من اشعار فهد عافت

[صبر]

فهد بن عافت بن نواف بن خنجر المغامس الزقروطي الشمري
شاعر وإعلامي من مواليد 25 ديسمبر 1966 في الجهراء الكويت.
أحد مؤسسي مجلة المختلف وفواصل وأيضاً قطوف.
غنّى قصائده الكثير من الفنانين أمثال محمد عبده و طلال مداح و رابح صقر.
قدم الكثير من قصائد الرثاء على سبيل المثال في الملك فهد بن عبد العزيز آل سعود و الأمير طلال الرشيد والفنان طلال مداح.
تم أختياره ليكون عضو باللجنة التحكيمية للمسابقة الشعرية الكبرى شاعر الملك والتي تقام بالمملكة العربية السعودية.
نال جائزة رائد الشعر الشعبي سنة 2003 وقد سلّمه الجائزة صاحب السمو الملكي الأمير خالد الفيصل .

استمر في كتابة مقال أسبوعي في صحيفة عكاظ بعنوان (شذرات) ولكنه توقف في أبريل 2011

[صبر]

ذنب ومغفرة

نصف وجهي هجير ونصف ظل ___ وأنت غالي وطبع الحب كافر
بعض مني يخاف انك تضل ___ وبعض مني يخاف أنك تسافر
بين أقول الصواب وبين أزل ___ ضعت فيك متجاذب ومتنافر
خلني فيك ضايع لين أدل ____ وأنهزم منك لجل أرتد ظافر
أمتليت بغلاك وفضت غل ____ وفرت الشوك تعني الورد وافر
ول سافرت ماسافرت ول ____ ما اجتمع بك غير مذنب وغافر

[صبر]

هدوء الأرض


سلامي ياهدوء الأرض هذا أول الإعصار ___ توحدت بجراحي والمدى وجهي وآياتي
تشربت الهوم وبعض حلم في عيون صغار ___ وسميت الفضى جلدي وسميت الشجر ذاتي
لذا يممت وجهي عكس وجه الريح والتيار ___ نعم مادام ذيب الوقت عمدا مطلبه شاتي
رميتك ياحطب ذكراي في برد المسافة نار ___ وشفتك ياحطب تخلص وأنا بأول مسافاتي
رمادك في يدي شلته سؤال وشوكة استفسار ___ يجدد بي حريقة وأشتعل تولد بداياتي
وكملت الطريق بحلم باكر تنبت الأشجار ___ على أرض تسميها احتضاراتي حضاراتي
وباكر أضرب برجلي الصحاري تنفجر أنهار ___ وأشق البحر بعصا من غصن آهاتي
أقول مسامحك ياللي رفض يدخل معي في الغار ___ وأقول مسامحك ياعنكبوت عد خطواتي
بعدها يرجع العشق القديم لجمرة الأسفار ___ وأيمم وجهتي ومن ثاني أفرش مصلاتي
أنا وش أطلبك خلاص ماعاد بي أعذار ___ ألا ياسمعي أجمل دروبي درب زلاتي
كتبت اللي كتبت ولا قصدت ألفت لي الأنظار ___ ولكن قصدت ألفت لجوع الناس نظراتي
وأنا عامد أوضح شي وأترك شي خلق استار ___ ولا أقعد ليلة إلا وأغير قاع مرساتي
وأنا شفت الجمال يكون أجمل لو عليه أغبار ___ لذا لف الغموض أوراق لفتها كتاباتي

[ADMIN]

يعطيك العافيه اخوي صبر

[صبر]

الطنايا

هينه دام هي هذي فهي هينه ___ والله اني حسبت العاقبه عاقبه
عاد تدري هي من أول وهي بينه ___ شوفها مايبي له نظرة ثاقبه
بنت ستين كلب وزفت ومطينه ___ قصة النجم والخبل الذي راقبه
مابعد ماشفت من همي سوى عينه ___ كيف أجل لو همومي جتك متعاقبه
جيتك بغصن طيب زهرته لينه ___ كيف لو ييبس وتصفر الأوراق به
من رجا خير في شرواك ماعينه ___ لاأنت سباق طيب ولاأنت لحاق به
مومس الوقت لو صلت ماهي دينه ___ يعرف البير واللي فيه ومن واق به
لا تحلف اليمين .. ولا نبي بينه ___ فارق الصدر يالسر الذي ضاق به
كل شخص له من الذل مافينه ___ وكل شخص له من العز مالاق به
زين اللي تبي واللي تبي شينه ___ ماانت حول الطنايا لحيتك عاقبه

[صبر]

يعطيك العافيه اخوي صبر

شرفتي بمرورك العطر

[صبر]

كيمياء الغي


ساور الشاعر يقينه

في النجوم

البرتقال اللي يقشر عاشقينه

طفل .. طفل

في القوافي مجدنا الحافي

يبللني جفافي

في السفينه ناقة البحر الحزينه

يرتحل يرتحل يرتحل

ارخته شفاة عذرا

قبلته بشهوة ثيب وجغرفها الكحل

في المواني

ماسوى الغاير في روحي

من جروحي

يعرف الليله مكاني

كل درب وعر شعر

وكل ماهبت غصونك

مالت الريح

وتشظت في دم الشيح

المعاني في الجسد

يامنافينا نمى فينا بلد

من سلالات التباريح اجتباني

كل ماهو نافرٍ

هذا نقيضي يابسٍ ماراود الأعشاب عن نفسه

ولكن

كيف ابكتب

كيف أبخدع كل هذا اللّب

وأغويه يتخلى عن قشوره

قلت أبرمي رغبة القارئ

في عرض الحيط

وأرمي عرض هذا الحيط للبحر

الذي برميه للأسماك

واستغني من النقد الكريم عن المشوره

خربيني

غربيني في الصدى

جربيني في المدى

احطبيني للضلالات الطرية غصن

يابس من هدى

أعربيني فاعلٍ للمبدأ

خربيني .. خبريني ..بخريني

كيمياء الغي

أمنحيني بهجة الجهل

واعطيني فتنة اللاشيء

عقرب الساعة نحاس

يسرد الكبريت وحدي

كنت في الغرفة

ووحدي شفت

كيف اغتصبت الظلما كتاب الضي

غصّت الغرف ظلام

ناشفٍ صلد يتناثررغبة ٍ ملسا خرجت

الباب

كان بعشرة أقفالٍ وصايا

وانكسر من ركلة مرتبكةٍ

ماكانت الشمس اسبلت

لحظة خرجت عيونها

كان النهار بآخر انفاسه

وكان الإنهيار بأكثر اجناسه شبه

بالفلفل

أما الناس

بين اللي بقى في غرفته يلغيه ورثٍ

باذخٍ في الصمغ يستشري

وبين الخارجين بركلةٍ مرتبكةٍ

للشارع المبحوح شمسٍ

تلفظ آخرماتبقى من شعاع

بعضنا قال أرجعي ياشمس

لكن بعضنا قال انطري حتى نشر هدومنا

ياشمس

قالت طفلةٍ يتلعثم التفاح في ترتيلها

غيبي

حبيبي قال أنا الشمس

و

سألني صاحبٍ كنا تعرفنا على بعض

فقصيدة

بعد خمس سنين

ليه الشمس تسهر وحدها

قلت

أذكر اني قلت شيٍ مبهمٍ حتى عليّ

الشمس صابونٍ تنامى رغوته

والليل ذقن الأرض

قالت مومسٍ يكتظ فيها التبغ

والدهن الرخيص

الليل شمسي

غابت الشمس

وتشّكك بعضنا

مادام حتى الشارع الواسع ظلام ليه

مانرجع

صرختي

كنت شفتك قبل هالمره

ثلاث مرات في كبد الزحام

وماتنبهت لوجودك في

دمي

لاترجعون

الشمس ترجع والظلام

أهون من الظلم

ألتفتك

كنت الأشبه بعشبه ويوم

طاح احجابك الأبيض وشلته

كانت الريح أثمرت في قذلتك

مهرٍ خصيب

**

ماعلى الناقد

سوى انه ياخذ آخر كلمتين

وكل مافي السطر الأول

والسفينه

ناقة البحر الحزينه

بعدها يسفك ثلاث أربع عبارات ويثرثر في جريدة

مو قصيدة

**

ليّنٍ فوّاح هذا الليل

شفافٍ طري

يستوطن الكرّاث باطرافه

ومع هذا نخافه ؟

أبرقت أوهي طعوني

أرعدت أو هو أنين

والسهر يحطب عيوني

رمث وأوراق وحنين

الفواصل

كانت أقرب للمراجيح الصغيرة

ليه ترسمها مقاصل

.. يالقصيدة

لاتواصل

.. آه لو تدرين شلي

لاتواصل

.. فيك حاصل

لاتفاصل ردها مثل المراجيح الصغيرة

مثل حبات الذرة

شيّطنت لاعب كرة

ظل شعره طيّرتها الريح

من قذلة مره

كل ليلة

يخرج من الما

ويدخل في القصيدة

طفل

يبادل ضيا القنديل

باسرار الفراشات

ويضج بدفتري

الشتا تلويحة المنفي إلى الأرض

البعيدة

والمسا نادل وانا في حزنك العشرينيا

واستبدل اسمك بالفراغ البربري

من حصاتين .. لحصى تين

استدار اليانع المجبول بالأوتار في العاشق

بلادي

مثل ماتغرق سما في نجمها

أعلنت نعناني على صدرك

ومرغتك في وجه بنيّتٍ ماشاغبت نسمه

طرف فستانها إلا

ونورست احتمالاتي

حليبٍ عاريٍ حتى من العري و

**

بطاقه

أكثر الأشيا قرف قارئ يقلب في كسل ... حزنك

تماماً مثل ماسيل المجلات القديمة

في صوالين الحلاقة

..

انطلاقة

ماتوّحش في دم الباذر سوى الأخضر

بلادي من حصاتين لحصى تين

ارتبكتك

ارتكبتك

وابتكرتك

كيميا وغيّ

تك تك

مرحبا

تك تك

ومرٍ بي حبا

تك تك

قصيدة

تك

فوجهٍ طاعنٍ في اليتم

تك

[صبر]

ياعلي

ياعلي للشعر عبدي ولا هو سيدي ___ صاحبي له من جنوني ولي من منطقه
مايخون الطيش والملح ياكود الردي ___ له علي ان ماسبقني على الطيب اسبقه
والله اني من عرفته وانا ابشر بسعدي ___ كل حزنٍ يفتح ابواب حسنٍ مغلقه
والله اني ماذخرت لمعانيه جهدي ___ ذمني ولا مدحني من يقول سرقه
اعشق من الشعر كله عيوني ورمدي ___ واعشق من الكل بعضي اذا الصمت انطقه
واعشق من الليل الاظلم وأشوف السرمدي ___ قدر قرمٍ بيض الله وجهه بصنقه
واشق من الصبح الأكسل نسيم وفي يدي ___ دفترٍ يهدي العصافير لحظه مورقه
وأعشق من الصحبه أم البساط الأحمدي ___ لاتهيّت وأعشق من العسل طلبة ذقه
وأعشق من الوقت وقتي لاابوي ولا اولدي ___ وأعشق من الناس كلٍ على قد اعرقه
ياعلي والشعر عبدي وعبدي سيدي ___ أعمق الشعر أبسط الشعر وأبسط أعمقه
في الحنايا خيل ترمح وخيال يحدي ___ وفي المرايا ألف بحر يتلعثم بأزرقه
ياكثر ما اذكر من الناس لاصرت وحدي ___ من نسوني ونسوني بكذبٍ مصدقه
كل وعدي مع اللي يخونون وعدي ___ يالبناخي بعض طيب أقهره باللي خلقه
لو تهيا للطريا سويا ماغدي ___ مزبن الذهيب ممراح خاينت الثقه
يقنب النسيان الأمعط بروحي ويعدي ___ كل ليله في فياضي والا الله يرزقه
السهر ، ماهو بهذا السهر لايابعدي ___ السهر شفني تعرفه وشفني تزهقه
كل جفنٍ من جفوني غدى بيت أجودي ___ لاتقظب فيه عبدٍ من الليل أعتقه
ليت لي قدره على الثار تكفا ياسندي ___ من حبيبٍ طشر القلب مليون ورقه
مارماني خطرتن لجل يرضيني ودي ___ نيشن الفرقا هنيّا تمركا بندقه
وانتهى مستسهل سهيل يستجدل جدي ___ مابقى غير اليباس بعيون مغورقه
كم تكحل عاذلي وانعمى من مرودي ___ يوم قال العين بالعين مالله وفقه
قلت والله دام قفى وظليت وحدي ___ لتركه في داخل القلب محدن بشنقه
ياعلي كلي نهايات من وين ابتدي ___ ياعلي كله بدايات من وين أعشقه
له عيون ولي ضلالي بها ليناهتدي ___ ولي عيون وله علي البكا لين أغرقه

