❤️ المساجـــله الشعـــريـــــه .،.،.

[طيب القلب]

هذي قوانين الصدف والاماكن
وهذي مقادير الزمان وظروفه

تشوف ناس كثار صدفه ولكن
اللي تمنى شوفته ماتشوفه

[ADMIN]

هذي نجوم السما جلّاس ..
وعيبٍ على العاشق القومه
.
لاجل الهوى عذبونا الناس ..
ومن بيّح السد ما الومه....

[طيب القلب]

هذي رساله لك يازين الغواني
تسري مع بدر السما حيث ما صار

من خافقي الولهان تبدي حناني
تعطيكم المضمون في شرح ما صار

[ADMIN]

ريحٍ تهب وتسكن العظم رجفه ..
وتموت ريح وتسكن اوراق نزفي

على الروابي تهطل دموع وطفه ..
وتصب لمع بروقها وسط طرفي

يا طاري الغدران والعمر رشفه ..
مع قلّها ياليتها يوم تصفى

الحب واجد مير الاقدار صلفه ..
والأرض واجد لكن الحلم منفى

[طيب القلب]

اجمع قصيد الشوق لجلك واغنيه
‏وابوح باحساس الغلا فوق الاوراق

[ADMIN]

قالوتصبر قلت صبرن جميلي ..
صبرت صبر ايوب لكن تحطمت
قالوتوكل قلت ربي وكيلي ..
وكلت ربي في مصابي وحكمت

[طيب القلب]

تعـال وينـك فقـدت النـاس بغيابـك
تعـال خذنـي مـن الضيقـة وفرحنـي

[ADMIN]

يا صاحبي طالت علي المسافه
كل مانشدتك قلت لي الدرب قدام

وعدك مثل باكر احبه واخافه
ولا ينقضي باكر علي طول علي الايام

[طيب القلب]

منت فاهم يا اغلى من
مر بعيوني
عاشقك سلم امره للغرام

[ADMIN]

من يقول الشمس باكر مقبله
كل شمسٍ ما لها وجهك ظلال

[طيب القلب]

لا صرت فاقد لك حبايب ، وسهران
ادمع بـ عين وخــل الأخرى تكابر

عشان ما تشـوه ملامحك الاحزان
نصفك حزين ونصفك إنسان صابر

[ADMIN]

ردوا سلام اهل القلوب المواليف
على الوليف اللي نشد عن وليفه

[طيب القلب]

هـذي عـيـوني مـا غـفى جـفـنهـا الـنـوم
كــن انـكــتـب مـمـنــوع نـــوم الـليـالــي

[ADMIN]

يا زين للعاشقين سلوم ..
و غاديك تحكم بالانصافي

هو ينعذل لا شكى مظلوم ..
او يشكي السقم متعافي؟!

ما شفت جرحٍ عليه هدوم؟ ..
هذا انا البيٌن الخافي

[طيب القلب]

ياللي على الصبح الضحوك اكتب هواه
وش لي معك غير التمني و السهر

[ADMIN]

مافي حرف الراء

[ADMIN]

راحت بك ظــروف الحياه وتوارت
من عيني الصوره ولادري على وين
.
عقبك قدم رجلي على الدرب حارت
ولا عاد لــي موطن ولا لــي عناوين

[طيب القلب]

ناظر عيوني وتعرف وش كثر غلاك
وان تبي اكثر حس نبضات قلبي

[ADMIN]

يالله يا قلبي تعبنا من الوقوف ..
ما بقى بالليل نجمة ولا طيوف
ذبلت أنوار الشوارع وإنطفى ضيّ الحروف
يالله يا قلبي سرينا ضاقت الدنيا علينا

[طيب القلب]

اشتاقلك واثرك هنا تحتريني
واحن لك وانا استلذ بحنينك

[ADMIN]

كيف أتصدد . . ! ! و أتخـيّر بدالك
وأنا عليك أحوّج من القاع . !. للما

مالي ونيس . .! إلا مداك و خيالك
قربك صباح .. و غيبتك ليل ٍ أعمى

[طيب القلب]

المساء والقهوه مع شوق وافكار
احتار من بوح الحلا دون همسي

عندي فضول ابعرف الشمس بتغار
لا قلت لك انت الغلا وانت شمسي

[ADMIN]

