متابعة قطاع الإسمنتات 2020 م >>[ abu rakan ]

[abu rakan]

بسم الله الرحمن الرحيم

احبابنا محبي قطاع الإسمنتات نعود مجددا لكي نتابع هذا القطاع من تحقيق اعلى نسب الأرباح من قاعه

ومن تابع طرحنا السابق ادرك بان تحركنا يكون بالوقت المناسب واقتناص اجمل الفرص .

صحيح الأسعار الحالية تقريبا دبلت مرتين عن سعر الدخول السابق كونه كان الدخول السابق بقاع القاع للقطاع .

.................................................. ..

الآن بعد اعلآن النتائج المالية لهذا القطاع المميز نتابع اهم احداثة من ناحيتين تقريبا وهي

المالية والفنية //

اسمنت الجنوب نفتتح متابعته الى سعر مستهدف عند مستوى 82 ريال
السعر الحالي 71.80

.........................................

اسمنت السعودية متابعة >>>>>> 56.60
اسمنت الجوف متابعة لصيقة >>>>>>> 11.04
اسمنت القصيم متابعة لصيقة >>>>>>> 74
اسمنت نجران فارس الجولة >>>>>>> 16.14
اسمنت ام القري فارس الجولة >>>>>> 27.25
اسمنت حائل فارس الجولة >>>>>>> 16.20
.................................................. .............................

القطاع مترقب سيكون له عطاء مميز واي نزول له فهو للشراء

معظم اسهم القطاع له موجة قادمة طيبة سوف تسعد ملآكة ان شاء الله

شرطنا الوحيد استقرار السوق

اقفال للمؤشر بتاريخ الموضوع
8366

.................................................. ....................

سيكون للموضوع بقية بطرح ماهو ادق وافظل بشارتات فنية هدية لمحبي القطاع

[أبوخالد التميمي]

بارك الله فيك ابو راكان

قطاع واعد فعلا

[جديد]

يعطيكم العافية ابو ركان
معاكم في فارس الشمال حائل والعقال مايل

[ابو رغد]

بالتوفيق لك ولملاكها

[محمـد التميمي]

الله يبارك فيك ويجزاك كل خير أخي أبو راكان
والله يجعل كل ما تقدمه في ميزان حسناتك بإذن الله
ما شاء الله تبارك الله مبدع وقناص محترف
شركات أمنه ورائعها من شخص أروع

[$أبوعبدالله$]

ابو راكان يعطيك العافيه
نسيت أسمنت المدينة و بكره عنده أحقية ريال

[خالد عبدالرحمن]

الله يعطيك العافيه

[abu rakan]

ابو راكان يعطيك العافيه
نسيت أسمنت المدينة و بكره عنده أحقية ريال

خلينا بالحاضر شوف بعينك فرس القطاع الجنوبية 2 ريال زي اللوز

وبعد مايوزع احقية المدينة نجية بسعر افضل الى بيوزعه بياخذه باليوم الثاني سوف فية عقليات عافها الزمن يعطيك وياخذ من سعر السهم اكثر

[abu rakan]

الله يبارك فيك ويجزاك كل خير أخي أبو راكان
والله يجعل كل ما تقدمه في ميزان حسناتك بإذن الله
ما شاء الله تبارك الله مبدع وقناص محترف
شركات أمنه ورائعها من شخص أروع

استانس بوجود في اي موضوع لي طال عمرك

وانت علم على نار علم وفهم ماشاء الله عليك

[$أبوعبدالله$]

خلينا بالحاضر شوف بعينك فرس القطاع الجنوبية 2 ريال زي اللوز

وبعد مايوزع احقية المدينة نجية بسعر افضل الى بيوزعه بياخذه باليوم الثاني سوف فية عقليات عافها الزمن يعطيك وياخذ من سعر السهم اكثر
بإذن الله
شكراً لنصيحتك ابو راكان معلم منك نتعلم :):157:

[ابو نوف]

يعطيك العافيه

[أمير الشووق]

اتعبني اسمنت الجوف كم تتوقع هدفه ولا عليك امر
علما ان الشركة بدات تحقق ارباح
وهل تتوقع ان يكون لها نصيب من مشروع نيوم؟

[abu rakan]

اتعبني اسمنت الجوف كم تتوقع هدفه ولا عليك امر
علما ان الشركة بدات تحقق ارباح
وهل تتوقع ان يكون لها نصيب من مشروع نيوم؟