[صبر]

الكرز

الكرز واحد وعشرين حبه .. رفرف الغصن وأورق عندليبه
افتحوا للشبابيك المحبه .. واصدحوا بالهلاهيل الرطيبة
غافل الشمع في عيده تنبه .. راح ياخذ من الظلما نصيبة
طفل من عادته يكسر العبه .. وش عليه ان كسر خاطر حبيبه ؟
سنةٍ من سننه المستحبه .. يترك قلوب عشاقه عطيبه
ضاااع من قال أنا ضايع بحبه .. والله إن الدلاله ضيعتي به
قبلت الله عليه شلون ربه .. خالقٍ بيسمه يوم يحكي به
لو مكنته تغافلته بحبه .. مير هو شايفٍ في الأمر ريبه
ماحسن الظن في ريحٍ تهبه .. يحسن الظن في مثلي.. !!مصيبه
المسبه ، به الطرف المسبه .. ماسوى طرفه الساهي يعيبه
عجزت امرايته فيه اتشبه .. حاولت فيه ماقدرت تجيبه
ضامرٍ مثل رجل براس قبه .. ينفح بغيمتين الصدر طيبه
بعد هذا وش اللي ينكتب به .. قبل هذا وش اللي ينقري يبه
منبع النهر ، والنهر ، ومصبه .. مشرق النور ، والنور ، ومغيبه
إن بغا يسلب الرمان لبه .. وإن بغا صابت النعناع خيبه
وإن حلى اللعب والميدان طبه .. مالك إلا تقول الله حسيبه
والله إن القلوب المستتبه .. تسطفق تقل ناهبها نهيبه
ياهل العرف ماقبله يجبه .. كيف أجل بالحشا مركي صليبه
الكرز واحد ومليون أحبه .. من هنا لين سكره وحليبه

[صبر]

قصيدتي

قصيدتي لاغدى ضيّي .. شحيح وارتبكت يديني
وتعثرت بي خطاويي .. ولاعاد رايي يقديني
وصرت أطلب الصاحب يعيّي .. ماغير بعدين بعديني
وتنكرولي بني خيي .. واستسهلوني معاديني
والموت ماعاد متهيي .. والعمر ماعاد يمديني
تكفين لايابعد حيي .. ظلي معي لاتهديني
ماكان لك صاحب زيي .. وشلون اجيك وترديني
اما افزعي وانصفي غيي .. ولا ترى الناس مقديني

[صبر]

ما يعتذر كود غلطان

ياربعنا ما يعتذر كودغلطان .. وانا عجزت القا خطا في خطايا
حي العما كاني تناوشت الازمان .. ما شفت غير خيولهم في عمايا
وان قلتو اني ما تعوذت شيطان .. نفسي لأني شفت سود النوايا
قدامكم ربي بلاني بمن شان .. فعله معي لين اظلمت بي سمايا
زل وكتمت وزل وازددت كتمان .. وازداد في غية وجاني بلايا
عطيته الصافي من العلم خلصان .. من غير مأ اسأل من معاه ومعايا
ما غابني وان غالب الدمع الاجفان .. راجف رموشن مير ثابت حنايا
واللي بوجهي ما تحشم له لسان .. والله لاحرمه الحكي في قفايا
وان كانو هو من رشفة الكاس سكران .. سكران انا بغبار خيل الطنايا
عاداتها تقبل تقل مالها ارسان .. وعاداتنا نهدي ضحانا ضحايا
مثل مثل شمر علقو يوم الاكوان .. ارواحهم عقدن بجيد المنايا
وحنا الضياغم والزقاريط نيشان .. في جبهتي زاد المزايا مزايا
وانا ولد عافت سلايل كحيلان .. على اسم جدي والاسامي وصايا
ياشين يوم الطيب نجرن وضيفان .. منا العطايا تستمد العطايا
وياشين يوم العز خيلن وفرسان .. شمر عصى موسى وربعك حيايا
ويومك قنعت بسقف واطي وجدران .. الشمري للشمس حث المطايا
ياخف وزنك وان وزنا بميزان .. وافعلنا من كل شينن عرايا
لاانته بجنبي طيب او عز او شان .. ولا انته بقداني ولا انته ورايا
الله بلاني بك ولاني ببلشان .. لا شك ودي ينطحوني قوايا
الله بلاني بك ولاني ببلشان .. لا شك ودي ينطحوني قوايا

[صبر]

عبث


عبث تحسب سنيني بالسنين وتكسر المكسور .. عبث ترمي بدلوك في القديم ، وتجلب أعماقي
أنا الذابل مابين المكرفون ورغبة الجمهور .. عشان أحيا .. مثل مالازم أحيا داخل أوراقي
تضاريسي ، هي المستقبل المتواضع المغرور .. لذا مديت كفي للوداع وبعلن افراقي
عجزت أقبل أصابيعك قفص وأحلامي العصفور .. عجزت أخذل دمي لو مرةٍ وانحزت لخلاقي
رفضت إني أكون القطعة اللي تكمل الديكور .. تخيلت المكان ، وهالني حبسي على فاقي
ستارٍ باردٍ مسدل ، وجرحٍ ماينز بنور .. وكرسيٍ تشد اعيونهم بأطرافه اوثاقي
ملل ، يلغيني التصفيق والمسرح بليد اشعور .. جنون استقبل الورده من اللي يذبح الساقي!!
وداعا للقلوب المستريحة والعيون البور .. هلا بك يالدروب المتعبه لو كنت بك شاقي
أنا الأرض اليباس اليا بنا غيري بجلدي سور .. وأنا المرعى الخصيب ان كانت حروفي هي انياقي
كفاني من حياتي لو مضيت ولا شهدت بزور .. وكفاني من مماتي لو مضيت ولي أثر باقي

[صبر]

لعب عيال


هنا نجلس أحسن أو هنا؟ وين ماتبغين .. أنا احب هذا الركن لكن على أية حال
هنا أحسن ،، أرمي معطف الفرو ، للتخمين .. وفيه تعرفين إننا احب هذا الشال
علامك ، علامك ساكته ،، ليه ماتحكين .. تبين أبتدي؟ حاضر ، على امرك براحة بال
على نفس هذي الطاولة ، من ثلاث سنين .. رمت بنت دبلتها الذهب ، وانكسر رجال
تمسك بها حاول وحاول ، لين بلا لين .. كان يحاول بكفّت الأشكال
وشدّت ايديها ، وارتفع صوتها وبعدين ؟ .. أنا لازم امشي ، وأنت يكفيك لعب عيال
على حر من قلب انهدم حاول المسكين .. وعلى قل من مهل الندم ، باعدت تختال
هنا ، مات حب و، يبس قلب و ، تملت عين .. من الملح ، وأندفنت حكاية فرح وآمال
وجيتي تبين انرجع اللي مضى هالحين .. أنا من ثلاث سنين بطّلت لعب عيال

[صبر]

مريم


مريم وتضحك يرق الما ويصفالي زماني ... والمكان يطيب والرمان يتكدّس هنيا
قلت رحلتنا تبي سكر وترنيمة أغاني ... جاوبت هات الأغاني وأترك السكر عليا
من شفايفها صباح الخير شكل وطعم ثاني ... آه لو تدري وش اتسوي صباح الخير فيا
تاخذ الما من يديه توصله شط الأماني ... واهنيي كل مامريم خذتني من يديا
أذكر أول ماتلاقينا تسمّرت بمكاني ... حاولت عيني تشوف الدرب مير القلب عيا
الحلا فيها من أقصاها ولا للزين داني ... كل مافيها خلقه الله من طلعة محيا
كل ماعز الطلب عندي وقالت لي عشاني ... كلت من هذي قبل هذي وجابتني حميا
قبلها ماطاعت اقدامي طريق الا عصاني ... بعدها ماظل حلم أخضر بصدري ماتهيا

[صبر]

دخيلك


دخيلك دخيلك لاتصلح غلطتك هذا الخطا غالي .. رفضت انك تجيبه من عرفتك لين هو جابك
ومدام ان الزعل مثل الرضا يبقيك في بالي .. انا مزعل ولاارضى منك انا ازعل عنك وارضابك
هلابك يالخطا ضيف عزيز يكرم دلالي .. اذا صبيت له فنجال عفو ونوخ اركابك
من الليله باسمي غلطتك عنقودي الحالي .. الامني قطفته بالسماح انتثرت اطيابك
حبست العقلواطلقت العنان لمهرة اهبالي .. وقريت ان الخطا عين الصواب بصفحة كتابتك
وش القمرا سوى غلطة ظلام ولاني مغالي .. وش الظلما سوىغلطة سما بتقلد هدابك
يساورني يقين ان المطر غلطة هوا عالي .. حسب نفسه يصالح غيمتين وبلل ثيابك
فديتك لاتعذر والذي سواك واهدالي .. عيونك مالقيت الطف بهالدنيا من اعتابك
جزاك الله خير وبيض الله وجه عذالي .. متى ماجيت ابنسى سيرتك قالوا لي احبابك
وانا لقالوا احبابك عجزت اسمع وش التالي .. خذيت الكلمة اللي تشتهيك وضعت باسبابك

[صبر]

الصورة

كانت الصوره جميله ... و كان في الصوره طفل

و خلفنا كانت مره تلبس عباه

و اطرف الصوره ولد يضحك صباه

و قربنا حطت حمامه .... قربها حطت حمامه

تذكرين اش كثر كانت ابسط الاشياء تثير الانتباه

و في البعيد احتفظت الصوره بمنظر مهر جامح

و في البعيد فاخر الصوره شخوص بلا ملامح

تذكرين ايش كثر كان

الوقت ... شفاف و ... حنون و ... طيب و ... مبهج و ... دافي متسامح

و كان في الصوره و هذا اجمل اللي كان في الصوره ... طباعك

نظرتك و الشيطنه في داخل عيونك جنونك ... و اندفاعك

بسمتك لما تطوقني ذراعك

اذكر انك قبل ندخل هذي الصوره في لحظه التفتي لي و قلتي قول احبك

قلت اخاف ليا تكلمت احرم اذني من سماعك

كانت الصوره جميله ... كنتي في احلى نفانيفك

كأن الصبح ضيفك

او كأنك من كثر ما كنتي انتي كنتي طيفك

كنتي في اكثر مواعيدك وفا

و كنت انا في ايديني دفا

كانت الصوره جميله ... و كان في الصوره طفل

[صبر]

أسمّيك المطر


سلامات تطول الغيم وعذوق النخل والطير .. تزف ابه الشموس من النفوس لشيخها الغالي
هلا ياللي خلقت بيوم راد الله بخلقه خير .. ابغني وابنطح بالهلا ياسيدي فالي
تمسكنا بحبل العروة الوثقى وهو تدبير .. تكافخ به بيارق عزنا في المر والحالي
وسلمك الولي للشعب حب وللوطن تعمير .. وللمحتاج تاج وللعدا ضيم وغربالي
اسميك الجبال الشم والقى بالحكي تقصير .. خفافك لو نحملها الجبال تدور الوالي
واسميك القمر زلة لسان ومالقابه غير .. شعاع ينطفي وانت اول انوارك بلاتالي
اسميك المطر حاشاك لامامنت المطر يامير .. وهو لاعطا نزل واما انت تعطي وانت في العالي
اسميك انت مااسميك غيرك باخر التفكير .. بغيت القى شبيه لك سواك وماتهيالي

[صبر]

النظرة السمحة


قالت وش العلقم الترياق؟
ومحدٍ ضمادة سوى جرحه

كل اللقا لو نظرت فراق
وكل البكا من ورا فرحة

محدٍربح كود لما باق
محدٍ خسر كود من ربحه

مابه خلوق وعديم أخلاق
للكل نسبة من الصحة

يا شاعري والوهم حرّاق
أجدى من مصافحة ذبحه

خذها حقيقة من الاعماق
صدرك هو اللي طعن رمحه

مافي الكتابه جديد آفاق
كم تشبه الكسرة الفتحة

قلت اسمعيني صوتي تاق
يجمع لك الكل في شرحه

ان قلت بعض الفراق عناق
أو قلت بعض الكفن طرحه

لاني بكاذب ولا آفاق
لكنها النظرة السمحه

أكبر خطا اننا نستاق
تعريف للبحر من ملحه

انتي اتبعيني..أنا أوراق
أو تهجريني..أنا صفحه

للشعر للحب للاشواق
لليل في داخله صبحه

بيني وبين القلم ميثاق
يهدّني..وأبني في صرحه

ذي راحتي وإسألي العشاق
العاشق كتابته مسحه

[صبر]