يا صاحبي .. خلك ورى حدب الأقواس
لا ياخذك من طاري الحب . . !! طاري

لولاك ما عشت المشاعر و الاحساس
ولا صار في لفتة قصيدي ,, ! ! مواري

أنت الوحيد . ! اللي كفاني عن الناس
وأنت القريب بـ رغبتي . . ! و إختياري

[طيب القلب]

يامساء الخير يانور المساء
‏ياهوى بالي وياكل الشجون

‏لك بقلبي انغرس كل الغلاء
‏وبين اهدابي بيتك بالعيون

[ADMIN]

ناديت خانتني السَّنين الَّلي مِضت .. راحت
ناديت ماكِنَّ السَّنين الَّلي مِضت .. راحت

[طيب القلب]

تدري ساعه معك تسوى لها ديره
علامك تزرع الغيبه وتحصد باقي احزاني

[ADMIN]

يا كثر ما ضاقت أنفاسي . , ورى صدري
ويا كثر ما خفت ..,! من هجرك و طاريّه

جيتك .. و هم الزمن فوقي و من حدري
و الجفن . . , من غيبتك ما جف ساقيّه

قلت السبب من جفاك و قلت لي مدري
وأنته . .! تحطه على قلبي . .! , لعانـيّه

[طيب القلب]

هذا قلبي من عرفتك تـاركه ستر وغطـا
وإلا قبلك ماهقيته يكشف الشوق ويبوح

جيت لك وأعطيت كلي وما أبي رد العطا
صادق وطيّب نوايا دام أعاملك بوضوح

[ADMIN]

حطني جوا بعيونك ...
شوف بيا الدنيا كيف ...
أحلا من شوقي وجنونك...
لما جيلك يوم ضيف ....

[طيب القلب]

فــــــي غرامك هام قلبي واكتفاااا
فــــي غيابك مشتعل مثل اللهيب

ومن عرفتك شوق قلبي ما طفااا
صدق إنــك وفـي يا أغلى حبيب

[ADMIN]

بديت اتعب بدى كل شي علي يصعب..
بديت اتعب بدى صبري عليك يتعب..
بدى صمتي يعاتبني وكلام الناس يلاحقني
بدت اشواقي تسألني انت تحب او تلعب ؟؟!!

[طيب القلب]

بحقّ الهوَى لا تَعْذِلُونيَ واقْصِرُوا
عن اللّوْم إنّ اللّوم ليسَ بنافع

وكيفَ أُطيقُ الصَّبْرَ عمَّنْ أحبُّه
وقد أضرمتْ نار الهوى في أضلعِ

[ADMIN]

عشت انا وياك بـ اغلا ايامنا واحلاها
يوم كنت تزورني ما تعتذر بظروفك
.
كيف رحت مْع الجفيّا وانت ما تقواها ؟
كيف ترقد عينك الحلوه وانا ما اشوفك ؟

[طيب القلب]

كيف أنشغل عنك؟. وأنا منشغل فيك
‏ليت الشعور ؛ اللي بقلبي وصل لـك
‏.
‏تـغريـني أشيـائـك ، وأتـوه بمعانيـك
‏وأقـرا تفـاصيـلك وبعـضـك وكــــلّك

[ADMIN]

كثير يالهجر ومحطاتك كثار
وجروحك المره تجي متسلسله
المشكله ماهي بطول الانتظار
الانتظار بحد ذاته مشكله

[طيب القلب]

هذا غلاك بداخلي مالي الجوف
حتى هنـا ناظر مع الدم تجـــــري

ماكنت ابي منك سوى اربع حروف
تعتق بها قلبك ترى طــــــال صبري

[ADMIN]

يا جزيل الغياب اشتقت لحضورك ،
كل صبــرٍ جميــل .. إيديـك بعثرْته !

[طيب القلب]

هذي شرايين الوله تحكي النوح ​
وهذي خيوط الغبن لفت ايادي
​
زحمة قيود تعذب الليل وتروح ​
ولاجا الصباح أشوف عينك بلادي​

[ADMIN]

يسري خياله في عيوني و ماضيه
وأيام كنّا . . !! عاشقين و حبايب

أسهى و تلفى في شتاتي طواريه
وأحنّ و ضلوعي يتامى . . غلايب

يا مل قلب ٍ صالي الشوق حاديه
جدّت عليه اللي تجي له كتايب

[طيب القلب]

بعلمك عن قصة أنسان شاعر
شاعر يخاف الله وربه حسيبه

يكتب عن أشواقه وزحمة مشاعر
( شاعر غزل ) لكن بليآ حبيبه

[ADMIN]

هنني ياللي جميعـي لـك هنا,
حطـني بـآخـر مـداي,
طيرك اللي ما يبي غيرك أنا,
ضمــنــي إنـت فضاي.