جاكم الفرج يا ملآك اسمنت الجوف بعد النتائج المالية الجيده

والشركة مسجله عقود كبيرة سابقا لمشاريع جبارة

اتوقع جميع شركات القطاع سيكون لها نصيب باكبر مشروع على مستوى الشرق الأوسط

وهو نيوم

[أمير الشووق]

جاكم الفرج يا ملآك اسمنت الجوف بعد النتائج المالية الجيده

والشركة مسجله عقود كبيرة سابقا لمشاريع جبارة

اتوقع جميع شركات القطاع سيكون لها نصيب باكبر مشروع على مستوى الشرق الأوسط

وهو نيوم
الله يجزاك خير
كم تتوقع هدفه القريب حسب تحليلك

[abu rakan]

الله يجزاك خير
كم تتوقع هدفه القريب حسب تحليلك
السهم وهو بمستوى ٨ ريال بمشاركة لي عن سهم اسمنت الجوف باركنا لملاكة رغم اني لا أميل لتحليل الأسهم الشعبيه.
طرحنا مانشاهده على السهم وحددنا المستوى ٩ ومن بعده ١٠ ريال
وتوقعت أيضا حسب المعطيات بأن السهم سوف يحقق اخر قمة حققها دار الأركان.
عند مستوى ١٥.. ١٦.
يحدث توقعي بعد الوصول للهدف طالما هناك أرباح حققتها الشركة

[راعي الوفا]

كنت محمل اسمنتات اليوم

ونزلنا الحملة مع الفجعة:18:

بعنا اسمنت المدينة والجوف العربية والجنوبية كان معي شويات شويات

والحين بح وياستار بكرة لانطردهم اعلى من سعر البيع

مثل العادة :23964605:

[الفارس]

بارك الله فيك يابوراكان والجوف الجوف انتبهوا له انا متابعه متابعه لصيقه لتداوله مستوي واتوقع يلحق حايل بالسعر

[abu rakan]

كنت محمل اسمنتات اليوم

ونزلنا الحملة مع الفجعة:18:

بعنا اسمنت المدينة والجوف العربية والجنوبية كان معي شويات شويات

والحين بح وياستار بكرة لانطردهم اعلى من سعر البيع

مثل العادة :23964605:

لا ترمي الذهب الرمادي
اناسميتة - - الحقوق محفوظة
زود بكميات بكل نزول خفيف

[راعي الوفا]

لا ترمي الذهب الرمادي
اناسميتة - - الحقوق محفوظة
زود بكميات بكل نزول خفيف


لا توصي حريص ما اخلي المحفظة منها :225:

[متداول هاوي]

جزاك الله خير و رحم الله والديك ورزقك من حيث لا تحتسب ومن يقرأ

[طالع نسبه]

مشكور والله يجزاك خير

[محمد العربي]

يعطيك العافيه

[abu rakan]

اتوقع بأن تشاهدو اسمنت الجنوب يتخطى
اسمنت القصيم قريبا.
إقفال اليوم.
73.70
نراقب الشاشة

[راعي الوفا]

اتوقع بأن تشاهدو اسمنت الجنوب يتخطى
اسمنت القصيم قريبا.
إقفال اليوم.
73.70
نراقب الشاشة

انتظرته اليوم يابو راكان ينزل

لكن ماش تتوقع له نزول والا نطمر قبل يرتفع زيادة

[القحطاني ابو شنب]

جزاك الله خير ورحم الله والديك
اخوك ماعندي الا ينبع فقط وبسعر مره طيب تحت الـ 30
وماخذ ارباح مرتين وفي الجيب 10 ريال وكل اسبوع اقول
خلاص اللي في الجيب طيب بابيع واهون وطمعان في القمه
وش رايك طال عمرك بتجيب القمه

[راعي الوفا]

جزاك الله خير ورحم الله والديك
اخوك ماعندي الا ينبع فقط وبسعر مره طيب تحت الـ 30
وماخذ ارباح مرتين وفي الجيب 10 ريال وكل اسبوع اقول
خلاص اللي في الجيب طيب بابيع واهون وطمعان في القمه
وش رايك طال عمرك بتجيب القمه



ماشاء الله عليك يابو شنب

اشوف انك كذا احسن

من القلق وطلع السهم نزل السهم

وفي الاخير اللي تاخذه اليوم يجلدونه وزيادة بكرة

[abu rakan]

جزاك الله خير ورحم الله والديك
اخوك ماعندي الا ينبع فقط وبسعر مره طيب تحت الـ 30
وماخذ ارباح مرتين وفي الجيب 10 ريال وكل اسبوع اقول
خلاص اللي في الجيب طيب بابيع واهون وطمعان في القمه
وش رايك طال عمرك بتجيب القمه