عصفورتين و شمس


على حد العطش أرسم فمي غيمة وخمس أطفال
على حد الظلام أشعل يدي عصفورتين وشمس

مكاني مو مكاني والزمان يشوفني أشكال
أجي مرة صراخ أقوى من الحكمة ومرة همس

أنا كرهي خبال ولا عشقت أعشق بعد بخبال
ولا أعرف الوسط بين الحلول وذي طبيعة نفس

وأنا عشقي لباكر ولاجل ذا باركض رفيق ظلال
وفي زوادتي تمر النخيل اللي زرعني أمس

معي في الذاكرة بنتٍ توصيني بمشط وشال
وصوت أمي يوصي لا تجي ربعك بخاطر عمس

وأنا أمك لاتنام بليلةٍ وأنت خلي البال
وخل أدنى طموحك لانظرت لنجمتين اللمس

وأنا أمك لاصعدت إصعد مثل دعوة فقير الحال
ولامنك نزلت إنزل مثل غيثٍ بيحيي غرس

وعلى حد العطش إرسم فمك غيمة وخمس أطفال
وعلى حد الظلام إشعل يدك عصفورتين وشمس

[صبر]

غنّى المغني



غنى المغني ودار الرقص في الحفله
والضي شعشع وضج الطار بالعالي

وانا اسرق الشوف لعيونه على غفله
وادور اوصاف تحلابه وتحلالي

صارت حروفي معه ريمية جفله
لكني امسكت بالمعنى على التالي

اصدق من الجوع واطهر من بكا طفله
واهدى من الليل وادفا من عتب غالي

له في الحنايا عصافير ترفرف له
ليت المغني يمول له بموالي

واصابعي من لظى شوقي تكاتف له
يفرك بعضها بعض واصيح عزالي

وانا ادري ان الذي جنبه يسولف له
عني وهو يبتسم ويقول : انا مالي

كيف انت مالك وانا ماجيت للحفة ؟!
الا علشان اشوفك يابعد حالي

[صبر]

هب الكرز واستجمع الفل فله


هب الكرز واستجمع الفل فله
ياكيف انا ماقول للشعر لبيه

حزن مثل شباك صبح تبله
قطرة ندى تزحلقت كنها ايه

بشفاه عاشق ساهي واستغله
خبيث باسم اللي ذبحه بتغليه

ياسيدي لاحزانك المسفهله
سحاب وانت تظلله وانت تسقيه

اوميت لي وانا الغريب الموله
ورديت لك وانت العجيب بمعانيه

كنك تعرف ان الشعر فيه خله
لا هي على وزنه ولا في قوافيه

اردى الشعر قول يجيك بمحله
واحلى الشعر قول محله يجي فيه

ويش الدرر ياصاحبي غير عله
في صدر محار الحصى حيل موذيه

نحزن وفينا يلتقون الادله
لا من بغوا للعيد طفل يزكيه

ياما كثير اشيا ممله .. ممله
وبالشعر يلقى الادمي ما يسليه

لولا الصبر كيف الاهل والاهله
ولولا الشعر كيف العتب والمشاريه

والناس فيها من عزومه تتله
وتوصله فوق العليا وتعطيه

والناس ياما في الخلايق جبله
ياكل ويلتم الرخم في علابيه

لو بروزوا له صورته في المجله
الناس تدري عن علوم المسافيه

وانت الكريم اللي حجاجه يفله
ما عنده الا ابشر بمطلبك ياهيه

وانت الشجاع اللي سيوفه تسله
والفيلسوف اللي انتهى في مباديه

هب الكرز واستجمع الفل فله
لبيه .. ثم لبيه .. ثم الف لبيه

[صبر]

مدد






ولا .. روح من قبلها .. ولا بعدها من بلد ..

لها يشعل الشمس ... قمح الرهان ..

على بعد صبحين من (ميمها )

يغسل الحبهان النساء بالمسا ..

دِما سيّلت من محبينها ..

و الرزق بالأمهات ..

الأحد..

سندبد ,, رغبة البحر..

قلت السما ... مثل شبكها ،

مسّها الأزرق الباتع ..إرتفعت ..

إرتفعت بلا عمد ..

تمريت في ( ميمها )

أيِّنا كان أنا .. وأيّنا كنت ذاك ..

هو اللي هنا .. قلت أنا .. وانا قال انا اللي هناك ..؟!!

لو نوى يسأل إثنينها .. وينها؟؟؟

طاش فيه البَرَد ..

وأربك الزر في الخيزران ..

أصبح الخير .. زان إسمها ..

كل ما ضيّعتها الجهات ..

إستدلت على شاعر في الثلاثين من وحدته .

بنت ..

لا تظلم الماء ... ولا تسلمه ..

ليلها..

فسّر العاشق بنجمة .. تحلمه ..

صبحها ..

علّم الأرض ما لم تكن تعلمه ..

وفي خيلها و خلاليخيلها .. أفلا تشمسون ؟؟؟

الثلاثاء ..

ولد ..خارج من الدعاء ..

البنفسج ..

سجد .. في صلاة أربعاء..

قالها ..

قالها في الكلام ..

من الماء .. لما لا نهايات للبرتقال ..بفوانيسها ..

كان .. دعس الحمام .. واضح الوشم في ساعد الرمل ..

قال ..

أعرف أشياء عن العشب ..

لكنها .. علّمتني متى لازم اللوز يصحى ..

وكيف الخزامى تنامى ..

وكيف الخزامى تناااااااااام ..

و من وقتها ..

كلّما الشمس فاحت ... تريقتها ..

و السلام ..

الخميس إبتدا .. ظلّها بالندى سيّلت كلّها ..

كلّلت جلّها .. بالمدى ..

سُؤْلف الماء حكايتاها ..

والضفاف أعلنت فُلّها ...

و أعلن الغصن ..

عصفورتين وشتا ..من متى ما شدى ..

طفلةٍ في هبوب الغنا ..كلّما شعرها فلّها ..

أورق العشب في حمدها .. وأعشب الضي في ما عدا ..

حامدٍ ما حمد ..

مـــــــدد .. يا صبااااااااااااااح الأغاني ...

مـــــــــــــدد ..

و لا قبلها من منافي ..

و لا بعدها .. من بلد ...

.

.

[صبر]

فتنة الحفل




فتنة الحفل زيدي مشيتك بخترة
كل خطوة بروق وكل لفحه صهيل

باقي بين عقلي والجنون شعرة
اقطعيها ياشينه عاشق مو هبيل

خلي الارض تاخذ شكل غير الكرة
خلي النار تاخذ رمز غير الفتيل

من غدى الليل شعرك قلت أنا بسهره
ومن غدى الصبح وجهك قلت مالي مقيل

ارقصي بين حد الذنب والمغفرة
ارحلي في سكونك واسكني في الرحيل

ارجفي كنك الماء فززته حجرة
واثبتي كنك الفضه بعين البخيل

وانحني مثل غصن في طرفه ثمرة
واوقفي مثل فزعات بدوي اصيل

والفحي علمينا كيف تقدر مرة
تزرع الليل صبح وتزرع الصبح ليل

في عيونك سواد يستحيل أخره
كامنٍ في بياضاً اوله يستحيل

واحد تخزرين وما يجيك خبره
اشهد انه عزيز واشهد انه ذليل

اترك العقد بين الجد والغشمرة
يخبر الناس وش معنى جميل في جميل

كن في الصدر ظبي عيوننا تذعره
ينتفض يذعر الي مذعرينه قبيل

ومفرق الصدر حبات العرق تجهره
كن لك عقد در وعقد من سلسبيل

بينهم حسد ربي بعد ما صوره
عقد وده يجف وعقد وده يسيل

آآه وليا لمحتك مقبلة مدبرة
شفت مثلي نحيل زم حمل ثقيل

دام ذا عجز وش للناس بالمقدرة
دام ذا خصر وش لي بالخواتم بديل

وسط ثوباً خيوطه صمت في ثرثرة
به قليلاً كثيراً وبه كثيراً قليل

كل شيء بجسمك يفضحه يستره
فيه فتنه قصير وفيه حشمت طويل

كنه المخطي الي يطلب المعذرة
وكنه الدامح الزلة عن الي يعيل

في ردونه نقوش له سنابل ذرة
الله اعلم لو ان الريح هبت تميل

كل شيء ونقيضه فيك بالمسطرة
اقرب من النفس وابعد من المستحيل

كنك الكذب لكن ماحدٍ ينكره
وكنك الصدق ولكن مافي يدينا دليل

باشت الغيد زيدي مشيتك بخترة
لاجل اطاول بحرفي شامخات النخيل

شاعر تلمس ايدينك على دفتره
تغرق في اوسط اوزانه بحور الخليل

[صبر]

غالية البقميّة



يفرك المعدن

ويطوي صفحه الشاشه

ريموت الكونترول

تنفتح لندن

على المغلق وتستفحل هشاشه

في العقول

الفم الماخور يتهجى الزواني

في فراشه

من عبارات يجغرفها العفن

يكمل نقاشه

السعوديه بلد ضد النساء

كرش يتهدل

وخفاش يتقندل

والمساء يفرك المعدن

عقارب ساعت الحائط تدندن

كف تضرب لحظه الحاضر

وتدخل قبل لاتاخذ من الاسمنت

تاشيره دخول

اول المشهد خيول

اول المشهد مراه

متوشحه بالكبرياء تهتف

هلا ياطاعة الله والرسول

ويتكحل سيفها المسلول

بالاحمر تغطه في صدور زيفها

حاول يمرغ كل تاريخ

اللبن والتمر

بتراب الكحول

ساعتين من الظلوع

من الدروع .. من الجموع

من الطلوع .. من الدموع

من النزول

وغالية وان عدوا الفريس عدو

فوق مية

فعلها ماله مثيل وزينها

زين بقمية

تلتفت للشمس

تسحب من ذيول الثالث من ايام

هذا الحرب ما يرخي

سدول

ظلة يتنفس اهل الدين

من جموع السعودين منها

مايخلي غطرست طوسون باشا

تقترح من عنجهيه جيشها الغازي

حلول

واختلط تالي القتام

باول خيوط الظلام

وغاليه في غمرة التفكير

راحت وارتخى عنها اللثام

وما اتنبه له غير شايب

يقال اسمه شليويح

انكف عن الشعر عشرين عام

بس في اللحضة ذيك

فز في قلبه حمام

يومين والثالث صياحة

يدق نجرة لضيفانة

جيش وجانا به سباحة

طوسون فرح بطوفانة

وحنا على الموت نطاحة

نفصده وتشيب قيفانة

في بيرقاً تركز رماحة

بنتاً هي الموت واكفانة

في كل الاحوال ذباحة

بالسيف ولا من اجفانة

ينكسر فانوس ضي المشهد السابق

ويكنس شاعر تافة

من ابواب الكتابة

ماسوى رمانتين

قطفهم من صدر

خلة

ناعم العود

المولة

يروي القلب

ويبلة

والمجلة

تربط اول كل سطر بنابح

يحرس ثبات الشيء

اي كان فيما يفرض المكسب محلة

طال عمر الشاعر الي مالقينا

في تواصيفه كلام

امسيه صفق لها حتى الرخام

او كلام ماحترم غير التفاهة

ما استتفه شيء غير الاحترام

ياعزيزي منتهى الحكمه وقوفك

منتهى الابداع يوم انك مشيت

فضل من ربي جعل هرجك غلاف

وصار وصمتك

مانشيت

الثعالب شابعة

والمسالك واعرة

الدعاره طابعة

والمطابع داعرة

وابشرو في العدد المقبل

تنشر صورة احلى

شاعرة

وينكسر قاموس خزي المشهد الفاضح

وتظهر غالية

والكون يعلن مغربة

فوق تربة

ماعلينا

ان فنو ولا فنينا

هم كثير اعداد واعتادو

خذينا في الثلاث ايام

ضعف الي خذو

مهما خذينا

صوت ثالث

رايه العز بيدينا

صوت رابع

والله انا ماخلقنا

غير للايام هذي

صوت خامس

يشرق في عز المغيب

ويتحشرج من مشيب

والله ان مايعبرون

وبه حدينا

راسه يشم الهوى

هيجنا الرمث

وتكسر في السماء

برق السحابة

وغالية بنت

المهابة

ابتسمت بحزن

لكد خيل الصحابة

ينكسر فانوس ضي المشهد السابق

ويبس شارع في اللحظة

الي يثمر الاحمر من شجرة

الحديد

ومايسيل الى طفل يومي بصحف اليوم

وينزل قزازة رجل وبتلويحة

ايد

تتدهش اقدام الطفل بالركض

ويعطيه الجريدة

ويتفرس في القزاز المرتفع

يرسم ظلالة

يثمر الاخضر من شجر

الحديد

ويبس الاحمر بحكمة

برتقالة

والجريدة

مابها الى ترجمة وحل في

مقالة

من صحيفه اجنبيه

غالية متطرفة خطرة

ارهابية

وتدعو للوهابية

وحكم ال سعود

وتتداخل في القصيد الازمنة

والمشهد الاول يعود

غالية والحق رافع

رايتة

ياهل التوحيد ياحمايتة

باكر الثامن من ايام الكرامة

في الليالي الفايتة

صار واحدنا يعرف لطرقهم في

الخيل .. والويل

وبقو هم جاهلين بطرقنا

هم كثار بغير دين

وجمعنا قله ... بدين

ومن هنا نكسب ويظهر

فرقنا

وفي ثمان ايام كر

وفي ثمان ايام فر

ثبت الله كل خير

وشتت الله كل شر

يقطع المشهد ويتنفس ورق

مصنع .. ومعهد .. جامعات

وخضرة في كل قلب

يصبها في كل شارع

اغنيات .. ومهرجانات .. ومزارع

وفي الاخير اطرف الصورة

على مخطوطة صفراء

تطبطب بنت في عنقودها

التاسع

كبرتي غالية

شوفي السعودية

كبيرة مثلها انتي كبرتي

مثلها انتي كبرتي

انت فينا انت في كل السعوديات

ما انتي

صفحة تيبس بتاريخ

الجبرتي

[صبر]