[طيب القلب]

يحبني لا صار بالحيل ،،،، ضايق
ويقول ما مثلك من الناس حبيت

ولا صار عنده ناس والبال رايق
يسج من ثاني شطر باول البيت

[ADMIN]

تجيني حسايف توك اتغير مسيرك
تجي يوم انطفت شمعة حنيني
صبرت اسنين ابي صحوة ضميرك
و لا فكرت باللي صار فيني

[طيب القلب]

يبقى لك المنزل علـى كل مــــــرقاب
و تبقى لك عيـــــــون الغلا مستديمه

يا غايتي واللي خلق رمش الأهداب
انك جـديـد القلــب و انك قديمــه

[ADMIN]

هذي هي الدنيا بها هم ،؟ وأفراح
ليت الفرح يقضي على زايد الهم

[طيب القلب]

مـــــاذا أقـــــولُ؟ وددتُ الـبــحــرَ قـافـيــتــي
والـغـيــم مـحـبـرتـي.. والأفـــــقَ أشــعـــاري

[ADMIN]

يمر صوته على اذني واهلّي به
واحس الكون يشعر بأجمل اوقاته
.

[طيب القلب]

هز القصيد مشاعري وكيانـي
وأبان ما في القلب نبر لسانـي

[ADMIN]

ياتفاصيل ااالخفوق اشواق روحي
ويش حالك يابعد كل اااالعيون
.
طمن الهاجس ربكني حرف بوحي
كل نبضة قلب عنك يسألووون

[طيب القلب]

ناس اهتنو بالحب وناسً مفاليس
وناسً على ماقيل تكبر وتنسى

والمقفي اللي مايصون الأحاسيس
خله وأطمس باقي الحب طمسى

[ADMIN]

احدن يقول ان ( الھوى ) فيه راحه
واحدن يقول ان المحبه ،، بلا طـب

[طيب القلب]

بعد ما تعودت بعدك غصب عني
بعد ما نسيت الاماني والتمني

كلمتين اتئالوا اتئلوا شالوا الصبر مني
صحوا في عينيا حنينهم الابتسامة
صحوا سمعي يود كلمة من كلامك
صحوا حتى الغيره صحوا لي ظنوني

[ADMIN]

ياصاحبي عزك وقدرك على الراس
والشوق لك في القلب فوق احتمالة
انت الذي اغليك زايد على الناس
وانت الخوي ذي صعب الاقي مثاله

[طيب القلب]

هد الوله قلبي على ذيك الايام
يومي معك وأنعم بجنة وصالك

أكبر الم يزداد عام وراء عام
طيفك يجي لاجيت بعشق بدالك

[ADMIN]

كانت ثواني من شفتك انا ....
شفت الورد كل الورد يملى مكاني

[طيب القلب]

ياشوق تكفــا لا تخليــه يرتـــاح ....
ياشوق تكفا داعبــه في غيــابي

خلــه يحس انــي معــه ويــن ماراح ....
خلــه يحس شلون لــذة عــذابـــي

عطــر الفــراق اللي مع غيبته فاااح ....
عطــرت بـه جرحــي وباقــي ثيــابي

[ADMIN]

يا غايبه بالله مشتاق انا ردي
طول غيابك ليه في رحلة الغربه
انتي بعيده هناك واتخيلك عندي
وقلب يحبك موت يتخيلك قربه
فيني حنين وشوق جاوزت انا حدي
وليل الفراق يطول ويطول بي دربه

[طيب القلب]

هذي الحياة كتاب واوراق وسطور
‏يلزمك بعض سطـورها تهميـشها
‏.
‏لو صرت فيها عـارفن كل الامـور
‏الاصل في فهمك ياكيف تعيشها

[ADMIN]

قالوا ترى مالك امل .. في قربها لو يوم
ابعد وجنّب دربها .. هذا هو المقسوم

[طيب القلب]