تقول السهم عندك باسعار طيبه وهذا الأمر طيب

خلي وقف لك كسر 33.. أو 32 وقف فوري

وأرضى بماكتبة الله لك والله يبارك لك

[abu rakan]

كلمة أخيرة اقولها واكيد انتم جربتم abu rakan عندما يتحدث عن هذا القطاع تحديدا وموضوعي السابق يشهد لي


اي نزول بهذا القطاع بوقتنا الراهن هو للشراء للشراء للشراء

[الفارس]

الله يبارك فيك وفي علمك يابوراكان

[القمة]

رأيك أخي بأسمنت اليمامة والشمالية بارك الله فيك

[abu rakan]

اسمنت المدينة بعد توزيع ارباح فرصة للتجميع من جديد لمحبي السهم الآن نازل 5%

23

[شغموم]

رأيك أخي بأسمنت اليمامةالله يبارك فيك

[abu rakan]

رأيك أخي بأسمنت اليمامةالله يبارك فيك

ممتااااااز جميع القطاع بدون استثناء

[abu rakan]

بإذن الله
شكراً لنصيحتك ابو راكان معلم منك نتعلم :):157:

شفت أعطاك فرصة افظل نزول ٥٪
بسعر ٢٣ ريال
وتتوقع التميز للسهم

[قناص تأمين]

ابوراكان الله يرحم والديك
حطيت طلب لاسمنت الجوف الخميس ب١١ ولانفذ
وقفل ١١.٢٦
وش افضل نقطة للشراء🌹🌹🌹

[abu rakan]

ابوراكان الله يرحم والديك
حطيت طلب لاسمنت الجوف الخميس ب١١ ولانفذ
وقفل ١١.٢٦
وش افضل نقطة للشراء🌹🌹🌹

اذا نفذ 11.20 شيل

اتوقع باشوفه 11.33......11.52

حسب وضع السوق

[سرااااب..]

بارك الله فيك

[abu rakan]

متوقع يعاودة اسمنت المدينة لجمع انفاسة والعطاء

متوقع اسمنت ام القرى يتحرك للايجابية

متوقع اسمنت نجران يقول كلمة

متوقع اسمنت الجوف يخترق مستوى 11.33......11.52

متوقع اسمنت الشمال وحائل حركة ايجابية

نتابع بصمت وترقب لعل الله يرزقنا من واسع فظلة

[$أبوعبدالله$]

شفت أعطاك فرصة افظل نزول ٥٪
بسعر ٢٣ ريال
وتتوقع التميز للسهم

الحمدلله سمعت نصيحتك يالغالي شكراً ابو راكان كفووووو :12793985341:

[abu rakan]

هنا بمنتدى المضارب فقط
بمتابعة قطاع الثراء
قطاع abu rakan
الذهب الرمادي
نبارك لملآك القطاع بحركة اليوم وبداء بصيص من الأمل لمسار القطاع وتطلعة
لرصد اسعار جديدة

[abu rakan]

https://d.top4top.io/p_1782dt79a1.jpg (https://top4top.io/)

[الحدس الصادق]

بيض الله وجهك يابو ركان
لم تقصر مع الجميع زادك الله من فضله
تحياتي لك يا بطل الرمادي

[الفارس]

هنا بمنتدى المضارب فقط
بمتابعة قطاع الثراء
قطاع abu rakan
الذهب الرمادي
نبارك لملآك القطاع بحركة اليوم وبداء بصيص من الأمل لمسار القطاع وتطلعة
لرصد اسعار جديدة
الله يعافيك و يبارك فيك ياكحيلان

[غداف]

https://d.top4top.io/p_1782dt79a1.jpg (https://top4top.io/)

السلام عليكم ورحمة الله وبركاته
مساكم الله بالخير

أسمنت الشمالية ..
في تداول اليوم تجاوز 12.12
أعلى وإغلاق 12.22
الكمية : فوق 4 مليون
القيمة المتداولة : فوق 51 مليون

اليوم قنصت كمية مضاربة شراء وبيع خلال نصف ساعة بربح طيب
ولله الحمد والشكر
حطيت أمري طلب دفعتين .. 12.12 و 12

رأيك أخي الكريم أبا راكان

[متابع]

اهداف اسمنت نجران الله يجزاك الجنة

[abu rakan]