جدران على كتابة !!



يقدر الجمهور يحكي عن دفا الصالة أماكنها المريحة
وحده " البلياتشو" يعرف عن البرد (ف) خشب هذي الكراسي

في نهاية كل عرض (ف) آخر آخر كل ليلة:تستبيحه
عزلة تآخذ من ألاسمنت:طعم من المسا: لحم نحاسي

آتمرا أكتشف كم بعت وجهي للمساحيق القبيحة
آتعرى : ماسوى اللاشي واللاضي والخزي ويباسي

وحشة ملسا رخام بارد صلد يتناسل من فحيحه
ألف نرد يسرد الخذلان لين يفيض بالغسلين: كاسي

أول الليل: أفضح الستر آخر الليل: آتستر بالفضيحة
كل ما قلت:" أنت كاسي يا أنبهار الكل بي" صرت" أنتكاسي"

يصبح الصبح أعرف أني لا قدرت أسكت ولا فاضت قرحيه
يليل الليل أعرف أني لازم أبهرهم أنا نجم الأماسي"

بس أنا الليله: حزين ومنطفي مسدل وخطواتي كسيحه
البلياتشو" في المسرح المسفوك: تنكيت ومآسي

إيه أنا الليلة: حزين ومنطفي منسدل وخطواتي كسيحه
في الجمهور هذا الأبلة اللي أنشدلي وأفتر حماسي

حيل أنا الليله: حزين ومنطفي مسدل وخطواتي كسيحه
في الصالة في حبل الميكرفون الرخو في صعوبة مراسي

رانيا" هي لثغة لسان الطفل ب الرا خطا ولا صحيحة
أجهل الأشيا وأعرف أني أحبك حيل وإنك كل ناسي

رانيا" هذا الفضا: ضيق وأنا: نذر العصافير الفسيحه
إن قدرتي خلك الليله معي تكفين هذا البرد قاسي

"رانيا" مالك شبيه إلا الوطن مالي نقيض إلا النصيحة
زمليني بالهبوب دثري أصابعك في شعر راسي

[صبر]

الفواكه والسلال

كل ماهبت غصون العلم خير

بللتنا عاطفه

بالسؤال الي من الفرحة يطير

من يشمك يالعبير

الورد والا قاطفه

ياهنيك يالاجابه بالسؤال

واهنيك يابلادي في بناتك

مايلات الصعب صعبات المنال

غطرفي ياراية المجد العريق

طو عمرك فارعه

واقطفي من غيم جوك مايقليق

بالعقول البارعه

من من الثاني يشمك يالرحيق

الورد والا زارعه

واهنيك يالسحايب بالنفل

واهني الشمع باللي يحتفل

في ابتسامتها وهي تهدي النجاح

لكل كبير لكل صغير لكل طفل

كل قلب وماحتوى غصن وهبوب

وكل عقل ومافطن

والسعوديات انفاس الطيوب

ان خذن والا عطن

من من الثاني يحفظك يالقلوب

الوطن والا الوطن

[صبر]

حدود السهو



جتني الأسامي وبزهو

اخترت لك اسمين

سميتك : حدود السهو

سميتك التخمين

***

يا أعذب من الماء زلال

نادتني الأسماء تعال

اختار منها مايليق

اشّر عليها وسمّها

والورد قالت للرحيق :

قرّّب عليها شمّها

***

جتني الأسامي كلها

واحترت ويش اختار ؟

قال البنفسج دلّها علي

قالت : أغار

***

يا للي بك الملح اهتدى

لو يكتب الصبح الندى

و أصير لك شبك دار

وأغنية تتلفتك

سؤالها : وين النهار ؟!

جوابها : من عرفتك ..

[صبر]

حكاية آخر مسخرة


قلت للقلب - استفزه-:

والله اني لأتركه

قال : له عندي معزّه

ماأنت - والله - محركه

خل عنك الهرج هذا

اللي بلا معنى

ورح له واعتذر منه وردّه

وان حصل لك بوس يدّه

قلت للقلب - استجيره - :

والكرامه ؟

قال : يارب السلامه

قلت لك رح واعتذر له

وإن حصل لك بوس رجله

والله ان الله خلقني فيك

لأجله

قلت للقلب :

البنات كثار به من كل لون

الجوافة / الكرز / الزيزفون

قال : انا شالله بلاني

بالعفون ؟

قلت : انا شالله بلاني بك

حبيبك ما يبيني

قال : انا ادري

مير ماهي في يديك ولا يديني

قلت : انا بقطع وصاله

قال : انا بقطع وصالي

قلت : يا قلب استحاله

قال : يارجال غالي

قلت : ادور لك بداله

قال : دور لك بدالي !!

[صبر]

سينما الجهرا


فـ سينما الجهرا

كان الواحد يدفع مية فلس لـ "عنتر : يغزو الصحرا"

ميّه وخمسين فلس لعنتر : "يغزو الصحرا "

ميتين فلس لعنتر يغزو

الصحرا , والمتغطرس من ظلمتها ينبت شمسين

(طبعا غزو الميتين احسن من غزو الميّه وخمسين )

فـ سينما الجهرا

مية فلس لعنتر: يغزو الصحرا

ميتين فلس لعنتر: يغزو الصحرا

ميتين وخمسين ل عنتر : يغزو النعمان بن المنذر

ويرجع داحس والغبرا

(وفـ الاعياد ويوم الجمعه يغزو كسرى )

لكن لو ماعندك تدفع ايش راح يجرى ؟

:

أبداً

يسحب عنتر كرسي عند الباب ويجلس يقرا

يقرا فـ أرقام مفكّرته

يوطا خدّ امّه بالنعل

وعنتر تتخنزر عنترته

تُفرك عبله بين اثنين وعنتر لا ينكر معرفة الخزي ولا يعرف منكرته

عنتر سينما الجهرا هذا :

عبد لمن يدفع تذكرته

[صبر]

بطاقه


سلامتك

الله يرجع للدروب خطاك

للصبح ابتسامتك

سلامتك

من قلب يرسل مع سلامه خفقته

سلام

تك

سلامتك

ياللي الرياض آن ذعذع الما

واسفهل القحويان

أضيع في غمّازتين خدودها

وثمامتك

***

أعرف احسك

بس ما اعرف كيف اصيغ معناك

أغسل بشمسك

ظلمتي واقول آنا مضناك

مثل الرياض أنتي حنونه مبهجه

مثل اغنيه للبدر عبد المحسن

تغافل ضجيج المركبات وتتجه

لهناك

أنا ضلوعي أثل , وانتي

مثل مالك مثل

إلا الرياض ان ذعذع الما

واسفهل القحويان

وضعت في غمازتين

خدودها

وثمامتك

سلامتك

[صبر]

الكتابة



خارطة تعقبها رقصة واحدة حول دخان له أشكال ثلاثة

الكتابة :

إبرة ٍ مثقوبة ٍ من لا مكان

في لا زمان

إبرة ٍ يدخل بها خيط الدخان

وينسج الشاعر ثيابه

(1)

غرغر الما في نراجيل العطاشا

قلت له : مهلك

آه ياهذا الدخان اللي تلاشا

ليتني مثلك

لا فقدت اهلك

ولا بكوك احباب

علمك ف جهلك

صادق ٍ كذاب

تهلك وتهلِك

(2)

الدخان اللي يسافر في الزوايا

شهوة البارود

شاف وجهه - كانت عيوني مرايا - :

جثتين ودود

في الليالي السود

ثرثرت طلقه

الزمان : جلود

والفضا : خرقه

والحدود : حدود

لي حبيب ٍ كلما افضّ الرسايل

أوقظ نعاسه

البخور اللي لفظ وسط الجدايل

آخر انفاسه

صب لي كاسه

كلمةٍ كلمة

من فقد ناسه

لا ذبل حلمه

يشهر احساسه

[صبر]

تكوين



واذكر اني

ليتها ماكانت عيونك مرايا :

* التفت للباب حزنه

- التفت - ومالقيت احد معي -

للباب حونه

للستاير .. حزنها للقلب مزنه

للقصايد وزنها

ا

ل

م

ك

س

و

ر

في وجهي شظايا

واذكر اني

جيت اغير وجهة الارض

بشظايا لهجة رثه

مادريت ان الكتابه:

ثعلب ينهش لحم جثه

وموت وسط موت

والورق تابوت

***

واذكر اني ليتها ماكانت عيوني قصيده :

إدخليني

*

واذكر اول مادخلتيني في ليله

عرسها المبروك :

وجهك صار شوك

وبعت انا وجهي لحرفين بجريده

***

والتقينا اخر الدرب

لايدينك صارت انهار السلام

ولا يديني صارت الحرب

واذكر اني

صارت الدنيا بنا ألغاز

[صبر]

برواز
للملك عبدالعزيز آل سعود :



هي الصورة اللي ماحفظها لنا برواز
تجلت ملامحها على كل صدر وسام

مية عام من عمر الوطن لكن الانجاز
الا من حسبته كان مليون مية عام

ملك في عصاه الارض ماهي عصا عكاز
عصا يومه يطوح بها تنعض الايام

وهو مافتح قاع وهي بير نص وقاز
فتحها وهي جردا وعلى بها الاسلام

بدا بالرياض من اربيعن كرام عزاز
وخلا جميع اللي سكنها عزاز كرام

وشاف الحسا فوضى طلاسم كما الالغاز
وقال ابشري بي فوق خيل بليا لجام

تلفت لحايل قال لاواهني من فاز
بها وانتهض ومعزي ان قام يعني قام

ونخاه الحجاز وصاح انا للحجاز حجاز
عن الضيم شفها هو به اليوم من ينضام

وهوكانها عند العلم ليث مايعتاز
وهو كانها عند الحرم سيد الخدام

رجل كل ذره فيه تتنفس الاعجاز
كانه خلق لجل اتباها به الاعلام

عطاياه لاتحصى مزاياه لاتنحاز
لمسلم على مسلم وفي الحق ماينلام

ولولاه لولا مدة يديه للمعتاز
فلا مصر مصر ولاهي الشام نفس الشام

بأفعاله المسهب , وفي قوله الايجاز
وهو مرجع الدنيا اذا من بغت قدام

مية عام من عمر الوطن لكن الانجاز
الا من حسبته كان مليون مية عام

[صبر]

التعتيم



كل فكر يتبع التعتيم زيف
واضحها لأهل العقول الراشده

ومن جهل جاله من التعليم سيف
علم يسمع به وعلم يشاهده

والله انك تشرب من الضيم حيف
ما يعز الله مياه راكده

منتهى الفوضى غضى التنظيم كيف
وكيف الإستثناء أصبح قاعده

[صبر]

رصاصة الجهل


رصاصة الجهل أجهل من الرصاص
من يعكس الإرهاب باير لقاه

أردى من الوحل الذي فيه غاص
يالدما يبي يغسل ثياب المياه

مهما استقام الصف مهما تراص
على كذا ما تنقبل له صلاه

من حاول هدايه بشر بإنقاص
روحه هو من يهتدي في هداه

الدر ما يجلب من أيت مغاص
والعلم ما يوخذ من أية شفاه

والجهل ذيب اعما يجيد اقتناص
فريسته واهل الجهاله شياه

يالي من الناس ابتغيت الخلاص
الدين للناس الخلاص أبتغاه

إرهابكم على الحياه قصاص
وفي ديننا لك في الحياه قصاص

[صبر]

نجد


نجد شامت لأبو تركي وشيدنا
موطن من كتاب الله دستوره

نحمد الله جتنا مثل ما ردنا
قل هو الحكم لله ثم لأخو نوره

قاب قوسين من كف الفهد وادنى
غطرف الصبح بأشجاره وعصفوره

نكره الحرب وان عدتو لها عدنا
كلنا للفهد بأمره وفي شوره

أيه حنا هل التوحيد به سدنا
كل قاع لنا بالعز ممطوره

أيه حنا هل العوجات وحدنا
راية دوم لأبن سعود منصوره

[صبر]

الفجر



الفجر بين وينكم
هذي هي شموس الصباح

ما عميت الا عينكم
عن نور ربي والفلاح

السو حمل يدينكم
هذا هو الحمل السفاح

لا ديننا هو دينكم
ولا دينكم دين السماح

لا عان من يعينكم
ربي بفتوى وأقتراح

مسيلمه يهينكم
وتهينكم فتوى سجاح

افشو السلام بينكم
كيف انقرت افشو السلاح

[صبر]

مجدك قديم !!


