المساعد الشخصي الرقمي

مشاهدة النسخة كاملة : الله على ذيك الايااام



حمزه
12-04-2017, 01:46 PM
ساقتني الذكرى على ذيك الايام
وابحرت في ذكري الليالي القديمه

يومن عمري دون خمسة عشر عام
والنفس من كثر المشاكل سليمه

ماكنت اخاوي الليل والعالم انيام
كن السهر عندي من اكبر جريمه

ماكنت اعاني هم وجروح واوهام
كن المشاعر من خفوقي عديمه

اقوم من صوت الموؤذن لياقام
مرتاح مع شوف الصباح ونسيمه

اكبر طموحي البس اشماغ بسام
واروح به لاصارت اقرب عزيمه

وعلى تراب الارض بالعود رسام
رسم الطفوله والقلوب السليمه

واليوم دار الوقت وبالوقت منظام
شفت العجايب بالليالي العظيمه

شفت القرايب تزرع اشواك والغام
وعلاقة الجيران ماهي حميمه

ماتت مابين الناس وصلٍ بالارحام
والاخو صار اخوه ضده وخصيمه

والكذب شاع وراعي الصدق ظلام
وكثر الكلام وكثر هرج الشتيمه

ان كرهو حطو خطاك كنه ادهام
ولامن بغوك ابدو قلوبن رحيمه

حتى اللي بقبره غداء جسمه اعظام
ماسلم من راعي الكلام بنميمه

ماشفت بينته على رووس الاقلام
والعمر يمضي والليالي مقيمه

العمر محدودن وتال العمر خااام
وياارب تجعل خاااتمتنا كررريمه

ADMIN
12-04-2017, 02:31 PM
وياارب تجعل خاااتمتنا كررريمه

حمزه
12-04-2017, 07:50 PM
اللهم امين
جزاك الله خيرا

AbuNader
13-04-2017, 10:47 PM
العمر محدودن وتال العمر خااام
وياارب تجعل خاااتمتنا كررريمه

اللهم امين وتسلم اياديك اخوي حمزه

حمزه
14-04-2017, 05:32 PM
تسلم كلك يبو نادر هلابيك

mansur555
14-04-2017, 07:27 PM
صح لسانك ويعطيك العافية

حمزه
14-04-2017, 09:07 PM
صح بدنك والله يعافيك خيووو