السلام عليكم ورحمة الله وبركاته
مساكم الله بالخير

أسمنت الشمالية ..
في تداول اليوم تجاوز 12.12
أعلى وإغلاق 12.22
الكمية : فوق 4 مليون
القيمة المتداولة : فوق 51 مليون

اليوم قنصت كمية مضاربة شراء وبيع خلال نصف ساعة بربح طيب
ولله الحمد والشكر


رأيك أخي الكريم أبا راكان

الله يبارك لك بمشيئة الله الامر بصورة عامة طيب

[abu rakan]

اهداف اسمنت نجران الله يجزاك الجنة

سكر على المحفظة اسمع كلآمي

[متابع]

لاهنت ماقصرت

[abu rakan]

ازف التهاني والتبريكات مقدما لملاك سهم اسمنت الجنوب

وهدف السهم بمشيئة الله 82

[abu rakan]

السباق مستمر بالقطاع الى مستوى 80...82 بين الرالي >>> الجنوبية أم القصيم سيصل اولآ

[متداول هاوي]

قطاع طفرة
موفق أن شاء الله

[راعي الوفا]

ترى جنبت القصيم وصرت جنوبي على شانك

كلها صراحة اسهم ترجح المحفظة باذن الله

شكرا استاذنا على مجهوداتك لاعدمناك

[Fibonacci]

قطاع الذهب يبو راكان والاجمل متابعتك

[مساهمة]

كم هدف سهم اسمنت تبوك

[المتفاائل]

كم هدف اسمنت الجوف لاهنت ؟

[abu rakan]

سيتم الرد على جميع استفساراتكم

[الفارس]

بارك الله فيك وفي علمك يابوراكان مستمرين ومقفلين اسمنت الجوف

[بوعلي]

ايش رايكم بأسمنت ينبع عندي بسعر 35.1
الله يبارك فيكم

[abu rakan]

ترى جنبت القصيم وصرت جنوبي على شانك

كلها صراحة اسهم ترجح المحفظة باذن الله

شكرا استاذنا على مجهوداتك لاعدمناك

وأنا مع كل من يحب الجنوب وأهله مبروك يابطل
77.40 قمة جديدةشهرية

[abu rakan]

ايش رايكم بأسمنت ينبع عندي بسعر 35.1
الله يبارك فيكم

من عشقي لينبع واملج والرآيس شتريت بويت فيها.
وقفك لايكسر 33.....32
اهداف ضيف 10 ريال وعليك الحساب

[abu rakan]

بارك الله فيك وفي علمك يابوراكان مستمرين ومقفلين اسمنت الجوف

قلت رأيي بالسهم وهوبمستوي 8ريال
هدفة قمة دار الأركان
مابين
15......16
بمشيئة الله

[abu rakan]

كم هدف سهم اسمنت تبوك

تبوك الورد
اتوقع متى ماحافظ على مستوى 17
يستهدف 22

[راعي الوفا]

وأنا مع كل من يحب الجنوب وأهله مبروك يابطل
77.40 قمة جديدةشهرية


الله يبارك في عمرك طاف البطل القصيم

لفت انتباهي اليوم اسمنت حائل وهو حاط اكثر من مليون سهم على ال ١٦.٠٢

وعناد اخذت منها اللي كتب الله سبحانه

وش رايك كيف وضعه له حركة قريبة

مع العلم ان معنا الحين ١٠ هللات الحمد لله بركة

عنده سالفة والا نرد بكرة له بضاعته بما تيسر

تقديري لسموك

[abu rakan]

الله يبارك في عمرك طاف البطل القصيم

لفت انتباهي اليوم اسمنت حائل وهو حاط اكثر من مليون سهم على ال ظ،ظ¦.ظ ظ¢

وعناد اخذت منها اللي كتب الله سبحانه

وش رايك كيف وضعه له حركة قريبة

مع العلم ان معنا الحين ظ،ظ هللات الحمد لله بركة

عنده سالفة والا نرد بكرة له بضاعته بما تيسر

تقديري لسموك

شف طالما انت من محبي الذهب الرمادي ومخاويني في القطاع
بقلك كلمة من سعر اليوم فية قرابة 10 بالمية .... نقول تقريبا
وخلي قلبك قدك من ابو ركان هذا الكلآم

[راعي الوفا]

شف طالما انت من محبي الذهب الرمادي ومخاويني في القطاع
بقلك كلمة من سعر اليوم فية قرابة 10 بالمية .... نقول تقريبا
وخلي قلبك قدك من ابو ركان هذا الكلآم



كفو يابو راكان قول وفعل فوقها باذن الله

[abu rakan]