مجدك قديم وجديد وحاضر وخالد
يامملكتنا السعوديه رعاك الله

بعبد العزيز الإمام الباني القائد
الي لباكر وحنا ننعم بظله

بسعود وبفيصل البتار وبخالد
حكمة فهد وبسماحة وجه عبد الله

بحره هو الي يزين وعلمه الجامد
ولي عهد الفهد يمناه واخو(ن) له

هذا هو الساعد لمن يطلب الساعد
وهذا هو الواجد وعدوانه القله

هذا هو الشاكر وهذا هو الحامد
ما يجهل الا الردا والخوف والزله

وإن جاد بالمال وقت السلم ابو خالد
في الحرب سلطان عاداته يجي كله

تحت امرته من رجالك كل متقالد
موته فدا للمليك وطاعة(ن) لله

لا طوع الصعب رجل وجالد مجالد
امورها مثل من سمي بفعل له

كن الولد سيف عاين فعله الوالد
سماه من بعد هذا نايف وسله

[صبر]

يبسن الأرياق

مرثية الملك فهد بن عبدالعزيز آل سعود :




اللي تعب واسترحنا نتعب ويستريح
قل للتعب يبشر بسيلٍ يهوله عدد

اليوم اذا يبسن الأرياق يبسن صحيح
ياضيق الاثنين للمستبشرين الاحد

الدمع يسبقه باقيه انحدار ومطيح
فاللي نزل من مدامعنا علينا صعد

مات الكريم الحيي المستقيم الصريح
اشجع هل الارض واخوفهم متى ماسجد

لولا المنايا منايا كان شفت الطريح
أي الصدوقين واوفاهم وعيد ووعد

لاشك ربه كتب ماللمنايا نطيح
نفنى ولا دايم الا وجه واحد احد

يارب كانه ستر نفس وحفظ عرض زيح
عن وجهه النار واغسله بسحابة برد

أنت الكريم وتحب من الوجيه الفليح
بشر من احسن بك الظن بدروب السعد

عز الله انه عدل فينا عسى الله يبيح
له ويغفر ذنبه ويجزيه عنا رغد

عف وعفى واصلح وجاهد وصان المليح
ولافارق اجر الصواب اجره على ماجتهد

ياحي الافعال من مسك وقرنفل وشيح
لاطاب طيبك ولا سوى سواياك احد

في الميتين الرثا يكتب وفيك المديح
يكمل مديحه بوصفك ياعظيم البلد

جمع البخاري ومسلم للحديث الصحيح
جمعك صحاح الشيم والطيب متن وسند

خمس وثمانين عام وكون صدرك فسيح
قل يعقب من نكر فضل يهبا من جحد

والفرق بعد المهد يظهر وقبل الضريح
يافارقٍ فالضريح وفارق ٍ فالمهد

من استطاع السبيل وحج فرضه يطيح
ومن طاح فرضه رجع شايل جمايل فهد

ماهبت الريح تبقى وانت لا هب ريح
اعف الالسن جميع واكرم هل الارض يد

لوماتسمى ملك ماظن ربي يتيح
هذا الاسم للبشر من قبل ولا بعد

وقت الرخا يكثرون اهل اللسان الفصيح
يا افصح الناس لاضاقت وعز السند

ان كان فيما كتب خادمك ضي ٍ شحيح
ياسيدي فاللسان من المصاب انعقد

واللي جهل في حضورك علم الامر القبيح
تعلم ف غيبتك جهل الصبر والجلد

وهو بس اناللي ضلوعه من دموعه تسيح
المملكة والعرب والمسلمين وبعد

يالله بصبر بلا سلوان يشفي جريح
سلوان مثلك ماهو حاصل ولا اطلبه ابد

ياوالدي كل عرق من عروقي يصيح
يامكرمك والد يابخل بخلي ولد

[صبر]

عناقيد المحبة والولاء

( 1 )

اعرب اللي في كفوفه خط سير
رفعة الشعب السعودي في الحياه

فاعل للمبتدا من كل خير
مبتدا فعل الجميل ومنهاه

فهد بن عبدالعزيز المستنير
في كتاب الله وسنة مصطفاه
(2)

يابلاد خصها الله بتعميم الرسالة
الف صلى الله على اللي به انورتي وسلم

ماترك عبدالعزيز لحماك الا عياله
خيرة رجال الزمان الذي منهم تعلم

كيف يغزل راية المجد بخيوط العداله
لين مايبقى على الارض مظلوم يتظلم

والفهد دام الفهد شال حملك وارتكاله
فابشري لافيه جايع ولاطفل يتألم

حافظ ربي دروبه عن ثلوم ومياله
وكل قاع من سحابه تمايل واتثلم

كل شعب غير شعبه تمنى ليتنا له
مير خص الله به المملكه ياللي تحلم

ماعرف كفه الا من عطا غير الجزالة
وماعرف غير الجزاله لسانه لاتكلم

(3)

كل حبة رمل شمس ساطعة
والله احد

وكل صدر آمال خضرا مشرعه
في هالبلد

السعوديين له والله معه
قبل وبعد

للعدا ضيق ولاصاحيبه سعه
علم ومدد

الضرر كف العهد والمنفعه
كف الفهد
(4)

شرع الفهد في قوانينه
ماشرع الله ف قرانه

يارب تحفظه وتعينه
وتديم عزه وسلطانه

طاهر ف ظنه وتخمينه
واطهر من ظنونه ايمانه

زاكي ف دنياه وف دينه
وازكى من انفاسه احسانه

كن الذهب جمر ف دينه
وفي يدينك كبود عدوانه

ولااكرم من اذنه سوى عينه
واكرم من عيونه لسانه

شعر ركض في ميادينه
معفي من النار شيطانه
(5)

الفهد عزمه وحزمه وفعل ذراعه
واليقين اللي مشابه وطاهر ظنه

والسحاب اللي حسد ماوطى من قاعه
في خطاه اللي على عزها مستنه

مستحق بلا فروض وسنن للطاعه
كيف عاد وطاعة الملك فرض وسنه

قدم الخادم على اسم المليك وذاعه
للخلايق والسعودية اضحت جنه

ماشبر شبره بشر كيف عاد اف باعه
مخطي من قال شبه ومثيل وكنه

حاجتين اثنين ابد ماهن من اطباعه
الرجوع ف كلمة قالها والمنه

(6)

الفهد بن عبدالعزيز الرياسه
تلوق له والتاج يزها بظله

عزمه قوي رايه سديد وباسه :
شديد وايدينه هي الطيب كله

يارب عزه كثر ماعز ناسه
بخفظه من الرحمه جناح المذله

(7)
لليل نجم وسامر
وللعاشق انفاس ولهى

يالله عسى البيت عامر
بالفهد والتاج يزهى

كف به الظي غامر
اكرم من الظي وابها

يامر بما الله يامر
وعما نهى الله ينهى

(8)

لامن حكوا في مسقط الراس نودي
غصب ورضا على غلا الناس للناس

وكل يقول في مسقط الراس جودي
ياغيمة التحنان ذكرى ونوماس

الا على هذا التراب السعودي
لان رمل المملكة يرفع الراس

(9)

عزك جديد وقديم وحاضر خالد
يامملكتنا السعودية رعاك الله

بعبدالعزيز الامام الباني الوالد
اللي له من القمر نور القمر كله

بشيمة سعود بعزيمة فيصل وخالد
بحكمة فهد وبسماحة وجه عبدالله

[صبر]

دروب الملك


صاغ من نبض القلوب المؤمنه عرشه وتاجه
خدمة البيت الحرام ورفعة الإسلام همّه

للرزايا كن وكر طيور أبابيل فـ (حجاجه)
وللعطايا كن للطوفان بكفوفه تتمّه

عجل معروف متريّث شوف وإما عن سراجه
تستدل الشمس به بإشراقها وتروح يمّه

الشجاع إللي يسلّه سيفه بيوم المواجه
تلبسه شلفاه من حور وبواريده تشمّه

الكريم أبطا عطاه لمن نصاه وقال حاجه
وأنقضت له بعد حرف الجيم ماوصّل لفمّه

الفطين من إعوجاج السيف تقويم إعوجاجه
راعي العوجا شف بعوجاه نهضة كل الأمّه

الأمين إللي يخاف إليا رمش وارجف رواجه
خوف لا يسأله رب الخلق عن عظم المهمّه

ويم مايمطر سحاب المدح بكفوفه نتاجه
الإمام ابن الإمام ابن الإمام أبو الأئمّه

[صبر]

أبطيت !

للملك عبدالله بن عبدالعزيز آل سعود :


ابطيت كنت انثر احساسي وارد اجمعه
وانثره ثاني وارد استجمعه من جديد

لين استراحت على غصني طيور اربعه
الوزن والقاف والمعنى وروح القصيد

واخترت لحظة يغط الزعفران اصبعه
في القلب ولكل شاعر وقت والشعر صيد

الشعر حرٍ رمى راعيه عن برقعه
واحساسنا ياطويل العمر طلعن وكيد

وانا ادري اني بصب الطيب في منبعه
بس الشرف لاتهيت فرصته ليه احيد

والناس بالشعر متبوعه ومستتبعه
لكنهم بالغلا جولك على ماتريد

بك يجتمع كل طيب وكفك توزعه
بين اقرب الناس واقربهم ولالك بعيد

والله ماشفت شخص الا انت له او معه
عين الضرير ويد العاجز وثغر الوليد

قسمت نفسك لضيقات الاوادم سعه
من وحد الكل بالحب يتكلل وحيد

تجوع عينك لشوفة جايعٍ تشبعه
جايعك يشبع ويبقى جوع عينك شديد

وتيبس لهاتك على طفلٍ تسيل ادمعه
وتكفكف الدمع ستر وعلم وثياب عيد

وحشة جهنم ومدت كفك بمنفعه
اختلفوا بكل شي الاّ بهل من مزيد

كفٍ وهي في رضاه تشوفها طيعه
وهي في زعلها الحديد اللي يفك الحديد

يامعلم اللي اغتر وقل فيه اسنعه
علمٍ يسدد عوجه وما نعوج به سديد

تهتف لك الراية البيضا وهي مشرعه
هذا هو السيد ماهو كل سيدٍ بسيد

وانا بوجهك اذا اعذاري ماهي مقنعه
ظنيت نفسي ذهين ويمكن اني بليد

اسمك يقدم وانا عن عمد من رجعه
وفي الحالتين انت الاول مير كيف القصيد

والشعر لاصار عبدالله على مطلعه
بك يكتفي ياطويل العمر وش يستزيد

[صبر]

كفو !

