احترقت الشوق

http://www.azgif.com/wp-content/uplo...5fba3feb54.gif



احترقت الشوق والشوق احترقني
من غدا كلٍ عن الثاني غريب
للشقى حظي مشى فيني وسبقني
اه ياظلم الهوى وظلم النصيب ..
♫
السهر من عشقتك غصبٍ عشقني
يا عنيدٍ .. يا بعيدٍ .. يا قريب
سال من عيني قصيدي ولا نطقني
والسواد اللي توشحني كئيب ..
♫
صرت له كلي وعيى ماعتقني
وان تفزعت بنهارك ما يجيب
انت وينك يا السروق اللي سرقني
رد لي لو راحتي ودي اطيب ..
♫
الزماني اللي على دروبك رشدني
كني الديّمه على القاع الجديب
يوم جيتك ذكره له ما صدقني
وقاللي انت البشر تخطي وتصيب ..

تدري وش احس وانا اجلس معك
تدري وش القلب يهمس للوريد
ودي اسند بكتفك واسمعك
ولا افكر في قريب ولا بعيد ..
...............
تدري اني لك اغار من اصبعك
لا مسح وجه ٍ بشوفه يوم عيد
ودي اني قلبك اللي بأضلعك
وانبض احساس الغلا وابقى وحيد ..
.............
ماتصدق يوم كنت اجلس معك
بس اناظر في عيونك واستزيد
اشربك واروي ضماي واشبعك
اشبعك ولا ابي يوم ٍ جديد

شكراً عاشق على الإضافة الجميلة

وشكرالكما ايضا على كل جميل

صح لسانك

اشكر مروركم اخواني

كلام قمه في الروعه والإحساس
الله يسعدك

اقتباس:

---

المشاركة الأصلية كتبت بواسطة لوجين

كلام قمه في الروعه والإحساس
الله يسعدك

---

ويسعدك يا أغلى لوجين

اللهم صل على محمد وعلى آله وصحبه أجمعين

صح لسانك ويعطيك العافية