77.90

مستوي جديد بقمة شهرية مبروك للجنوبيين

[abu rakan]

كفو يابو راكان قول وفعل فوقها باذن الله


كفوك الطيب تااااااااااابع الشارت

[عاشق الترند]

قلت رأيي بالسهم وهوبمستوي 8ريال
هدفة قمة دار الأركان
مابين
15......16
بمشيئة الله


ربي يسعدك يبو راكان


دار الأركان شاغل الجميع الرجال ماجاب طاريه :228:

أنا الفترة ذي ميلت العقال

[abu rakan]

ربي يسعدك يبو راكان


دار الأركان شاغل الجميع الرجال ماجاب طاريه :228:

أنا الفترة ذي ميلت العقال


حياك الله عاشق الترند

هما سبب مشاكل معظم المتداولين الجدد >>> والعبرة في قلب اسمنت الجوف بعد تنفيذ اول عقودة ان شاء الله

والحقيقة لآ أمتلك سهم واحد فية ولكن من باب المساندة والمساعدة لملآكة المتعلقين بالسهم باسعار عليا

[رابح على طول]

هلا وغلا يا ابو راكان ،،،
شرينا كمية طيبة في اسمنت نجران وربك كريم

[abu rakan]

هلا وغلا يا ابو راكان ،،،
شرينا كمية طيبة في اسمنت نجران وربك كريم
ياعيني ياعيني يارابح
اصبت قلب الحقيقة
أرباح الشركة فاقت التوقعات وحققت الشركة اول ارتفاعات سعرية بعد النتائج المالية الأخيرة
سهمك واعد واتوقع بداية الخير قربت وعقود الشركة باعمار اليمن باتت قريبة.

[خالد عبدالرحمن]

جهد تشكر عليه ياابو راكان

[راعي الوفا]

موفق خير يابو راكان من يلومنا في الذهب الرمادي

يشوفها اليوم ولا كأنها ماشاء الله في ضغط في السوق ولا هم يحزنون

الا على فكرة وش رايك في القصيم نفسي تراودني فيه غدا

اطمر

[abu rakan]

مبروك لملآك القطاع

مبروك لملآك الجنوبية والرقم الجديد ونذكركم اقتربنا من تحقيق الهدف للسهم الآن السهم يسجل 79.20

ملآك اسمنت حائل السوق لم يساعد كثير والشارت هو مرجعنا محقق السهم يومين تداول فوق الممتاز

[abu rakan]

النزال جدال وكسبنا الجولة يالقصيم





979

[راعي الوفا]

ياسلام ياسلام ع الذهب الرمادي من يمين الذهب الراكاني

مبروك عليك وعلينا طبيت بكمية في القصيم ما تحملت البعد عنه

ولولا ان العربية شطح وسحب على غير العادة كان طبيت لكن لم ينتظرني كالعادة

المهم طال عمرك ماحصلت شارت حائل على الاقل نقاطه وهدفه

لاعدمتك الله يحفظك

[abu rakan]

ياسلام ياسلام ع الذهب الرمادي من يمين الذهب الراكاني

مبروك عليك وعلينا طبيت بكمية في القصيم ما تحملت البعد عنه

ولولا ان العربية شطح وسحب على غير العادة كان طبيت لكن لم ينتظرني كالعادة

المهم طال عمرك ماحصلت شارت حائل على الاقل نقاطه وهدفه

لاعدمتك الله يحفظك

الشارتات موجودة على جميع الفريمات لدي لكن اتحفظ بها ومازلت اقول قرابة 10% قادمة >>> حقوق خاصة

يوم الأحد متوقع حفلة بالسوق ستتم متوقعه بعدها سيتم تحديث شارتات كثيرة باذن الله

[راعي الوفا]

الشارتات موجودة على جميع الفريمات لدي لكن اتحفظ بها ومازلت اقول قرابة 10% قادمة >>> حقوق خاصة

يوم الأحد متوقع حفلة بالسوق ستتم متوقعه بعدها سيتم تحديث شارتات كثيرة باذن الله


الله يسعدك وبعد حفلة الاحد ماشاء الله الله يتمها على خير

[مساهمة]

الشارتات موجودة على جميع الفريمات لدي لكن اتحفظ بها ومازلت اقول قرابة 10% قادمة >>> حقوق خاصة

يوم الأحد متوقع حفلة بالسوق ستتم متوقعه بعدها سيتم تحديث شارتات كثيرة باذن الله

يعني ان شاءالله حتى اسمنت تبوك من ضمنها

[abu rakan]