طلال الرشيد .. رحمة الله



كفو هي مالها إلا واحد ٍ مثلك شديد الباس
إلى ضاقت على الحر الكريم وخانت اظروفه

كفو من أول حدود الأمل لآخر حدود الياس
ولا به ياس دام انك هناك ولك بها شوفه

ابو نواف أبو كل النوايف رافعات الراس
ولد عبدالعزيز اللي حياته كانت احتوفه

طلال وقبل احدر حاجتي يرقا لها قرناس
كثر عرفه بجهلي شفت انا جهله بمعروفه

جلس مثل الرضا في قلب من صلى العشا بنعاس
وقف مثل العفو فيه مثله ساعة اوقوفه

عزيز ٍ في الحياه ليا صمد ماكن فيه إحساس
ذليلٍ في الصلاة اليا سجد ما قام من خوفه

كريم ٍ والله إنه يستحي من ردت الأنفاس
إلى منه عطاها للهبوب وردت ال جوفه

وش أكتب يالقلم يالمحبرة يالليل يالقرطاس
تعزبت المعاني والمعاني كانت ضيوفه

كفو ماهي كفو اللي صارت لحيْ الله من الناس
كفو للي كفو لو كملوها صارت كفوفه

[صبر]

البشر والشوارع



البشر والشوارع والمساكن
ليلها المغتسل في صبح باكر

السحاب السحاب ابيض وداكن
التراب التراب اول وآخر

القلوب القلوب اللي تماكن
من بعضها بعض والعشق سافر

العيون ان خذت من غير هاكن
النفوس ان عطت من غير ذاخر

رفعة الراس في انسانها ,كن
خالد الفيصل ارسلهم منابر

هذي الارض فيها شي راكن
في الحنايا وفيها نبض ساحر

كني اعرف بها كل الاماكن
كني اقرا بها كل الدفاتر

ليه ابها انا مدري ولكن
كن فـ ابها طفولة كل شاعر

[صبر]

لو الحزن دمع ..

مرثية طلال الرشيد

لو الحزن دمع الله يحرم يباس الموق
على العين لين يغرق الجفن مجهاشه

ولو الوزن شمع اللي من كبودنا محروق
ينير الظلام بنجر الاضلاع مهباشه

على سلم جدانه يموت و جبينه : فوق
لو ان الجدي يرقى على سهيل ما ناشه

وطيب لو ان المسك ما ارخصه عرض السوق
غدا من قواريره ومن طيب غراشه

"طلال الرشيد" اللي تجيه المنايا بوق
على صدق وعد الموت ، الاسباب غشاشه

نصاه الرصاص : ضيوف قلطهم :المعلوق
وعشى ضيوفه مهجته رابط ٍ جاشه

يا ربع يهبا ريح الفشق وشكثر معشوق
تقل عيب احد من "شمر"يموت بفراشه

وهذا مهو بايات احد يعجز الطاروق
يوفيه قدره لو هو السحر وادهاشه

أمير التواضع و الحيا و الأدب و الذوق
والاخلاق ملفى كل طيب و مطراشه

سرى للنوايف _ راس "شمر"مهو مسبوق
تقل وحده "الساري"والآنام "غباشه

نعم مايكبره "اللقب"يكبر المنطوق
بالافعال وعزوم الرجاجيل بطاشه

حثينا على وجه السحاب :التراب حقوق
لو الله عفا منه اكرم الخلق ماحاشه

يا رب اغفر لعبدك "طلال الرشيد" وسوق
له من البرد مايبهج الروح رشراشه

وعسى "ربي الله ونبيي محمد "طوق
يوقي بها عن ظلمة القبر واوحاشه

بجاهك وعزك وبجلالك ياربي عوق
عن النار جسم عل "الاستبرق" قماشه

يا رب وعسى صحبته "ابو بكر"و "الفاروق
بقدرتك ياللي ترزق الطير باعشاشه

يا رب وعسى اللي عندك من السعد مفهوق
له بكل عمر ماته ابن ادم وعاشه

[صبر]

الليل

الليل موحش غريب وحيّة رقطا وديجور
والليل طيب ودفا واخت تمازحني ونوّار

ساعات احس ان هذا الليل : نبش عظام وقبور
وساعات احسّه : فرح بنت برسالة حب واسرار

كم ليلة كان فيها الليل : عبد رطب محفور
وكم ليلة كان فيها الليل : ((جيفارا )) وثوار

يا ما تكدس وهو يشتم (( عيال الكل )) مخمور
وياما (( تسندس )) وفاح اللون الأخضر وأربك الدار

له ألف مليون صيغه في يديه النار والنور
وهو شيئ ثالث بعيد عن انفلات النور والنار

يا ليلة ليلها زرنيخ منفي يابس بور
لي ليلة كان حضن أم وثلاثة أيتام وصغار

ليل اتشمشم به اللي مر نكهة خبز تنّور
وليل اتجشم به اهوالي لحالي واصبح كثار

انا اصدق الناس واعدلهم وانا البهتان والزور
يا قطعة النّرد شوفي وش بقى لي بي من اعذار

في داخلي قصة غياب غريب يشعل حضور
هذا اليباس بعروقي يلعن ام الوقت لا جار

غاب الطفل ، قلت طيّب غاب بعد الطفل عصفور
طيّب وغاب الثمر طيّب وغابت كل الأشجار

غابوا محبين طيّب غبت أنا طيّب بكت دور
طيّب وبعدين يا طيّب ؟ وش اللي ظل ما صار ؟

تبسمت لي مرة قالت تعال وطاش بلّلور
بالحكمة اللي تضاحكنا عليها دمع وغبار

ما دام دنيا وترفعها قرون السيّد الثور
وش يزعل العاقل ان نادى عليه حمار : يا حمار ؟

[صبر]

غمازتين وسنا


احيان احس ان انا غمازتين وسنا
لبنية سيلتها حشمة زايده

واحيان احس ان انا موسم حصاد وجنا
في قرية نايده في بلدة نايده

واحيان احس النفل بعضي يمر الغنا
راعي غنم يحطب من ضلوعي البايده

واحيان احس ان انا ويا الهبوب تننا
للغصن نلبس ثياب الصبح ونعايده

واحيان واحيان احس ان الضبا بي هنا
واليا تحركت اخاف اذير القايده

واحيان اوقف عدوي واسأله اينا
بنا انا وايني بك جمرة قاديه

في صوت فيروز انا الصفصاف والميجنا
وانا مع حجاب شرق وطايره عايده

كلي من احيان من أشيا بسيطه بنا
تمر في صمت واستسلام ومحايده

أحرث من الداخل اقصاها هدام وبنا
لغاية الارض ماتصبح بنا مايده

وانا اكتب الشعر لي أو لي ولك أو لنا
كذا بلا ايدلوجيات ومزايده

الشاعر اللي من الخارج عذاب وضنا
في داخله همت المتمنعه رايده

الشاعر اللي مثل شمع نحيل فنا
حقيقته شمس تستلقي على المايده

اياك ترثين لي أو تحسبين ان انا
غالطت نفسي بلا داعي ولافايده

ماهو صحيح ان انا اباعدت عما دنا
فقط لأني أحب الوعر والكايده

[صبر]

هيّنه !!


هينه دام هي هذي فهي هينه
والله اني حسبت العاقبه عاقبه

عاد تدري هي من أول وهي بينه
شوفها مايبي له نظرة ثاقبه

بنت ستين كلب وزفت ومطينه
قصة النجم والخبل الذي راقبه

مابعد شفت من همي سوى عينه
كيف أجل لو همومي جتك متعاقبه

جيتك بغصن طيب زهرته لينه
كيف لو ييبس وتصفر الأوراق به

من رجا خير في شرواك ماعينه
لاأنت سباق طيب ولاأنت لحاق به

مومس الوقت لو صلت ماهي دينه
يعرف البير واللي فيه ومن واق به

لا تحلف اليمين ولا نبي بينه
فارق الصدر يالسر الذي ضاق به

كل شخص له من الذل مافينه
وكل شخص له من العز مالاق به

زيّن اللي تبي واللي تبي شيّنه
ماانت حول الطنايا لحيتك عاقبه

[صبر]

اخيذة ضحى



هذا القلم وش كتب هذا الندم وش محى
في ايدي رعشه ولاظني على شي قاوي

حبيبتي قربي هاتي يدينك صحى
في داخلي طفل مري به حمام وغناوي

الحب حنطه هقيت ان المفارق رحى
فارقت زاد الغلا رديت ولا بلاوي

أثر الهوى لاتمكن منك اخيذة ضحى
اثر الغلا الصدق صدق ان ضج ماعاد ياوي

ونا اخر اللي يدور صادقين نصحا
في الحب ياشينها تنوي تقل مانت ناوي

لاهي صعيبه ولاني لاقي اللي وحى
ولاهي قريبه ولاهي اللي تجي بالهقاوي

ولاهي بحب الخشوم ولابدقم اللحى
ولالقينا لها عند المطوع فتاوي

ماعاد ينفع خجل فيها ولامستحى
برد يفطر خشوم البل وعاشق خلاوي

[صبر]

أخافك تواعدني !!


اخافك تواعدني ولا توفي الميعاد
واخافك تواعدني وتوفي مواعيك

لانك اذا اخلفت مات الهوي ببعاد
ولانك اذا اوفيت مات الهوي بايدك

وانا ابغاك لايامي فراش وغطا ووساد
اذا الليل بعيوني نهاري علي جيدك

وانا ابغاك مينا لاغترابي وابيك الزاد
لجوعي وابي حريتي تدخل في قيدك

وابيك الشبك والطعم والصيد والصياد
وانا ابيك تطلبني وانا اعطيك وازيدك

أخافك نعم والخوف في داخلي يزداد
لانك تسيدت الزمن والزمن سيدك

[صبر]

مدى


أهز جذع المسافة ويتساقط مدى
أهز جذع القصيدة ويتساقط نخيل

تزهر يديني أحس انه طريقي بدا
واقول حيا على هذا الفلاح الجميل

أبدا بتجهيز اوراقي ، وقطرة ندى
أشوفها من على خد النوافذ تسيل

آخذ معي كل مايخطر في بالك عدا
ثوب ٍ تركته معلق في جدار ٍ هزيل

تبكي الستاير تناديني أرد الندا:
عمر الشقي ياستاير - لاتخافي - طويل

أودع البيت ، ياجدران طين وصدى
من كان مثلي رحيله أرض وارضه رحيل ؟

أسير حافي قدم دربي ضلال وهدى
وجهي سحاب وظما صوتي نواح وعويل

أقطع مشاوير تقطعني بطيب وردى
واصير انا الهين الميسور والمستحيل

وليا لقيت الطريق اللي مشيته غدى
قصير مثل الفرح مثل الليالي بخيل

أهز جذع المسافة ويتساقط مدى
أهز جذع القصيدة ويتساقط نخيل

[صبر]

جمعتك والحطب



جمعتك والحطب بيني وبين الذاكره فواح
وشبيت الكلام بدفتري واحرقت خلاني

شكت عيني من اثار الدخان وجفن عيني صاح
وشديت الجفون لبعضها لاشك مامداني

بكيت ويوم شفت اني لحالي ماكتمت نواح
وسيلت الاحبه كلهم واحد ورا الثاني

من اول مانت خابر لاخر اللي مانت خابر طاح
ولاخليت احد منك انت لين العاذل الشاني

اذا الجرح انخلق لانسان أنا انسان انخلق لاجراح
واذا الاحزان لابن ادم انا ابن ادم لاحزاني

عزيز القوم ذل بلعبة الغفران والتفاح
ولاني سائل رب العباد يجيك ماجاني

ولاني طالب الا اني الا مني بكيت ارتاح
ولاني طالب الا ان انت ماتشمت بوجداني

لقيتك تلتفت لي في الدموع وغامرتك افراح
ومت من القهر حتى بهذي وتحداني

[صبر]

يابحر الاحباب





يابحر الاحباب جزرك شين
حي المنازل تحية مد

ما به على القلب كثر اللين
قاسي متى ما الحنين اشتد

يدفيني الضم في التنوين
يا شهوة الضمتين بود

حرفي حطبته من التخمين
واشعلتني له ف ليلة برد

والشعر جوله اثنين اثنين
قبلي وبعدي وجيته فرد

من قبل اجي له وانا : البعدين
ومن بعد ما جيت جيت البعد

لااقرب من ( الحمد ) كثر آمين
لاابعد من ( آمين ) كثر الحمد

[صبر]

