تعال وازرع خصل شعرك بكفيني**بضمها لين أحس بليلك الظافي
من عزنومي صحيت وشفت في عيني
دمع تهادى على جفني و أ نا غا في:
سترت دمعي بكمي قبل يغريني:
وأخذت هذا الجسد من باقي لحافي:
وسريت تايه ورى خطوات رجليني:
لاالوجه وجهي ولاأوصافي هي أوصافي:
أمشي واقول لطريقي لا توديني:
لعيون ناس تبي تدري عن الخافي:
أمانتك . . خلها مابينك . . وبيني:
خابرك يالدرب خوة عمر وسنافي:
ماودي الناس تدري وش يبكيني:
كرامة النفس ورث أبوي واسلافي:
أمشي وأحس الخناجر في شراييني:
والبرد يمشي وراي وينش اطرافي:
وحيد والليل بردونه يغطيني:
تقول كن البلد روح بها السافي:
إلين ماوحيت لي صوت يناديني:
صوت أعرفه مثل مأجهل وش خلافي
قمت أتلفت وانادي لا تخليني:
ماغيره . . الصوت هذا صوته الدافي:
ولمحت زوله من اقصى الدرب لافيني:
مدري وش أقول لكن حي هااللافي:
تعال..شف غيبتك كيف أثرت فيني:
تعال..شفني واناأغرق عقب مجدافي:
تعال..خذني ورحبي من عناويني:
تعبت أعدي على جمرك وانا حافي:
تعال وقطف بصوتك زهرة سنيني:
كل المواعيد عقبك شمعها طافي:
تعال وازرع خصل شعرك بكفيني:
بضمها لين أحس بليلك الظافي:
تعال وشفيك خايف ؟انت ناسيني ؟:
قطعت صوتي عليك وطال ميقافي:
حتي بديت أشعر أن الحب معميني:
وأن أنت حلم عثى فيني وانا غافي:
لكن أمانه ترى اللي في كافيني:
إن رحت منك كذا مارحت متعافي:
بصدق الحلم وأحذر لا تصحيني:
في خاطري كلمتين إن قلتها كافي:
أمانة الله عليك إن غبت عن عيني:
لايكون قلبك مثل قلب الزمن جافي:
مع كل دمعة تذكر رعشة يديني:
ومع كل ضحكة تذكر قلبي الوافي.....
رد: تعال وازرع خصل شعرك بكفيني**بضمها لين أحس بليلك الظافي
تعال..شف غيبتك كيف أثرت فيني:
تعال..شفني واناأغرق عقب مجدافي:
تعال..خذني ورحبي من عناويني:
تعبت أعدي على جمرك وانا حافي:
اختيار جميل جداً
تسلم ايدك ابو بدر
رد: تعال وازرع خصل شعرك بكفيني**بضمها لين أحس بليلك الظافي
يااااااا مجمل حروفي صدفة الاختيار
الجميل بمروك ذوق ياواف الخصال
يسلم بنانك Amira
رد: تعال وازرع خصل شعرك بكفيني**بضمها لين أحس بليلك الظافي
أمانة الله عليك إن غبت عن عيني
لايكون قلبك مثل قلب الزمن جافي
مع كل دمعة تذكر رعشة يديني
ومع كل ضحكة تذكر قلبي الوافي
جميلة ورائعة الوصف ابا بدر
تسلم يدينك وصح لسان قائلها
رد: تعال وازرع خصل شعرك بكفيني**بضمها لين أحس بليلك الظافي
ولمحت زوله من اقصى الدرب لافيني:
مدري وش أقول لكن حي هااللافي
رووووعه تسلم