اخر حرف كان الف :153:
لكن راح اكمل بحرف الميم

[طيب القلب]

مـا جـيـت لـجـل اقـول ويـن انـت غـايــب
جـيـتـك عـشـان اقـول لـك بـيـت و اروح

طـفـل الـغـرام بـسـبـتـك صـــار شــايـب
وما عــاد لـي بـالروح يـاصـاحـبي روح

[ADMIN]

حالي ترى بفراقكم صار ماهو حال
والعين ملت من بعدكم نظرها

[طيب القلب]

الوقت يمشي وفيه الناس منغرّة
والـعاقل ان شاف غفلتها يذكّرهآ

من سبّح الله في يومه مية مرة
غفرت ذنوبه من اولها لـ اخرها

[ADMIN]

ألبس الصبر لاضاقت عليك الدروب
. و ألبس الصمت لاضاقت ثياب الكلام !

[طيب القلب]

من بادي الوقت وهذا طبع الايامي
عذبات الايام ما تمدي لياليها

[ADMIN]

ألا واهني اللي سجد مع هدوء الليل !
سجد والعيون بغبة الدمع غرقانه .
.
ترك خلفه الدنيا ولارد عنه القيل !
خشع يطلب المعبود عفوه وغفرانه

[طيب القلب]

هذا الزمن لا عاد تشره على الناس
ولا تعـاتـب كل ما شـفــت زلـه .

كثر التشره والعتب يـوجع الراس
من جاز لك جز له ومـن شان خله

[ADMIN]

هلت دموعي مثل وبل السحايب
طاحت دموع الحزن عقب التدلع

[طيب القلب]

عن فتنة الدنيا و عن كثرت القيل
استغفر الله كان يمديك قلها

تلقى جزاها ب' الليال .. المقابيل
في ساعتن تجزى النفوس بعملها

[ADMIN]

لله كريم الله كريم يهون الجرح الاليم

لاصار ماطاع الزمان خلك على الدنيا حليم

[طيب القلب]

ما يكبر بعينك سوا من يقدرّك
لا شاف نفسه في عيونك مقدّر

واللي تقصر في وصاله ويعذرك
اكيـد تقبـل أعـذاره ليا تـعذّر

[صريح جدا]

متصفح جميل
شكرا لك

[صريح جدا]

كل سنه وانت طيبة اميرتنا:240:

[طيب القلب]

ما يكبر بعينك سوا من يقدرّك
لا شاف نفسه في عيونك مقدّر

واللي تقصر في وصاله ويعذرك
اكيـد تقبـل أعـذاره ليا تـعذّر

روح وين ما تشتهي روح قد ما تقدر
أنا أول الناس في قلبك و أنا التالي

[حكيم]

يا راجياً عفو الكريم بركعةٍ
خفيت عن عيون الخلقِ في الضلماءِ
ابشر فعفوه يمحو ما مضى
ورحمته وسعت كلَ مافي الأرجاءِ

[طيب القلب]

أحيان ودي أبتعد عنك وأجافيك
وألقاك متوسد ضلوعي وغافي

وأحيان ودي أنتظر في مرافيك
لكن أخاف تخونني هالمرافي !

[ابو رغد]

هلت دموعي مثل وبل السحايب
طاحت دموع الحزن عقب التدلع


لله كريم الله كريم يهون الجرح الاليم

لاصار ماطاع الزمان خلك على الدنيا حليم

صمتك وقار .. و كثرة الحكي منقود
‏و رزقك على الله .. و المراجل وهايب
‏لا تفرح بـ كلمة " نعم " و انت موجود
‏أحرص على قولة "نعم" و أنت غايب




افتقدناك ونعم بطرياك دخلت الموضوع ولم اجد اجمل من ذكرك في غيابك ونعم فيك

[ابا عبدالله]

يا ضايق الصدر بالله وسع الخاطر
دنياك يازين ما تستاهل الضيقه

[فيلق الثامن عشر]

ليذهب كل الرجال إلى الجحيم
هذا ماتقولة إمرأة غاضبة ... الأن
وفي الصباح
ستجري إتصال مع الحجيم تخبره أنها لم تنم
لأنها لم تسمع صوته :205:

[المتفاءل]

طالت الغيبة اميرة
يارب تكوني بخير