دموع القصيده



صدر الورق يحضن دموع القصيدة
لما دموعي صدركم ما حضنها

وحبري عزاي بكل وردة شهيدة
لبستها ليلة فرحها كفنها

كان الفرح في بسمتك يوم عيده
تامر على فرحة زماني وتنها

كانت عيونك في حياتي عقيده
دافعت بأشواق المحبين عنها

كنت أختصر كل الدروب البعيدة
بأوتار تعزف للأماني لحنها

وفجأة لقيت أن الليالي عنيده
ووقتي عطاني حسبة ما وزنها

وأثر السحابة للعطاشا مكيدة
تغدر بمنهو راجي الخير منها

يا قاتل حلم المحبين بيده
ضيعت ساعات الفرح من زمنها

بين الهقاوي والعلوم الاكيده
ضاعت دروب اللي في عيونك زبنها

واللي بقى مني خطاوي شريده
ودموع عيا صدركم ما حضنها

[صبر]

الدليل




أضحكتني كلمتك : وين الدليل
عن هواي اللي تقول وتدعي

الدليل : الهم والجسم النحيل
وارتعاش الصوت لا صرتي معي

الدليل : الدمع من عيني يسيل
يوم هزيت بوداعك مسمعي

الدليل: الجرح والصمت الطويل
بانتظار انك عليا ترجعي

الدليل أني ركبت المستحيل
لجل أغير في عيونك موقعي

يوم كل عاش في فيّ ظليل
كنت أسافر وآخذ أحزاني معي

واعبر الدنيا كما عابر سبيل
شايل جرح الهوى في أضلعي

أدري أن الوقت لو يعطي بخيل
بس أحاول يمكن أنسى موجعي

كل هذا وتسألي: وين الدليل
عن هواي اللي تقول وتدعي

أعتذر كلي أسف ما كو دليل
أقنعي بالحب أو لا تقنعي

[صبر]

اعتراف




اعترف لك بانتصاراتك علي
واعترف اني خسرت المعركة

في ضياعك ضاع مني كل شي
ياسرابٍ عاجز لا امسكه

تهت أنا ما بين ميت وبين حي
مع فؤاد ذنبه إنك تملكه

بالمثل اخر علاج الناس كي
وأنت حددت الطريق ومسلكه

احرقي يانار ما خطت يدي
انتهت قصة عذاب مضحكة

انتهت قصة فراشٍ شاف ضي
اقترب من شان نوره واهلكه

[صبر]

الأبواب






بغيت أرمي بعض حملي

عجزت ألقى صديق

إلا الرصيف وبارد الإسفلت

ركلت اللي صدف رجلي

من احجار الطريق

وقلت :

ابي اقرا في الحصى

سر ارتباكي

لا لمست

الضاحك / الباكي انا

***

حملني

قبل لا اعرف الكتابه

موجك الازرق على متنه

وقال ان البلل : فتنه

وقالت لي :

قبل حتى ال(( قبل )) قاعك:

تضيع ان كثروا اتباعك

تغرد بالاغاني

بالاغاني البيض ياشاعر:

نجوم الليل : تفاح المسا

وعيونك : ذراعك

***

الملم حنطة غباري

البّس لهجتي ما يستر العاري

وأفك الباب : بلا د ي

والجهات الاربعة في غيبتك : ظلما

وما بين الجهات الاربعة : ظلما

ابي اتجهك معي : وجهك

واول ما حفظت من ((الرمل)) و((الما ))

واذا ما شابه المعنى عيوني

عاذرك : خوني

ولكن آه لو تدرين

عن طعم الثواني في غيابك

عن لهاث الضو في الشارع

عن الفارع من الحزن الطري

عن دفتري / عن جلسة المقهى

بلا اصحاب

***

تهجيتك ت ه ج ي ت ك

رفضت الممكن / الباهت : طريق

وهذا انا : جيتك وناجيتك :

اذا ما اشتقت في الغربة

قل الذكرى طحين الوقت

واخبز من تبي قربه

ب لا د ي

يا مفاتيح الكلام البكر :

جوعي لك / رجوعي لك

مثل ما للنجوم : اسرارها

مثل ما للهدوم : ازرارها

مثل ما للهموم : اوزارها

للمفردات الخارجه عن سلمها,

والداخلة في حلمها زوارها

قومي هو العشق

احتمالات التطاول في البنا

منح البنفسج فرصة الركض

انعتاق اجسادنا / المفرق هو العاشق :

جنونٍ يحفر فكبد السما

من شان دفن الارض في الازرق

ويا ازرق :

يابعد وقرب

يا لمحة في العيون الغرب

يا سقف الكون يا لون اللون

يا حبر اقلامنا المعجون

بالفوضى , وطين العاقل المجنون

يا ازرق :

من اللي يعرف ان البحر :

هين ؟

قال (( من يغرق ))

***

اشوفك ملح واتهجّا

حروفك وادخل فملجا

كفوفك واغرقك وانجا

واحبك واشبه الجامح

***

احبك : واشبه الجامح

لذا كان الصهيل : وسادة المعنى

وكنتي : أوّل الاشكال

مرَه فيها من التفاح

ما يحني غصون القلب للموّال

وكنتي : اخر الاشكال

مرَه لكن : فرس ودلال

وانا بين السما والقاع

كنت اركض وامد من العيون :

ذراع

أزاوج بين نجم الليل والنعناع

واهدي خطوتك خلخال

أنا الشاعر بلادي أو أنا الأشياء

ما تخفى وما تنقال

أحبك واشبه الاطفال

تحب وتشبه الاطفال

وتغريد الكتابه

(( بالرذاذ الطيب الدافي )) :

بهذا ثرْثرت نسمه وهفْهفْ شال

***

أحبك واشبه الجامح

لذا كان الصهيل : وسادتي

كانت عيونك : عادتي

والمثقلات من الغصون قلادتي

كانت

اذا ماشابه المعنى : عيوني

عاذرك خوني

ولكن لا تظنين القصايد بالوفا

خانت

بلا د ي , آه لو تدرين :

عن طعم الثواني في غيابك

عن لهاث الضو في الشارع

عن الفارع

من الحزن الطري / عن دفتري /

عن جلسة المقهى بلا اصحاب

عن الأشيا يقيدها ويطلقها (( الغريب ))

وبعدها يسال عن الأسباب

عن عيوني تصير (( الرّمْث ))

ويصير السهر (( حطّاب ))

عرفتي ليه انا المخطي وانا المعطي

وانا المطلوب والطلاب

عرفتي ليه انا كل الحضور

فحفلة عيونك وانا الغيّاب

عرفتي ليه انا الصادق

إلى حد الذي سميت به : كذاب

عرفتي ليه :

انا اكره دفتري واغليه ؟

ليه اموته واحييه ؟

ليه اثبته وانفيه ؟

ليه اهدده واحميه ؟

ليه اعطيه واستجديه ؟

ليه اجلس في كلي خارجه

واجلس في كلي فيه ؟

ليه ابدا الحزن وانهيه

باسمك

او عرفتي ليه

انا ارمي لهجتي : للملح والفتنه

وارد الباب

***

وحدك تفتحين الباب

وحدك

تطلعين النورس الغافي على صدري :

سمك واعشاب

***

ارتب لهجتي يا أجمل ضيوفي

واهيّل قهوتي وتهيلين عتاب

تصبين (( الدرايش )) في عيوني

و(( الرسايل )) و((الجدايل ))

و(( القبايل )) و (( القوايل ))

والكلام الحلو والاحباب

واضمك

سالفة (( غوص )) قديم فبحة

الشيّاب

أضمّك شيطنة طفل

ان ضحك : يجمع من غيومك أرانب

وان بكى : ت ت ك س ر

الألعاب

أضمّك

حبْل في (( حوش العشيش ))

و (( ضرتين )) وهفهفات ثياب

أضمّك: في الأغاني - لا ارتفع

صوت الاغاني

و (( الهوى غلاب ))

أضمّك داخلي يا داخلي

شنطة كتب فصل

وطباشير وشغب طلاب

أضمّك صالةٍ ضجّت بجمهورٍ غريبٍ

وشاعرٍ مرتاب

وتروحين ويظل العطر

تروحين ويخون السطر

لا (( الجهراء )) تجمّع رملها في

راحة يديني

ولا هذا هو (( المرقاب ))

,,,,

نعيق غراب نعيق غراب

نعيق

أ غراب

***

امد يديني ليديني

بلادي واسالك ويني ؟

واصيح : اهواااك

يكشر بينك وبيني :

((خميسٍ )) من جثث واسلاك

ورق ينشر ورق يطوي

شفاه من الظما تروى

جسد يركض بلا جدوى

ذراعٍ طيبه تلوى

بنادق ترتفع مابين :

طفلين وصحن حلوى

أغاني والرصاص أقوى

((بلادك وين يا نجوى؟ ))

بلادك وين؟

يا نجوى بلادي وين ؟

نغني والرصاص أقوى

من الاثنين

لو تدرين لو تدرين لو تدرين

عن طعم الثواني عن لظى الفرقا ؟

وكيف ليا غزاني في خميسك

صرختي ترقى؟

ابعْثر لهجتي في كل صبح

وكل صبح القى :

حروفي جامدة

قهوة كلامي باردة

نار الأغاني خامدة واشقى

***

من اوّل يوم لفراقك إلى هاليوم

ووحدك تفتحين الباب

وحدك تطعمين النورس الغافي

على صدري

عتاب ولوم

من اول يوم لفراقك الى هاليوم

ووحدك تذبحين النوم

هذاك اللي دماه تلطخ عيوني

سهر ونجوم

من اول يوم لفراقك الى هاليوم

وانا اركض واتبع آثارك

وامد من العيون ذراع

واقطف من سماك :

هموم

من اول يوم لفراقك الى هاليوم

وانا فوق الورق

تحت الورق

بين الورق مهزوم

***

كتبت وما بخلت بجرح

،،،،

كتبت وما تنفس صبح

عرق واشباح/ ارق واشباح

ورق واشباح / كفى ياديرتي

برتاح

من اول يوم لفراقك

ولا خان الظلام ولا وفا مصباح

من اول يوم لفراقك

وانا اضمّد جراحك يا بلد بجراح

من اول يوم لفراقك

وحمل المفردات (( سفاح ))

كفى برتاح

كفى ياديرتي/ ياسيرتي/ ياحيرتي

يا غيرتي برتاح

خلاص ما عاد امدّ من العيون ذراع

واقطف نجمة التفاح

هي الفرقا :

وما فينا الذي من فارقك ما

يرفضه رفضه

وما فينا الذي ما يلفظه لا من

حكى لفظه

وما فينا الذي ما ينهدم صبح ومسا

بعضه على بعضه

غبار ارواحنا يزداد ما نقدر على

نفضه

تبرينا من الاشياء

تبرت مننا الاشياء

تغيرنا كثير وكل قلب خان به

نبضه

هو الإنسان من اقصى حدود الدمع

الى اقصى حدود الدمع لعبة في يد

اللحظه

وضاع الشعر كل الشعر

في معنى : عجوز/ ومفردة

نبضه

والشاعر

يغازل بالرذاذ الطيّب الدافي صباحه

والمسا: يصفع جبين الشعر بالكبريت

والفضة

***

أبي أصرخ في البحر : تكفى

يباس فشفتي وسكوت

ولا ادري كيف تبتشفى

جروحي والجروح بيوت

دخيل عيونك الاوفا

ترفق بالتعب يا (( كوت ))

في برد يشفه المنفى

في ليل يشبه التابوت

قليل من الحطب وادفا

قليل من التعب واموت

اردّ الباب

دخيلك يا بلد لا تفتحين الباب

***

أبي أرمي من عيوني الناس

والإحساس

والأجراس

والحراس

والكناس

والوسواس

والخناس

الفظ آخر الانفاس

ارمي جثتي فوق السرير/ الياس :

لا شاعر

ولا معنى

ولا قرطاس

نعاس نعاس

نعاس

نعاس

نعاس

ن ع ا س

ن ح ا س

ن

ع

ا

س

***

من اللي هناك ؟

من اللي هناك ؟

من اللي يرمي الشباك

با حجار الحنين ويوقظ الفطنة ؟

انا القاع اللي قالت لك :

تضيع ان كثروا اتباعك

وانا البحر اللي شالك فوق متنه

بلادي

يا كثر ما ني مقصّر بالغلا وادري

ولكن ما قويت الجرح

تمنيتك تهجيتك

وشبّيت المعاني منْ حطب صدري

كتبت وما تنفس صبح

من اول يوم لفراقك

وانا اركض واتبع آثارك

واركض واتبع آثارك

واركض واتبع آثارك

ولكنك وقفت

ادري

لأنّ الصمت عاجز يقتلك

والشعر عاجز ياخذ بثارك

***

أبي حرّيتي

هذا الحكي من غابت عيونك:

شبك وسياج غضب كرباج

خذ عيون الهوى معراج

تشبه دايما بالجامح الطفل

وتذكر حكمة الامواج

ولا تهتم قصر ليل او طول

وكون المستحيل المعطي الذاخر

تقدم دايماً من أوّل الأوّل

وخذ حلمك معاك لآخر الآخر

تعلم كيف تقطف من بساتين الكلام

ال(لاء) وتصرخ ( لا )

أحبك

كثر ما احبك

أحبك واكره الاملاء

هو العشق احتمالات التطاول في البنا

قبل الالف

منح البنفسج فرصته للركض

بعد الياء

خذيني

علميني من جديد استلهمك

واستل همك

علميني كيف اغامر في البياض

من الورق

واعطي لصدرك فتنة الغامض

من النابض من الاشياء

خذيني

علميني كيف اسوي من عصافير الطفولة :

قاعدة والمدفع استثناء

جراح الطيبين : القاعدة والمدفع استثناء

عيون الطيبات : القاعدة والمدفع استثناء

***

زمنا وان قسا بيلين

وطنا وان قصا داني

تعوّدنا نزف الطين

عروس وصدرها حاني

ووندخل فـ الكلام اثنين

وننسى أيّنا الثاني !

