عام مضى

*يا سنه مرت ويا عمر انطوى*
*ويا سنينٍ مقبله وش تحملين*

*عام راح بكل مافيه وطوى*
*صفحة ايامه ولوعات السنين*

*مدري الايام تبقينا سوى*
*يامحبه طاهره او ترحلين*

*ياترى من هو على الفرقا نوى*
*ومن نويتي يا سنيني تسرقين*

*ودي اقرا صفحتك والمحتوى*
*بين صفحاتك لنا وش تضمرين*

*احتسينا الحزن والقلب ارتوى*
*من قراح الهم صرنا مكتفين*

*للغياب جروح ما تلقى دوا*
*غير رجعة ناس عنا غايبين*

*اقبل العام الجديد بما حوى*
*رغم حزن اللي مضى متفائلين*

*الصبر باقي لو القلب انكوى*
*والأمل بالله رب العالمين*

كل عام وانت ومن تحب بخير أبو محمود
الله يجعلها سنة خير على الجميع

اهلا وسهلا طيب القلب عام سعيد عليك وعلى من توده

بارك الله فيك

وفيك حماده