المساعد الشخصي الرقمي

مشاهدة النسخة كاملة : يكفي هموم



حمزه
18-04-2017, 06:54 AM
أعيش في حبك وأنا منك محروم

خلاص يكفي منك لا تبتليني

مانيب في حب المقفين ملزوم

روح وأنا بصبر عسى الله يعيني

عانيت منك ويكفي اهموم واغموم

ولا عاد لي في واحدن ما يبيني

وانا ادري ان فراقنا صار محتوم

ما عاد انا براجيك لو ترتجيني

ما دام ما ترحم وانا منك مظلوم

يكفي عذاب اللي مضى من سنيني

ارحل وانا برحل معك دايم الدوم

وهذاك مبطي يوم احاول تجيني

يومٍ عيني منك ما تعرف النوم

اسهر ووسط القلب شوق وحنيني

وابكي مثل طفل من الديد مفطوم

يومٍ لك في القلب حب دفيني

وارتاح في ذكراك لو كنت مهموم

دايم معي في كل وقتٍ وحيني

ولا غبت عني جتني اخبار وعلوم

احرص عليكم من غلا محتويني

وفي كل يومٍ تطلع الشمس واقوم

احسب على شوفتك والشوق فيني

واليا نظرتك تجرح القلب بسهوم

لكن مكانك بين قلبي وعيني

ولا هو بكيفي يوم انا فيك مهيوم

غصبٍ علي اغليك وش في يديني

هذا من اول لكن الحين واليوم

ما عاد انا ابغى شي بينك وبيني

رفعت عنك عتابي اليوم واللوم

ولو ان مع فرقاك قلبي حزيني

هاذي هي الدنيا ولا شك مقسوم

كم فرقت من قبلنا يا ضنيني

صولاتها في كل يوم على قوم

لكن على فرقاك ربي يعيني

ليالي
18-04-2017, 06:57 AM
هذي هي الدنيا ولا شك مقسوم
كم فرقت من قبلنا ياضنيني

صح لسان الشاعر وسلمت يمينك


.

حمزه
18-04-2017, 07:27 AM
الله يسلمك دموع هانم تشكراات

AbuNader
20-04-2017, 02:26 AM
لكن مكانك بين قلبي وعيني
ولا هو بكيفي يوم انا فيك مهيوم


انتقاء ولا ارووووووووع ووصف معبّر اخوي حمزه
سلمت يداك يالحبيب

حمزه
20-04-2017, 06:08 AM
اهلين اخي ابانادر نورت متصفحي باشراقتك الجميله فاهلا وسهلا