https://women-girls.org/wp-content/u...161111-236.jpg
تعال اغنيلك الموال وغيابك
للشوق ( بحه ) تميز نبرة اشعاري
زهبت عذري وردي لابتدى عتابك
كم لي افكر شقول ان قلت شالطاري
بقول مشتاق للطعنه من اهدابك
ومشتاق اكثر لقولة باخذ بثاري !!
وبقول مليت مدري ملني بابك
من غبت دونه وقف عمري ومشواري
https://vb.3dlat.net/images/sendpmonline.gif
مغير اسولف له اللي صار باسبابك
وارمي عليه الشقا والهم واعذاري
من غير لا ادري اجي وان قال وش جابك ؟
قمت اتساقط علي من ( غيمة افكاري)
لين اتبلل (( وله )) واطير اسرابك
وتروى عصافير فرقانا من انهاري
وارد ميت عطش واقلب كتابك
واقرى حكاية سراب عذب ازهاري
https://vb.3dlat.net/images/sendpmonline.gif
شفني ذبلت وطفيت وجيت ابحيابك
عمري دفعته ثمن دربي ومسياري
اما تخليني احيا فيك وابقابك
ولا تاكد وفاتي اخر اخباري
ابك انت مره طرالي احرق اعصابك
طاوعت فكري عليك وجيت لك ساري
فكرت ابيعك وابعثر بالمدى اطيابك
عقلي نواها وقلبي قال انا ( شاري )
https://vb.3dlat.net/images/sendpmonline.gif
ورديت احسك بصدري واحسب احسابك
اني زرعتك لقا وابقطف اثماري
واليوم دام المسا توه تغنابك
اقررب مدامك لحن تشتاقه اوتاري
ابعزفك للقصيد اللي تسمابك
وشب لك داخل بحور الشعر ناري
واسمعك ما كتبته لين ( ينتابك
غرور ) واسمع كلام عده اجباري
https://vb.3dlat.net/images/sendpmonline.gif
لاصرت انا والقلم والدفتر احبابك
يحق لك لو تقول ان الشعر داري
ما قلتها قصدي اني اكسب اعجابك
لكني بهذي ادري ويش مقداري
الصعب جذاب وانت الصعب يزهابك
وانا على الكايده يا عاشقي ضاري
وان جات للجد له لذه ترى غيابك
شف ( بحة الشوق ) كيف تميز اشعاري ؟؟
.
.
.
