت لو كان تمويل 5 سنوات عالاقل تهون شوي اما تسهيلات ممكن يدخل في خساير فادحة لا قدر الله وما راح يتعلق لان البنك بيسيل المحفظة ويبيع اسهمه بخسارة اذا ما قدر يدخل مبلغ إضافي للتعديل.
غير عن كذا الاسهم لازم تكون بفلوس ما تحتاجها اقل شي 5 سنوات قدام مو يدخل بتسهيلات ويده على قلبه لو حصل جني أرباح او تصحيح والادهى والامر السوق فوق 9 الاف يعني لو دخل في قاع كورونا يمكن تترقع لكن الله يستر عليه وان شاء الله يرجعها في اقرب وقت.

التسهلات تنفع تاخذها في سهم يكون في قاع ويكون وقت انطلاقه

مثل قاع كورونا او يكون بعد تصحيح للمؤشر و نزول في الاسعار بنسية 30%

هنا ينفع تدخل في تسهيلات اذا كان الشخص يبغى تسهيلات

انا كنت افكر و لازلت افكر ادخل بالتسهيلات لكن مافيه فرصه حقيقة تستاهل اخذ تسهيلات عشانها

قل لصاحبك يدور له سهم كويس و عنده اهداف حلوه و يجلس فيه

او اذا يقدر يغطى المبلغ ويرجعه اذا كان ماهو محتاج له

الله يجزاكم خير ويحرم وجيهكم عن النار

وصلت الفكرة والمعلومة