[صبر]

نقد


ساحة الحقد واللا نقد والثرثره
ساحة الفقد والعقد الرخيص الهزيل

ساحة النعي واللاوعي والمسخره
ساحة السعي بالدرب الخفيض الذليل

ساحة الكذب واللاعذب والمنكره
من فعايل ولامن عايل الليل ليل

ساحة البيع والتشنيع والسمسره
ساحة الراحه اللي بين بنك وعميل

نقدهم قولة الميسر على الميسره
نقدهم قولة انت الزنج يالزنجبيل

يلمزون الشمال ب ياقمر مشغره
ويلمزون الجنوب ب زيدي الشاي هيل

ساحة نصفها واكثر يبي فلتره
لا لطافة خليل ولانظافة شليل

[صبر]

المرجوج





في ذكرى من لا يحتفل بذكراه

" جرّة أولى " :

" ياما رميت الكيس "

عن ظهري المحني

من خوف يلمحني

قبل آصلك إنسان

" يا صخيف الذرعان "

" جرّة ثانية " :

مغروس انا في القاع

مالبّس ال لا ، "إيه

" يقطعك يابياع

دمه وشاريه "

" حالة " :

مهدور دمي

يابنت عمي

بس الفحم مو مكحلة

ولا الليالي الممحلة :

ربيع

اقولها على شفا حفرة

من النفط

واضيع

{ عزيزتي وداد

البارحة كنت اغسل العشب انسرق وجهي ، نبت , و

الخضار : غبار له منقار نار، وله جناح : جدار وعيون ٍ جراد

البارحة هاجر مشت أشواطها المليون في روحي بأقدام ٍمن التاريخ

والاطفال والفوضى نبت زمزم من البترول يشربنا سواد

البارحة جيت اسرق السمع ل صهيل الخيل من باكر يجي ،

قلت التجي ،

غمضت داستني الجياد }

جرة ثالثة :

أيامنا علبة

احلامنا أعواد

معقودة مفقودة

" بوقت ٍ ركض كلبه "

ينهش لحمنا زاد

" ونامت به فهوده "

جرة رابعة :

السالفة

قد قلتها في شفة ٍ متراجفة

" سم السبب ياعارفه "

" سم السبب ياعارفه "

" حالة " :

لجل السنين المقبلة

لجل الوجيه الكالحة تصبح جواب الاسئلة

كل الذي نحتاج له : -

كبريت

سجادة صلاة وتمر

لجل انفجار السنبلة :-

خبز وثياب صغار

لجل الزلزلة

كل الذي نحتاج له : -

كبريت

سجادة صلاة وتمر

لجل اختصارالمرحلة

لجل الفحم من غير خوف ، نقول

ماهو مكحلة

كل الذي نحتاج له : -

كبريت : سجادة صلاة

وتمر

جاني ملاك الريح

والقيد في يدينه

لكن يدي عفت

اعطيته المفتاح

اطلق جناحينه

ريح ٍ بها لفت

ومن عهد ذاك اليوم

بيني وبين الريح

صداقة ٍ : -

لا جيت آبطيح

خفت

جرة خامسة :

وحيد

وحيد

وحيد

ازرع سنابل وانتظر ، تنبت رماح

وحيد

وحيد

وحيد

اكتب على نجم ٍ بعيد :

" احد ٍ يحاول ستر "

مابه من جراح

" واحد ٍ يحاول بالردى "

ستر القصيد

جرة سادسة :

" متىيجي في الارض بعض التدابير

حتى يجي للصابرين انفراجي "

طفل وفَراش ودمعتين وعصافير

أموت ، واترك في حديهم سراجي

" ثلاث ورقات وجدت فيما بعد " :

" 1 "

السفينة :

ناقة البحر الحزينة

والمواني : غلاف

والفانوس : قاموس القصيدة ،

والقصيدة : شاعر ٍ مطفي

ويكفي

دثريني

- أول الكذب الحقيقة -

لهجتي بوابة الثلج ،

وعناويني : غبار

مانام احد بفراشي البارح ، ولا لي

صاحب ٍ في الغار

" 2 "

في الظلما

من يشرب البرق

ويعرف الفرق بين النار والما

إما نبي ، أو شاعر ٍ صعلوك

أو أسمى

" 3 "

عزيزتي وداد

الوكاد :

إن الغيوم بتنقشع

وان الشموس اللي زرعنا في رماد

الجرح ، في وقت اللقا المسروق ،

في تلويحة التوديع ، في الممنوع

من كتب ٍ قريناها ، وفي موت

الصغار من العطش

لازم تشع

يمكن على هيئة قصيد

أونار

أو ضحكة صغار

ويمكن على شكل ٍ جديد :

طفل بيده حديدة ٍ يذبح بها

رجل ٍ جشع

بس الوكاد

ان الغيوم بتنقشع

وان الربيع

مقبل على الجميع ،

مقبل على الجميع

استبشري

[صبر]

لو ديرتى خيمه




لو ديرتى خيمه

أبنى لها ديمه

لو ديرتى :عذرا

اكتب لها وأقرا

من دفتر الشيمة !!

[صبر]

اعرف ثلاث أشياء


اعرف ثلاث أشياء:

ان انتى اجمل بنت

وانى احبك حيل

وانى اعرف :

ان انتى

اجمل بنت في الدنيا

وانى احبك احيل !

[صبر]

الفحم


بس الفحم مو مكحله

ولا الليالي الممحله ربيع

اقولها على شفا حفره

من النفط واضيع

[صبر]

الشاي


الشاي:

تعب السواعد

بحة الناي

عرق البعيدين الحفاه

الصارخين بلا شفاه

شفاي

وعيونى نعاس

خيبه في ابريق النحاس

خيبه

وليا رفعت غطاي صبيه

صبيه

صبي الشاي

تعب السواعد بحة الناي عرق البعيدين

[صبر]

الأماني


شفتِ وخدانى الامانى لحد فين ؟

شفتِ باحلمْ

أحلمْ

أحلمْ

قدّ ايه؟"

وتسألينى ليه انا شعري حزين؟

انتى اعلم

اعلم

اعلم

باللّي فيه

[صبر]

يشنق بتهمة قافيه


يانعمة مـ النافيه:

شفت انا الشاعر وهو يشنق بتهمة قافيه

شفت رجليه تتدلى في الهوى

لحظتها

شفت الارض تمشي حافيه

[صبر]

الشتا الساهي


الشتا الساهي:

ملاهي

للعصافير

للفراش

ويشربك حزنك

تكتب انك تكتب ويبدا النقاش

وتمطر مزنك

تِسألك ام العيال عن المعاش

وينكسِر وزنك ..

[صبر]

خارطة


الكتابة :

إبرةٍ مثقوبة من لامكان

في لازمان

إبرةٍ يدخل بها خيط الدخان

وينسج الشاعر ثيابه !!!

غرغر الما في نراجيل العطاشا

قلت له مهلك ؟

آآه ياهذا الدخان اللي تلاشا

ليتني مثلك !

لافقدت اهلك

ولابكوك احباب

علمك ف جهلك

صادق كذاب

تهلك وتهلك !!

الدخان اللي يسافر في زوايا شهوة البارود

شاف وجهه _ كانت عيونه مرايا :

جثتين ودود 00

في الليالي السود

ثرثت طلقة !

الزمان : جلود

والفضا : خرقة

والحدود : حدود

لي حبيب كل ما افضّ الرسايل

اوقظ نعاسه

البخور اللي لفظ وسط الجدايل

آخر انفاسه

صبّ لي كاسه

كلمة كلمة

من فقد ناسه

لاذبل حلمه

يشهر احساسه ..

[صبر]

معجبة !





يا آدمي حس ! ما جيتك تسمعني
الليل برد وقصيدك ما يدفيني

تراجف عضاي ... صوت الريح يوجعني
وأحس شي ٍّ تغلغل في شراييني

أحس في خطوتي يمك تنازعني
كيف اختصار المسافة بينك وبيني

خذني لـ( صدرك )... شتتني وجمعني
ادخل متاهات صدري واحترق فيني

ضيع أنت فيني وأبي منّّك تضيعني
في غابةٍ تحترق فيها عناويني

خذ ما بدا لك ... حلالك ! ... لا تراجعني
بعض الطلب ينهي اللذة وينهيني

هات ... انفجر شوق , إزعل وارجع اصفعني
سو شي ... أي شي ... إلا إنك تخليني

أنت الوحيد الذي بالحيل جوّعني
بالحيل ... بالحيل ... لين ارتجت سنيني

وش يمنعك دام ما كو ... شي يمنعني
ينده لك ... الجمر ... والنفنوف ... وايديني

أرجوك في طبع غيري لا تطبعني
ماني ملاك الطهارة ... لا تبريني

غلطان كانك عن الزلة مرفعني
النار في داخلي ... من بعض تكويني

إيه اشتهيتك ! وصمتي مو بنافعني
لو الزم الصمت ... تفضح حاجتي , عيني

للريح قط الورق , للنار واتبعني
أمّا أنت ميّت معي , وإلا أنت محييني

[صبر]

رحلة الغفران



تدلل على ما تشتهي دامك المحبوب
وكسر شعاع الوقت ... ثم هاك تعويضة

تفضل سنينٍ ودها في هواك تذوب
تفضل حنين العين في كل تغميضة

أنا قلبي " المهر" الذي ما بعد مركوب
ألين التقى وياك ... ثم هان ترويضه

خذيته بعدها في حديثٍ غريب أسلوب
وخالطت بين شتاه والنار في قيضه

فيا من خلقك الله كامل بدون عيوب
ترى نبشك لجرحي علاجه وتمريضه

إذا ما نقضت الجرح في قلبي المسلوب
تمنيت كلي جرح تسعد بتنقيضه

ويا رحلة الغفران هاتي عطيني ذنوب
لأن الهوى ناره ذعاذيع من فيضة

تعب فيني الواشي يبي عن هواك أتوب
يروح ويجي ما فاد وياي تحريضه

يعذربك لكني أعذرب له العذروب
وأخليه ميزة فيك ... ويموت في غيضه

[صبر]

للأرض ميلاد




سلامات لك ... للحب... للأرض ...للميعاد
سلامات لي ... للحرف ... للنور ... لوسادي

سلامات للأطفال ... للشمس ... للأعياد
خطتك المضرة يا سبب زود حسادي

متى ؟ كيف ؟ ماني سائلك ... لا تزيد إجهاد
وأنا عارفٍ نفسي ثقيلٍ بمنشادي

هلا يا حبيبٍ جيت له طايعٍ منقاد
مثل ما يجي طيرٍ على العش متهادي

رسمتك قبل ألقاك لوحة بلا أبعاد
لقيتك وصرت أبعاد أبعاد أبعادي

كأنك زمانٍ يب يجي أو زمانٍ باد
الا يا تتار الغدر خذ جبهتي وادي

ترى في عيوني تبتدي حسبة الأعداد
فيا أول أعدادي ويا آخر أعدادي

تشكل وشكلني وخذني معك لبلاد
بها تنتهي دمعة عتابي على بلادي

ما ستمح خيام من الهوى دمعة الأوتاد
بها ينثني غصنٍ من النور ميادي

نعم يفعل الله بالخلايق مثل ما راد
ومثلك بمثلي يفعل اليوم ما رادي

حبيبي لأن الموت بعيونك استشهاد
دخيلك ... أبي موتي على شان ميلادي

[صريح جدا]

اختيار رائع
سلمت الانامل