حفظ العلاقات

[حمزه]

لا تقطع ارحامك ويشملك الوعيد
ولا تخسر الغالي ولا ترخص غلاه
واخوك لا تخسره لو انه عنيد
يخطي مية مرة وتسمح له خطاه
وان كان شد الحبل حاول ما تزيد
ارخيه قبل الشد يوصل منتهاه
ولا تنصحه وقت الزعل ما يستفيد
واعرض عليه النصح في ساعة رضاه
ولـيا طلب رايـك عـطه راي سـديد
وان ما طلبك الراي لا تبحث خفاه
واعرف ترى قرب المنازل ما يفيد
واحيان يبدي شي ما ودك تراه
لكن لا تقـرب ولا تنـزل بعيد
خلك على قول المثل حذفة حصاه
واحفظ حبال الود حفظك للوريد
اللي معلق فيه موتك والحياه
ترى الاخو مهما حصل يبقى عضيد
وترى عيال العم ما عنهم غناه
الناس دايم ما تهاب اللي وحيد
اللي ليا منه وقف محد معاه
((للشاعر عبدالله الطلحي ))

[ابو رغد]

ولا تنصحه وقت الزعل ما يستفيد
واعرض عليه النصح في ساعة رضاه



عزالله انه صادق وقت الزعل ما احد يقبل النصيحه

[حمزه]

يا اهلا وسهلا بيك تشكرراااات