حظي علي زعلان وازريت اراضيه
وياشين عمر أبن آدم الي بلا حـظ
اخلف طريقه عن طريقي..وانا ابيه
ابي قبوله لي..وبيعطيني الرفض!
الحظ لو ينبــــاع بالغالي اشريه
بينــــي وبينه قصة الفــتل والنقض
باقول لك يالحــــظ جافيتني ليه؟
اطرد سرابك وأتعب اقدامي الركض
انا اشهد ان الــي تجي له تعليه
ومــــن يفقدك قلبه بالآلام يكتــض
ومـــــن قام حظه نْـــوّله كل أمانيه
ومن يفقده مثلي لكف الندم عض
تعــــال لو مره..ابي شي أسويه؟
بـــأعيد في شريان آمالي النبض
بصافي قراحك ضامي الوجد ترويه
وما أقول انا الا.. الله يقومك يالحظ