يعني ان شاءالله حتى اسمنت تبوك من ضمنها

بأذن الله لدي موجة خامسة سوف تسعد الجميع فقط نراقب الشاشة وقف الخسارة لآ بد منة باي حال طارئ

أنا متفائل خير ان شاء الله

[abu rakan]

ياالطنايا مبروك الف مبرك

[خالد عبدالرحمن]

الله يسعدك ياابو راكان اشهد انك ماقصرت
تتوقع يجيب أسمنت القصيم 80

[abu rakan]

الله يسعدك ياابو راكان اشهد انك ماقصرت
تتوقع يجيب أسمنت القصيم 80

نعم اتوقعها

[خالد عبدالرحمن]

جزاك الله خير ياابو راكان

[الحريص]

أخذنا الاسمنت 17 وجحفلونا ..

[abu rakan]

أخذنا الاسمنت 17 وجحفلونا ..

خيانة عظمى حصلت بالسوق اليوم من المتسولين واشترك بالجريمة جميعهم

ولكن قطاعنا ذهب وان شاء الله محمي

[راعي الوفا]

خيانة عظمى حصلت بالسوق اليوم من المتسولين واشترك بالجريمة جميعهم

ولكن قطاعنا ذهب وان شاء الله محمي



اليوم طلعت مع الخونة :101:

شفت الغدرة وخاويتهم

وش نسوي يابو راكان يد ماتقواها صافحها

متى برايك العودة للذهب الرمادي

[abu rakan]

اليوم طلعت مع الخونة :101:

شفت الغدرة وخاويتهم

وش نسوي يابو راكان يد ماتقواها صافحها

متى برايك العودة للذهب الرمادي

مع اني باركت لكم ياالطنايا >>> لكن مقولتك صحيحة يد ماتقواها صافحها نرد فية بوقته 7% طيبة

[نيبرو]

افا ياراعي الوفا

[راعي الوفا]

الحمد لله ابيض وجه الله يسعدك

[راعي الوفا]

افا ياراعي الوفا


من يوقف بوجه البحر لاهاج

لاعدمت راسك

اخذنا منهم من تحت واعطيناهم فوق

وان شاء الله نرجع مع اشارة تاج الراس ابو راكان

خلك بالقرب

[abu rakan]

أخذنا الاسمنت 17 وجحفلونا ..


هذا حبيبك جاك اول المتسابقين وجاب سعرك

[نيبرو]

من يوقف بوجه البحر لاهاج

لاعدمت راسك

اخذنا منهم من تحت واعطيناهم فوق

وان شاء الله نرجع مع اشارة تاج الراس ابو راكان

خلك بالقرب

سلمت وسلم راسك . كفو هذا المطلوب معهم معهم لا يغلبونك
والله يرزقكم جميع بالرزق المبارك

[راعي الوفا]

سلمت وسلم راسك . كفو هذا المطلوب معهم معهم لا يغلبونك
والله يرزقكم جميع بالرزق المبارك


وانت سالم وغانم

من فضل الله عودنا اليوم في العربية والقصيم

والله يرزقنا وياك ويبارك للجميع

[abu rakan]

ابشركم بخير ملاك قطاع الذهب الرمادي
حفلة قريبا ستكون
شرطنا الخيانة ممنوعه
والوعد الشاشة
abu rakan

[رابح على طول]

معك في الرحلة يا ابو راكان ،،،،،

[abu rakan]

تجودو يالربع
ياحايل
ياأم القرى
يانجران
ياالمدينة
يالشمالية
تابعو عيالكم وادعو لهم بالهداية
abu rakan
ماركة مسجلة

[القحطاني ابو شنب]

بارك الله فيك وجزاك الله خير
لابد في صبتين وفقك الله
حايل وينبعاوي
خشاش ما اعرف الا فقط زين والاركان مدري هم خشاش
لكن بصبر علاهم

[الفارس]

تجودو يالربع
ياحايل
ياأم القرى
يانجران
ياالمدينة
يالشمالية
تابعو عيالكم وادعو لهم بالهداية
abu rakan
ماركة مسجلة


بارك الله فيك يالامير بس تحتفلون تتركون الجوف اللحاله مشكل واجد نبدله ياكحيلان بالشمالي اجل

[جديد]

تجودو يالربع
ياحايل
ياأم القرى
يانجران
ياالمدينة
يالشمالية
تابعو عيالكم وادعو لهم بالهداية
abu rakan
ماركة مسجلة

يعطيك العافية ابو راكان ونقول يارب يستمر العطاء ونحقق الاهداف

[abu rakan]

