المساعد الشخصي الرقمي

مشاهدة النسخة كاملة : لا تشتكي من جور الأيام للناس



AbuNader
14-07-2017, 02:05 AM
لا تشتكي من جور الايام للناس
وادفن همومك في ثرى الصمت كله

اسرار عمرك خلها تحت الانفاس
لا صار هراج القفا فاطنن له

هذاك يفرح لا لمس جرح الاحساس
و هذا مناه لا لقى فيك عله

جو الربيع بعجة الصيف ينحاس
لاجت هروج(ن) ما تجي في محله

داعب هموم الليل لا هب نسناس
وعطها الخبر من قلب خل(ن) لخله

قله حبيبك ما وطى قلبه الياس
حتى عذابك بالهوا جايز(ن) له

تعيش بالوجدان ما عاش هالراس
لولاك قلي وش انا عايش(ن) له

إن زانت الايام يا شوق لاباس
ولا صبرنا لين ربك .. يحله

( خالد الفيصل )

ابوعوف
14-07-2017, 02:42 AM
هذاك يفرح لا لمس جرح الإحساس ******* وهذا مناته لا لقى فيك عله

صح لسانك

وصح لسان القائل

ليالي
14-07-2017, 02:45 AM
تعيش بالوجدان ما عاش هالراس
لولاك قلي وش انا عايش(ن) له

ابيات بغاية الروعه
تسلم الايادي ابو نادر


.

الراصد الآلي
14-07-2017, 01:15 PM
اسرار عمرك حلها تحت الانفاس
لا صار هراج القفا فاطنن له

ابداع
اختيار جمل