رفيقك الغالي اللي غاب

رفيقك الغالي اللي غاب له مده
لاتجرحه وانت ماتدري عن احواله
يمكن ظروف الغيبه للزمن تحده
ويفضل انه يصد بهمه لـحـالـه
ياصاح ماكل غيبه تعتبر صده
لاعاد تشره على من راح في فاله
مناكب البيد للغياب ممتده
والعذر للمعتذر مانقصر حباله
يبقى على محزم الخوه من العده
مايطلق الوجه في الواجب اللي جاله
الايام مابه حد مابيحت سده
والوقت حمله ثقيل وميلته عاله
يومي بنا حلم ليله في نحر غده
وتحدنا حر شمسه نطرد ظلاله
وضاعت طموحاتنا في هاته ووده
ايلين عف العفيف وماتت آماله
ولو ان بعض العرب حلمه على قده
ماضيع الصالحين ابليس وعياله
غير اعذر الطيب اللي غاب له مده


:drunk:اسعد الله اوقاتكم بكل خير:patch_baskt:

صح لسانك ورحم الله والديك ياوجه الخير

صح لسانك الله يعطيك العافية

صح لسانك وفقك الله

صح لسانك الله يعطيك العافية

صح لسانك ياغاااالي

صح لسانك واسعدت ايامك

صح لسانك ابدعت ✍

صح ابدانكم جميعا بدون استثناء ، والله يبيض وجيهكم على الكلام الطيب

صح لسانك

مبدع ماشاء الله

يومي بنا حلم ليله في نحر غده
وتحدنا حر شمسه نطرد ظلاله


الله الله ابيات من ذهب صح لسانك ولسان الشاعرابن محماس المري وسلمت الذائقة

توقفت كثيرا عند كل بيت لكن هذا عن قصائد

إلك :234:

صح ابدانكم جميعا ربي يسعدكم