ماشاء الله لاقوة الى بالله

ام القرى ابدااااااااااااع

[الفارس]

تطورات المبيعات
https://www.argaam.com/ar/financial-reports/cement-monthly-report/2020/68?published=true

ابوراكان اسمنت الجوف عنده زياده لشهر الثالث او الرابع وباقي الاسهم بالمثل بس ابي رايك فيه ابدله بالشمالي والااثبت

[دكتور بلشه]

تجودو يالربع
ياحايل
ياأم القرى
يانجران
ياالمدينة
يالشمالية
تابعو عيالكم وادعو لهم بالهداية
abu rakan
ماركة مسجلة

ابو راكان سير على اسمنت الجوف وش وضعه اعطيه للمضارب او اسنتر فيه مشتراي 11.24

طلوعه ثقيل وصبري مو طويل :)

[فراسه إنتباه]

الأسمنت السعودي ما واكب الصعود اشوفه مناسب

[abu rakan]

تطورات المبيعات
https://www.argaam.com/ar/financial-reports/cement-monthly-report/2020/68?published=true

ابوراكان اسمنت الجوف عنده زياده لشهر الثالث او الرابع وباقي الاسهم بالمثل بس ابي رايك فيه ابدله بالشمالي والااثبت

الاسهم التي تتحدث عنها محققة نسبة كبيرة بالمبيعات كما في الإعلان
والقطاع واعد ولة أهداف طيبة إذا استقر السوق
لاحظ بقول استقرار السوق محفز قوي سيدعم القطاع باكملة.
ولك حرية القرار

[abu rakan]

فخر لنا نحن ملآك القطاع بان قطاعنا حاليا يدعم المؤشر

مبرووووك للرابحين

[abu rakan]

بطل جديد وهو اسمنت ينبع

وتسجيل ارتفاع مميز بتداول اليوم

[abu rakan]

الجنوبية يحقق 83 ريال ماشاء الله

ومن كان يراهن على القصيم بالسباق نقولة الفرسان هي من يهمها النتيجة بالآخر

وهاهو الجنوبية يستلم راية الفوز

ناخذ قسط من الراحة

[مساهمة]

طمنونا على اسمنت تبوك اخواني كم هدفة اشوف الاسمنتات بدات تتحرك الا اسمنت تبوك

[عبدالله السويد]

وشرحك سرا مع اسمنت تبوك اسمنت الجوف

[abu rakan]

ماتوقعه الحقيقة حسب مانشر عن اسمنت حايل سيكون باذن الله فال خير لمجموعة طيبة بالقطاع

قبل وقوع الحدث

استطيع ابارك للطنايا بشرط نعم بشرط وهو التداول فوق مستوى 17

[abu rakan]

طمنونا على اسمنت تبوك اخواني كم هدفة اشوف الاسمنتات بدات تتحرك الا اسمنت تبوك

الفال لكي بخير

السهم ايجابي وباي لحظة سوف يعطي

شروط الأيجابية لآ يكسر مستوى 16.16 ويخترق مستوى 17.33

[مساهمة]

الفال لكي بخير

السهم ايجابي وباي لحظة سوف يعطي

شروط الأيجابية لآ يكسر مستوى 16.16 ويخترق مستوى 17.33
الله يبشرك بالخير يارب

[abu rakan]

اسمنت الجنوب

حقق الهدف 83 فوق المستوى حسب الشارت

71.80 - 83

11.20 ارباح السهم نسبة ارباح

انتهت الفترة الأولى

[عبدالله السويد]

مبدع ياريس الله يزيدك علم

[abu rakan]

اسمنت الجوف

يلزم السهم العودة فوق مستوى 11.51

حتى يعطي

ارى والله جل وعلى اعلم

اهداف جيده منها 11.51.....11.90.....12.12......12.84

شرط ثبات السوق

[متداول سوق]

الله يعطيك العافية يابو راكان
ايش رأيك في اسمنت السعودية له فترة وهو حول سعره فقط طلوع خفيف مقارنه بالبقيه وامس كان عليه تداول ملفت

[خالد عبدالرحمن]

الله يعطيك العافيه
ياابو راكان

[راعي الوفا]

