متابعه وانتظار فرص

[ابو مسفر]

بسم الله الرحمن الرحيم

وجهة نظرمن مضارب بسيط لا مرجف ولا مطبل
قيل ان ابدا انا لست محلل ولا قاري للموشر
عندي كلمتين وتحتمل الخطا والصواب والكامل رب العالمين


السوق الان في منطقة حيره والمحللين من يقول فوق ومن يقول تحت

لكن انا خرجت بخلاصه او مايسمى منهج لمثل هذه الازمه ان صح التعبير




خل اهتمامك لسهمك ان كنت فالسوق وماعليك من كلام فلان وفلان اقصد المرجف والمطبل وياكثرهم هذي الايام تابع الدعوم والمقاومات وان كنت مع التخفيف عند المقاومات او الخروج

وامنعوني من المطامر من سهم في سهم ترى ماضيع الناس الا المطامر وتبديل الاسهم



اما اللي خارج السوق في مثل هذي الايام فلا يدخل الا لخبر نزل بتداول يستاهل تشتري وتبيع بيومك او سهم عند دعمه فان كسر الدعم تبيع واذا ارتفع اقشطه ولا للطمع




افلوسكم لاتلعبون بها ولايضحك عليكم المطبلين والمرجفين


واخيرا ارجو من جميع الاعضاء تفعيل خاصية حجم الخط فرقم 1 و 2 و3 يالله نستطيع نقرااااها طوروا المنتدى ياااصحابه اغلبنا اعمارهم ال40 وفوووق ارحمونا


واشكر من عطانا الفرصه نتشارك الاراء والخبرات والاستفاده من المحللين الفنيين وان كانوا بخيلين علينا اشوي لكن معذورين ايام فضيله وشهر كريم


بارك الله فيكم اجمعين

[ابو رغد]

هلا وغلا بك السوق فوق 6810 اعتبره امان لي


اما بخصوص المحللين فجزاهم الله عنا كل خير لم يتركو لا صغيره ولا كبيره الا وضحوها بالمؤشر والشركات

[ابو مسفر]

نترقب الايام القادمه ونرفع مستوى الحذر عند6810
وقاعدتي كل فطير وطير لايعلقونا الهوامير

[عبدالله السويد]

بارك الله فيك وفيما تكتب

[الفقير الى ربه]

نترقب الايام القادمه ونرفع مستوى الحذر عند6810
وقاعدتي كل فطير وطير لايعلقونا الهوامير

وشوله اكل الفطير واطير وانا اخوك احيانا الفطيرما يشبع

اسمعها من واحدا حائلي ان شاء الله السوق هذا حليله( حليله=جميل الى حدا ما )

خلك ذهين وفنجن عيونك مثل فنجان القهوه وشوف دعوم اسهمك وتوكل على الله

بس هاه وانا اخوك لا تناقز في تكوين وعناية وهالقرنبع وبعدين تجي يمي وتقول

خسرت..خلك مثل الذيب اللي يبدق ( يبدق = يراقب وعين شمال وعين يمين)

وخلك مع الاسهم اللي اسأل عنها تراها حليلات وعندكم هنا محلليين صادقين


افطن لكلامي ومع السلامه:159:

[أبو فراس]

بسم الله الرحمن الرحيم

وجهة نظرمن مضارب بسيط لا مرجف ولا مطبل
قيل ان ابدا انا لست محلل ولا قاري للموشر
عندي كلمتين وتحتمل الخطا والصواب والكامل رب العالمين


السوق الان في منطقة حيره والمحللين من يقول فوق ومن يقول تحت

لكن انا خرجت بخلاصه او مايسمى منهج لمثل هذه الازمه ان صح التعبير




خل اهتمامك لسهمك ان كنت فالسوق وماعليك من كلام فلان وفلان اقصد المرجف والمطبل وياكثرهم هذي الايام تابع الدعوم والمقاومات وان كنت مع التخفيف عند المقاومات او الخروج

وامنعوني من المطامر من سهم في سهم ترى ماضيع الناس الا المطامر وتبديل الاسهم



اما اللي خارج السوق في مثل هذي الايام فلا يدخل الا لخبر نزل بتداول يستاهل تشتري وتبيع بيومك او سهم عند دعمه فان كسر الدعم تبيع واذا ارتفع اقشطه ولا للطمع




افلوسكم لاتلعبون بها ولايضحك عليكم المطبلين والمرجفين


واخيرا ارجو من جميع الاعضاء تفعيل خاصية حجم الخط فرقم 1 و 2 و3 يالله نستطيع نقرااااها طوروا المنتدى ياااصحابه اغلبنا اعمارهم ال40 وفوووق ارحمونا


واشكر من عطانا الفرصه نتشارك الاراء والخبرات والاستفاده من المحللين الفنيين وان كانوا بخيلين علينا اشوي لكن معذورين ايام فضيله وشهر كريم


بارك الله فيكم اجمعين

عطنا ما يثبت كلامك سواء ان السوق جيد او انه غير جيد للدخول كما تدعي

اما الكلام بدون اثبات فهذا غير مقبول هنا

ولا يلحقنا شك في محللين المنتدى .

ان لم تلتزم سوف اتخذ اللزم مع معرفك

[أبو فراس]

يالله كل فطير وطير

وطيراناك اسبوعين ووالله ان تكرررذلك شطب عضوية

ولعلمك اول مره اوقف مدة محددة

دائما شطب