-
للظروف احكام
للظـروف أحكـام والغـايـب تــرى عــذره مـعـه
لين مايرجع ويشرح وش سبـب طـول الغيـاب
يمـكـن أسـبـاب الغـيـاب تـكـون فـعـلاً مقـنـعـه
بعـدهـا تقدرتـحـدد هــل سـؤالـك لـــه جـــواب
الصبـر طيـب وحـسـن الـظـن حــاول تـزرعـه...
لا تـسـرع فــي قـراراتـك ويـامـا الـظـن خــاب
واحتـرام الــراي الآخــر حــاول انــك تسمـعـه
حتى ولو رايه خطأ عندك تـرى عنـده صـواب
كــل شـخـص ولــه قناعـاتـه ومنـهـج يتـبـعـه
واختـلاف الــراي مايعـنـي القطيـعـه والعـتـاب
لا تفـكـر فــي الأمــور بضـيـق والدنـيـا سـعـه
والحـوار أفضـل طريقـة لجـل تذليـل الصـعـاب
والتسـامـح والـوفـاء أجـمـل صـفـات مجمـعـه
والحظـيـظ الـلـي جمعـهـا وهـــو لازال شـــاب
والشجـاعـه والـكـرم منـهـي خصـالـه تـرفـعـه
وراعي المعروف يبقـى منزلـه فـوق السحـاب
والرفـيـق الـلـي تـجـي مـنـه خيـانـه مـوجـعـه
لا قفلـت الـبـاب دونــه ينفـتـح عشـريـن بــاب
لا تـرجــى مـــن جـفــاك ولا تـكــون الأمــعــه
لا حضرت افرض حضورك لا تخاف ولا تهاب
ولا يـغـرك مــن حــدر دمـعـه وغــرق مدمـعـه
والـحـذر يـاذيـب لا تـامـن فــلا حـولـك ذيـــاب
-
صح لسانك
بس ياليت تكتب بحجم خط مناسب حتى نشوف بدون نظاره
ههههههه
-
[quote=عاشق ريم;491]صح لسانك
بس ياليت تكتب بحجم خط مناسب حتى نشوف بدون نظاره
ههههههه[/qu
واستخدم النظاره لوحدي ياخويه لييييه كلنا سوا
-