الجنوبية يحقق 83 ريال ماشاء الله

ومن كان يراهن على القصيم بالسباق نقولة الفرسان هي من يهمها النتيجة بالآخر

وهاهو الجنوبية يستلم راية الفوز

ناخذ قسط من الراحة


كفو يابو راكان من فضل الله ثم متابعة ماتخطه اناملك ياملك الذهب الرمادي

اشتغلنا معهم كلهم

والان ماباقي عندي اسمنت الا ينبع

واشوف اليوم القصيم اخترق ثمانية وسبعين وسبعين هللة

ويهزني له الشوق

عسى يعود يختبرها الايام القادمة ونترصد له اذا الله كتب

[ابويزيد المطيري]

جزاك الله خيراا يابوراكان مجهود تشكر عليه

[abu rakan]

الله يعطيك العافية يابو راكان
ايش رأيك في اسمنت السعودية له فترة وهو حول سعره فقط طلوع خفيف مقارنه بالبقيه وامس كان عليه تداول ملفت

التداول الملفت اللذي يعرج علية هو محاولة اختراق مستوى 61 وهو بمشيئة الله ماسيحدث الأسبوع القادم

شرط استقرار السوق طبعا اهداف قادمة بمشيئة الله تنتوقع الإيجابية بالسهم

خلي بالك على المؤشر السوق وقطاعك بالتحديد

نتابع

[abu rakan]

كفو يابو راكان من فضل الله ثم متابعة ماتخطه اناملك ياملك الذهب الرمادي

اشتغلنا معهم كلهم

والان ماباقي عندي اسمنت الا ينبع

واشوف اليوم القصيم اخترق ثمانية وسبعين وسبعين هللة

ويهزني له الشوق

عسى يعود يختبرها الايام القادمة ونترصد له اذا الله كتب

خليك بالينبعاوي تراه عندة علوم طيبة حقق 37 ماشاء الله ونقول يارب يكمل الإيجابية باستقرار السوق الأسبوع القادم تحديدا راقب قطاعك

[راعي الوفا]

خليك بالينبعاوي تراه عندة علوم طيبة حقق 37 ماشاء الله ونقول يارب يكمل الإيجابية باستقرار السوق الأسبوع القادم تحديدا راقب قطاعك



بإذن الله تعالى لكن وين تتوقع تكون منطقة البيوع فيه

اشوف منطقة القمة السنوية 41.95مارأيك الله يسعدك

[abu rakan]

بإذن الله تعالى لكن وين تتوقع تكون منطقة البيوع فيه

اشوف منطقة القمة السنوية 41.95مارأيك الله يسعدك
سجل رقم جديد

والله حلل اربع

[راعي الوفا]

سجل رقم جديد

والله حلل اربع


الحمد لله وامس اضفنا للقائمة الاسمنتية ام القرى

والله يجعل فيه البركة

شكرا امير الذهب الرمادي

[abu rakan]

القطاع ماشاء الله تبارك الله مع كل يم يعطيني طابع ايجابي وثقة بانة بالفعل قطاع الذهب الرمادي

ماشاء الله عليكم ملآك اسمنت ينبع رقم جديد ومتواصل لسهمكم

وباذن الله الخير قادم

[abu rakan]

القطاع ماشاء الله تبارك الله مع كل يم يعطيني طابع ايجابي وثقة بانة بالفعل قطاع الذهب الرمادي

ماشاء الله عليكم ملآك اسمنت ينبع رقم جديد ومتواصل لسهمكم

وباذن الله الخير قادم

اسمنت ينبع من دخولنا فية الان لله الحمد محقق نسبة ارباح جيده اعلى سعر 41.35

اقتربنا كثير من هدف الشارت المدون لدي ( شخصي )

[عبدالله السويد]

لا يزعلونك عليك اهل الجوف يابوراكان اشوف ما تجيب طاري سهمهم


================================================== ==


ردي بنفس السؤال حتى لآ يتم تحديث الموضوع

ان شاء الله نفتح موضوع جديد لعام 2021

ونتابع القطاع مجددا عندما تتيح الفرص الجيده

تم قفل الموضوع بعد الإنتهاء من تقديم رسالة لمحبي القطاع

واسعار اليوم تختلف بارباح طيبه وكبيرة نحمد الله عليها

abu rakan

[راعي الوفا]

الله يعطيك العافية ع المجهود والمتابعة

[abu rakan]

ماشاء الله تبارك الله ارقام جديده بسهمي

الجنوبية والقصيم وينبع

وسيظل اللحاق مستمر بين الفرسان ولكن افرس الأصيلة مثل ماقلنا لآ تهتم الى النتيجة الأخيرة

وهاهو الجنوبية يكتسح مجال 90 ريال قريبا ان شاء الله

الله يبارك لملآكة

سيكون سهمي الجديد قريبا له موضوع مخصص له